et teneri in manibus dictorum donatariorum dictoque procuratori procuratorio nomine prædicto et dictis notariis juratis nostris et publicis personis stipulantibus et recipientibus vice, nomine et ad opus dictorum Abatis et Conuentus donatariorum et suorum in subscriptorum testium præsentia per pactum validum et expressum stipulatione vallatum et per juramentum suum præstitum corporaliter tactis Euangeliis sacrosanctis prædictam donationem vt supra factam deuestiturum et inuestiturum juris et actionis translationem prædictorum, et alia vniuersa et singula supra et infrascripta in quantum sua interest vel interesse potest aut intererit secundum superius et inferius declarata, ratas et rata, firmasque firma habere et tenere perpetuo ac firmiter et irrefragabiliter obseruare, et contra per se vel per alium facto, vel verbo, in judicio vel extra modo aliquo de cætero non venire nec contra ire volenti in aliquo præstare consilium, auxilium, consensum, vel assensum, cuiusquidem contrarium si forte quod absit dictus Joannes donator vel sui facerent vel facere præsumerent aut aliqualiter attentarent, voluit et expresse consentiit et concessit idem Joannes donator sibi et suis super hæc in omni curia et loco alio quocumque coram quocumque judice, mero judicis officio et persona alia quacumque omnem fidem et omnem audientiam penitus denegari. Promisit etiam dictus Joannes donator vt supra se non impetraturum per se vel per alium dispensacionem aut relaxacionem aliquam sui præstiti juramenti a summo Pontifice vel ab aliquo alio qui potestatem habeat super hoc dispensandi aut relaxandi, et si forte cum, seu sine postulatione ipsius Joannis donatoris dispensaretur aut relaxaretur cum eodem de suo præstito juramento (a summo Pontifice vel ab aliquo alio) promisit vt supra Idem Joannes donator se non vsurum prædictis dispensacione seu relaxatione sed eas voluit idem Donator ex nunc prout ex tunc, et ex tunc prout ex nunc esse cassas irritas et inanes, et veritatis aut roboris alicuius effectum minime sortituras. Imo renuntiauit præfa

tus Joannes donator in hoc facto ex certa scientia, et per suum præstitum juramentum omni actioni et exceptioni doli, mali, metus et in factum, et exceptioni dictæ donationis vt supra non factæ seu rite et legitime non factæ, et aliorum prædictorum omnium et singulorum non ita actorum vt superius sunt narrata omni deceptioni et circonuentioni læsioni et grauamini omni appellationis et procurationis remedio, conditioni sine causa vel ex iniusta causa, et conditioni ob causam, juri dicenti donationem quingentorum aureorum factam absque insinuatione judicis non valere et omnibus aliis causis ingratitudinis in jure insertis quæ permittunt reuocationem rerum fieri donatarum juri dicenti plus valere quod agitur quam quod simulate excipitur..... juri dicenti confessionem extra judicium seu coram non suo judice factam non valere omni relaxationi et dispensationi juramenti petitioni et oblationi libelli, litis contestationi, copiæ ejusdem et omnibus priuilegiis gratiis indulgentiis litteris et Rescriptis apostolicis imperialibus regalibus, et aliis sub quacumque forma verborum impertitis et impetrandis cruce signatis et cruce signandis vniuersis, et omni alii auxilio et beneficio Juris canonici et ciuilis quod sibi vel suis ad remedium contra prædicta vel aliqua de prædictis posset competere modo aliquo, vel prodesse et juri quo dicitur vel probatur renuntiationem non sufficere generalem nisi præcesserit specialis. Et rogauerunt tenore præsentium seu per præsens publicum instrumentum Reuerendum in Christo Patrem et Dominum nostrum Dominum Petrum de Sabaudia Archy Episcopum et Venerabiles Dominos Decanum et Capitulum primæ Lugdunensis Ecclesiæ prænominati Joannes donator et Procurator procuratorio nomine prædicto quatenus dicti Archy Episcopus et capitulum prædictam præsentem donationem modo quo supra factam et alia vniuersa et singula descripta in hac presenti littera seu in hoc præsenti publico instrumento laudarent, aprobarent et ratificarent attentarent confirmarent, insuper et eisdem dictus Dominus Archy Epis

1

copus authoritatem suam interponeret pariter et decretum. Acta fuerunt prædicta in viridario reclusorio sancti Marcellj Lugdunensis, anno, die, mense, Indictione et Pontificatus quibus supra præsentibus fratre Stephano de Ruynel incluso dictæ Reclusoriæ, Jaquemeto de Fabricis nepote dicti Joannis de Fabricis donatoris, et Acharia de Sorisio Cive Lugdunensi Seniore testibus ad præmissa vocatis et rogatis, In quorum omnium et singulorum robur et testimonium cum nobis constet plenissime firmissimam esse relationem notariorum juratorum nostrorum quibus fidem super hiis et aliis infrascriptis omnimodam adhibemus ad preces et requisitionem dictorum Joannis donatoris et Procuratoris ac Mathiæ vxoris dicti donatoris prædictæ nobis examinatas pro eis per eosdem notarios juratos nostros, Nos dictus officialis sigillum curiæ Lugdunensis, Et Nos dictus Judex sigillum dictæ Curiæ dicti Domini Comitis in Viennensi vna cum signis et subscriptionibus dictorum notariorum juratorum nostrorum sub data qua supra præsentibus litteris duximus aponendum.

