si presentes interessent. Promittentes mihi notario infrascripto presenti stipulanti et recipienti nomine omnium quorum interesse poterit per sollempnem stipulationem bona fide et sub obligatione bonorum dicti monasterii se ratum et gratum et firmum perpetuo habiturum suo nomine et ea actendere complere et facere cum effectu quicquid per dictos suos procuratores et eorum quemlibet et cum ipsis in predictis vel aliquo predictorum actum dictum promissum obligatum et conventum fuerit vel etiam procuratum. Et si convenirentur dicti procuratores vel reconvenirentur pro predictis volunt et sollempniter promittunt ipsos relevare ab omni onere satisdationis. Inde solvi promittunt ut supra cum suis clausulis universis se fidejussores constituentes pro ipsis erga me notarium stipulantem et recipientem nomine quorum interest vel interesse poterit sub ypotheca expressa omnium bonorum suorum. Dantes et facientes dictis procuratoribus suis speciale mandatum specialiter et expressum in hoc casu et in omnibus illis casibus in quibus desideratur a jure speciale mandatum perinde ac si nominatim et expressim essent dicti casus expressi et promittunt ut supra quod predicta rata habebunt et quicquid per dictos procuratores suos promissum et obligatum fuerit occasione predicta ipsimet alias de novo si opus fuerit promittent et obligabunt se et dictum monasterium renunciantes omnibus juribus sibi competentibus ut forcius fieri poterit justitia mediante ad utilitatem dicti domini Comitis. Acta fuerunt hec apud Altam Combam in Capitulo dicti loci, ubi testes fuerunt vocati et rogati videlicet Franciscus Bouczani de Greysiaco domicellus Martinus Pagatz de Chindriaco et Johannes dictus Chetz de Serreriis. Et ego Petrus Gajati de ficigniaco clericus Gebennensis Diocesis auctoritate imperiali publicus notarius premissis omnibus interfui hanc cartam fideliter scripsi et in formam publicam redegi signoque meo consueto signavi vocatus et rogatus.

(Archives de cour, Abbazie, mazzo I, no 11.)

N 26.

Convention entre l'Abbé d'Hautecombe et le seigneur de Gresy par laquelle entr'autres clauses ledit Abbé s'est obligé de faire un anniversaire perpétuel pour l'âme du père et des autres membres de la famille du donateur moyennant l'assignation faite à l'Église d'Hautecombe des revenus y spécifiés.

(24 Février 1355.)

Anno a nativitate domini millesimo tercentesimo quinquagesimo quinto inditione octaua die vigesima quarta mensis februarii coram Roberto de Capella quomdam notario publico et testibus infrascriptis per hoc presens publicum instrumentum cumtis apareat evidenter quod super pluribus et diuersis discordiis ortis inter dominum Abatem Altecombe ex una parte et dominum Greysiaci ex altera fuit facta concordia in modum qui sequitur.

In primis videlicet quod de decem libris assetatis dyuz est per Petrum dominum Greysiaci quomdam percipiendis spacio vimgimti vnius annorum vt in instromento inde confecto sub anno domini millesimo tercentesimo decimo sexto pridie ydus marcii per Johannem Girardi quidquid inde perceptum fuit spacio dicti temporis sit in reconpensationem dicti debiti in dicto instromento declarati et debitorum contemptorum in quodam alio instromento recepto per Johannem Martramdi sub anno domini millesimo tercentesimo decimo quinto inditione decima tertia, decimo quinto Kalendas nouembris super redditibus antea perceptis et percipiendis a lapsu dictorum vimgimti vnius annorum fuit dispositum vt sequitur videlicet quod a tempore vltime sayssine in dictis redditibus aposite ex parte dicti domini Greysiaci ipsos redditus recuperet si voluerit dictus dominus Greysiaci pro

tempore vero precedenti quia dictus dominus Abas asseruit sayssitos fuisse dictos redditus per pacium quatuor annorum vt in instromento quodam de dicta saysina faciente mencionem recepto per dictum Johannem Martramdi anno Domini millesimo tercentesimo vigesimo quarto, secundo ydus aprilis continetur fuit ordinatum quod preysas dictorum quatuor annorum que fuerunt in saysina reddat dictus dominus abbas predicto domino Greysiaci si reperiri posset ydonee quos redditus dictorum quatuor annorum habuerunt dominus Abas Altecombe seu eius recuperatores infra dictos vimgimti vnum annorum alioquin ipsas recuperet ab hominibus dictus dominus Greysiaci meliori modo quo poterit.

