Nor doubt that He who thus doth feed
Her early lamp with gladness,
Will be her present Help in need,
Her Comforter in sadness.

Smile on, then, little winsome thing!
All rich in Nature's treasure,
Thou hast within thy heart a spring
Of self-renewing pleasure.

Smile on, fair child, and take thy fill
Of mirth, till time shall end it;
"Tis Nature's wise and gentle will-
And who shall reprehend it?

HOGG.

THE RAPTURE OF KILMENY.

BONNY Kilmeny gaed up the glen;
But it wasna to meet Duneira's men,
Nor the rosy monk of the isle to see,
For Kilmeny was pure as pure could be.
It was only to hear the Yorlin sing,
And pu' the cress-flower round the spring;
The scarlet hypp and the hindberrye,

And the nut that hangs frae the hazel-tree;
For Kilmeny was pure as pure could be.
But lang may her minny look o'er the wa',

And lang may she seek the green-wood shaw ;

Lang the laird of Duneira blame,

And lang, lang greet, or Kilmeny come hame!

When many a day had come and fled,

When grief grew calm, and hope was dead,

When mass for Kilmeny's soul had been sung,

When the bedesman had pray'd, and the dead-bell rung,

Late, late in a gloamin' when all was still,

When the fringe was red on the westlin' hill,

The wood was sere, the moon i' the wane,
The reek o' the cot hung over the plain,
Like a little wee cloud in the world its lane;
When the ingle low'd with an eiry leme,

Late, late in the gloamin' Kilmeny came hame!

"Kilmeny, Kilmeny, where have you been?

Lang hae we sought baith holt and den;

By linn, by ford, by green-wood tree,

Yet you are halesome and fair to see.
Where gat you that joup o' the lily scheen?
That bonny snood o' the birk sae green?

And these roses, the fairest that ever were seen?
Kilmeny, Kilmeny, where have you been?"
Kilmeny look'd up with a lovely grace,

But nae smile was seen on Kilmeny's face;
As still was her look, and as still was her e'e,
As the stillness that lay on the emerant lea,

Or the mist that sleeps on a waveless sea.
For Kilmeny had been she knew not where,
And Kilmeny had seen what she could not declare;
Kilmeny had been where the cock never crew,
Where the rain never fell, and the wind never blew;
But it seem'd as the harp of the sky had rung,
And the airs of heaven play'd round her tongue,
When she spake of the lovely forms she had seen,
And a land where sin had never been;

A land of love and a land of light,
Withouten sun, or moon, or night;
Where the river swa'd a living stream,
And the light a pure celestial beam:
The land of vision it would seem,
A still, an everlasting dream.
In yon green-wood there is a waik,
And in that waik there is a wene,

And in that wene there is a maike,

That neither has flesh, blood, nor bane;

And down in yon green-wood he walks his lane.

In that green wene Kilmeny lay,

Her bosom happ'd wi' the flowerets gay;

But the air was soft, and the silence deep,
And bonny Kilmeny fell sound asleep;
She kend nae mair, nor open'd her e'e,
Till waked by the hymns of a far countrye.
She 'waken'd on a couch of the silk sae slim,
All striped wi' the bars of the rainbow's rim;
And lovely beings round were rife,

Who erst had travelled mortal life;

And aye they smiled, and 'gan to speer,
"What spirit has brought this mortal here?”-
They clasped her waist and her hands sae fair,
They kissed her cheek, and they kemed her hair,
And round came many a blooming fere,
Saying, "Bonny Kilmeny, ye're welcome here!

"Oh, would the fairest of mortal kind
Aye keep the holy truths in mind
That kindred spirits their motions see,
Who watch their ways with anxious e'e,
And grieve for the guilt of humanitye!
Oh, sweet to Heaven the maiden's prayer,
And the sigh that heaves a bosom sae fair!
And dear to Heaven the words of truth,
And the praise of virtue frae beauty's mouth!
And dear to the viewless forms of air,
The minds that kythe as the body fair!
O bonny Kilmeny! free frae stain,
If ever you seek the world again--
That world of sin, of sorrow, and fear-

Oh, tell of the joys that are waiting here;
And tell of the signs you shall shortly see;

Of the times that are now, and the times that shall be."

They lifted Kilmeny, they led her away,

And she walk'd in the light of a sunless day:

The sky was a dome of crystal bright,

231

The fountain of vision, and fountain of light;
The emerald fields were of dazzling glow,

And the flowers of everlasting blow.

Then deep in the stream her body they laid,

That her youth and beauty never might fade:

And they smiled on heaven, when they saw her lie

In the stream of life that wander'd by.

And she heard a song, she heard it sung,

She kend not where; but sae sweetly it rung,

It fell on her ear like a dream of the morn,

232