Ego Præfatus Stephanus Marchysii Clericus Sacrosanctarum Sedis Apostolicæ et Romani Imperii authoritatibus publicus notarius et dictarum curiarum juratus, præsentis donationis, concessionis vt supra factæ, deuestituræ et inuestituræ et aliis prædictis præsens interfui, vna cum Petro de Bellicio clerico, notario publico et testibus suprascriptis, præsensque publicum instrumentum inde confeci eique vna cum sigillis dictarum curiarum dictorum Dominorum officialis et Comitis subscripsi signo meo apostolico signaui manu propria sub data qua supra vocatus Rogatus, Et Ego prædictus juratus præsentem litteram expeditionis scripsi signo meo.

Et Ego Præfatus Petrus de Bellicio clericus authoritate sacrosancti Romani Imperii publicus notarius, et dictarum curiarum juratus, præsentis donationis concessionis vt supra facta, deuestituræ et inuestituræ, et aliis prædictis præsens

interfui vna cum Stephano Marchysii publico notario clerico testibus suprascriptis, et in hoc publico instrumento inde confecto subscripsi, et signum meum aposui manu propria vna cum sigillis curiarum dictorum dominorum officialis et Comitis sub data quo supra in signum expeditionis.

L'extrait de la donnacion cy-deuant tenorisée a esté par moy Amed Bastardin notaire ducal et bourgeois de Chambery soussigné leué escrit et collationné sur son original escrit en parchemin lequel ensuite a esté remis aux archiues de l'Abaye d'Autecombe, et c'est sans y auoir rien changé ny diminué, Et a requeste du seigneur Estienne Charroct Agent et Procureur General de Son Excellence Monseigneur D. Antoine de Sauoye Abé du dit Autecombe je l'ay signé comme cy après pour seruir comme il escherra a Chambery ce vingt septieme Januier mille six cent septante quatre. A. BASTARDIN.

(Archives de cour, Abbazie, Hautecombe, paquet I.)

N 23.

Reconnaissance des droits de l'abbaye sur la montagne de Margeriaz.

(4 Juin 1320.)

Anno 1320 2o nonas junii. Castellanus comitis apud Castellarium bovitiarum pignoravit familiares abatiæ videlicet de asinis pro eo quod fecerant majeriam in Margeriaz ad portandum ad Altacombam et testes dixerunt abatiam possessionem habuisse pasqueandi et majerias facere. Sic ille castellanus pignora reddit et abatia in possessionem suam conservat.

(Bibliothèque de l'auteur.)

No 24.

Cession de la juridiction sur Lavours et Lignin, faite par Louis Ier, sire de Vaud, à l'abbaye d'Hautecombe, rapportée dans les lettres de Jean de Foraz, juge du Bugey, du 15 juillet 1325.

Nos Joannes de Foraz Judex in Beugesio, et Veromesio pro Illustri viro Domino Ludovico de Sabaudia Dominoque Vuaudi Notum facimus universis præsentes Litteras inspecturis, quod cum die Jovis undecima die Mensis Julij in Asisijs Castri Novi per Nos condemnati extiterint Moninus Blosius de Lignono ratione cujusdam inquisitionis factæ contra ipsum ex Officio Curiæ eiusdem Domini Ludovici sub anno Domini Millesimo tercentesimo vigesimo quinto, secunda die mensis Martij, super eo quod inculpabatur quamdam avenam Bonnæ Joannæ de Nanto celasse, et ad se furtive appopriasse, in quadraginta solidis bonæ monetæ ex una parte. Item et ex altera ipse Moninus, et Joannetus eius filius ratione cujusdam alterius inquisitionis factæ contra ipsos decima sexta die mensis Aprilis anno vigesimo sexto, super eo quod inculpabantur transivisse banna per frumentum Vullielmi Lachoni de Lignono, videlicet quilibet ipsorum in quadraginta solidis Viennensibus bonæ monetæ dandis, et solvendis prædicto Domino Nostro, pro banno, et in emenda damni faciendi, et tandem per Fratrem Richardum de Humilliaco Monachum Monasterij Alta Comba Mistralem, ac Procuratorem, et Sindicum Dominorum Abbatis, et Conuentus ejusdem Monasterij Nobis significatum fuerit, quod ratione cujusdam Legati facti prædictis Religiosis Altæ Combæ per Inclitæ Recordationis Dominum Ludouicum de Sabaudia quondam Patrem dicti Domini Ludovici filij, ipsi Religiosi in omnibus hominibus suis de Lavors, et de Lignono merum