Item fuit ordinatum quod dictus dominus Abas et Conuentus teneantur de cetero bene et sollempniter facere vnum anniuerssarium singulis annis pro anima patris sui et ceterorum de genere Greysiaci pro quo anniuerssario faciendo vt supra prefatus dominus Greyssiaci dat etc dicte domui Altecombe tachias suas de comba vernier presentes et futuras in perpetuum concedit quod dicto domino abbati et eius conuemtui pro melioramento assetamenti dicti aniuerssarii quod valere vult sexaginta solidos anuatim quod ipsi possint et valeant exertare et penitus exerpare dumos et boysonos existentes et qui in futurum possent oriri in quodam prato eorum sito loco dicto Dou suoz suoz sub hac forma quod supra locum dictarum tachiarum et dicti prati actendant duo vel tres probi comuniter eligendi per dictas partes et si reperiatur quod dicte tachie et melioramenta dicti prati faciemdi tam in parte dicti prati quod tenent quam in partibus quas albergauerunt seu aliter tradiderunt ad colendum quidquid valerent vltra dictos sexagimta solidos illud plus reddamt et in pecunia soluant dicto domino Greysiaci pro semel et si minus valeant illud repleatur per dictum dominum Greysiaci et predicta fiant infra festum Pemtecostes precipiens tenore presentis instrumenti personis tachias debemtes quatenus deinceps religiosi Altecombe soluant et hoc de

consilio domini Johannis Bouczani Borserii domini Jacobi de Bordellis Clauigeris domini Thome de Calcibus Mistralis et procuratoris vt dicit domini Hugonis de Eyma Vinea, qui dominus Greysiaci jurauit et ceteri sub voto religionis non contravenire de predictis. Actum Albemci supra fosalia Ville Albemci prope portam vocatam de Momtefalcone vbi testes fuerunt vocati dominus Philipus de Mouxie milex Petrus de Momtefalcone Guigo de Greysie et Peronetus Monachi de Capella et fuit dictum inter ipsas partes quod de predictis fierent duo publica instrumenta pro qualibet parte vnum quorum istud est pro dicto domino Greysiaci.

Ego autem Johannes Mistralis de Grufiaco Notarius publicus autoritate Inperiali hoc instromentum de Cedulis prothocollorum dicti quomdam notarii ex commissione mihi concessa per dominum Amthonium Cagnatium Judicem in comitatu Gebennensi leuaui scripsi signo meo mihique solito signaui fideliter et recdidi dicto domino Greysiaci.

Archives de cour, Abbazie, mazzo I, no 12.)

No 27.

Lettre d'Amédée VI à l'abbé d'Hautecombe, par laquelle il lui demande de faire grâce à Hugonet, de Gerbais, coupable d'homicide.

(6 Mars 1386.)

Reverendo in Christo Patri domino abbati Altecombe amico nostro carissimo Amedeus comes Sabaudiæ salutem et dilectionem. Quia multorum relata fide dignorum concepimus Hugonetum Gerbais de Valle de Grene prope abbaciam Altecombe Stephanum de Quinsieu instructu spiritûs maligni furorisque animi potius quam ex proposito jampridem in

limitibus vel prope limites ipsius abbacie inter...... cujus maleficie punimentum ad vos tanquam abbatem dicte domui spectat prout solitur. Verum quia ipsius abbacie juri dictionem nollemus in aliquo diminui sed potius augeri et ad ipsius incrementum laborare juxta posse; hinc est pro quorumdam supplicationibus precibus et rogaminibus inclinati quia sine consensu et auctoritate nostris dicti facinoris penam remittere non possetis. Vos attentius rogavimus et hortamur quantum possumus quod eidem Hugoneto dictum delictum per ipsum commissum et in persona dicti Stephani perpetratum indulgere remictere velitis penam propter hoc infligendi graciose remictendo et misericordie indulgendo omnia dicte commissioni inter partis semper salvo consentimus, auctoritatem harum serie litteras plenas. Vos rogantes ut de dictis remissione absolutione et quictacione licteris vestris eidem Hugoneto concedere velitis sigillo vestro roboratis. Datum Lugduni die sexta marcii anno Domini millesimo 1386.

Presentibus dominis Ludovico de Sabaudia et Petro de Gerbaisii.

(Archives de la Préfecture de Chambéry, no 1205.)

No 28.

Patentes portant grâce en faveur d'un nommé Hugonet de la val de Crenne, pour un homicide, accordées par l'abbé d'Hautecombe, ensuite de la demande du souverain, jointe aux présentes.

(7 Mai 1386.)

Johannes de Ruppeforti miseratione divina humilis Abbas