Kýrie eléison. Christe eléison. Kýrie eléison.
Pater noster, reliqua secreto.

V. Et ne nos indúcas in tentatiónem.

R. Sed libera nos a malo.

V. Dómine non secúndum peccáta nostra fácias nobis.

R. Neque secúndum iniquitátes nostras retribuas nobis.

V. Dómine ne memíneris iniquitátum nostrárum antiquárum.

R. Cito anticipent nos misericórdiæ tuæ.
V. Convértere Dómine úsquequo.

R. Et deprecabilis esto super servos tuos.
V. Salvos fac servos tuos, et ancillas tuas.
Deus meus, sperántes in te.

V. Esto eis Dómine turris. fortitúdinis.
R. A fácie inimíci.

V. Mitte eis Dómine auxílium de sancto.
R. Et de Sion tuére eos.

V. Dómine exaúdi oratiónem meam.

R. Et clamor meus ad te véniat.

V. Dóminus vobiscum. R. Et cum spíritu tuo.
Orémus.

désto Dómine supplicatiónibus nostris: et me, qui étiam misericórdia tua primus indígeo, cleménter exaúdi, et quem non electióne mériti, sed dono grátiæ tuæ constituísti hujus óperis minístrum; da fidúciam tui múneris exsequéndi, et ipse in nostro ministério, quod tuæ pietatis est, operáre. Per Dóminum nostrum Jesum Christum Fílium tuum: Qui tecum vivit et regnat in unitáte Spíritus sancti Deus, per ómnia sæcula sæculórum. R. Amen.

Orémus.

Præsta, quæsumus Dómine, his famulis tuis dignum pœniténtiæ fructum: ut Ecclésiæ tuæ sanctæ, a cujus integritáte deviáverant peccándo, admissórum véniam consequéndo reddántur innóxii. Per Christum Dóminum nostrum. R. Amen.

Orémus.

Precor Dómine tuæ cleméntiam majestátis, ut his fámulis tuis peccáta et facinora sua confiténtibus véniam præstáre, et præteritórum críminum víncula relaxáre dignéris: qui húmeris tuis ovem pérditam reduxísti ad caulas, et Publicáni preces placátus exaudísti; tu étiam, Dómine, his fámulis tuis placáre; tu horum précibus benígnus assíste; ut in confessióne flébili permanéntes, cleméntiam tuam celériter exórent, ac sanctis altáribus restitúti, spei rursus ætérnæ, ac cœlésti glóriæ reforméntur: Qui vivis et regnas cum Deo Patre in unitáte Spíritus sancti Deus, per ómnia sæcula sæculórum.

R. Amen.

Orémus.

Deus, humáni géneris benigníssime cónditor, et mi

sericordíssime reformátor, qui hóminem invídia diáboli ab æternitáte dejéctum, únici Fílii tui sánguine redemísti, vivífica hos fámulos tuos, quos tibi nullatenus mori desideras; et qui non derelínquis dévios, assúme correctos; móveant pietátem tuam, quæsumus Dómine, horum famulórum tuórum lacrimósa suspíria; tu eórum medére vulnéribus; tu jacéntibus manum pórrige salutárem, ne Ecclésia tua áliqua sui córporis portióne vastétur: ne grex tuus detriméntum sustineat; ne de famíliæ tuæ damno inimícus exsúltet, ne renátos lavácro salutári mors secúnda possideat. Tibi ergo Dómine súpplices fúndimus preces, tibi fletum cordis effúndimus; tu parce confiténtibus, ut imminéntibus pœnis senténtiam futúri judícii, te miseránte, non íncidant; nésciant quod terret in ténebris, quod stridet in flammis, atque ab erróris via ad iter revérsi justítiæ, nequáquam ultra novis vulnéribus sauciéntur, sed íntegrum sit eis ac perpétuum, et quod grátia tua cóntulit et quod misericórdia reformávit. Per eúmdem Christum Dóminum nostrum.

R. Amen.

Orémus.

De

eus miséricors, Deus clemens, Deus, qui secúndum multitúdinem miseratiónum tuarum peccáta pœniténtium deles, et præteritórum críminum culpas vénia remissiónis evacuas: réspice propítius super hos fámulos tuos, et remissiónem sibi ómnium peccatórum suórum tota cordis confessióne poscéntes, deprecatus exaúdi. Rénova in eis, piíssime Pater, quidquid terréna fragilitáte corruptum, vel quidquid diabólica fraude violátum est; et unitáti córporis Ecclésiæ membrum redemptiónis annécte. Miserére Dómine gemítuum, misérére lacrimárum eórum; et non habéntes fidúciam, nisi in misericórdia tua, ad tuæ Sacraméntum reconciliatiónis admítte. Per Christum Dóminum nostrum. R. Amen.

Orémus.

ajestátem tuam súpplices deprecámur, omnípotens ætérne Deus, ut his fámulis tuis, longo squalóre pœniténtiæ macerátis, miseratiónis tuæ véniam largíri dignéris; ut nuptiáli veste recépta, ad regálem mensam, unde ejecti fúerant, mereántur introíre. Per Christum Dóminum nostrum. R. Amen.

Absolutio.

Dóminus Jesus Christus, qui totius mundi peccáta

sui traditióne, atque immaculáti Sánguinis effusióne dignátus est expurgáre, quique discípulis suis dixit: Quæcúmque ligavéritis super terram, erunt ligáta et in cœlis; et quæcúmque solvéritis super terram, erunt solúta et in cœlis: de quorum número me, quamvis indígnum, minístrum esse voluit, intercedénte Dei Genitrice María, et beáto Michaéle Archángelo, et sancto Petro Apóstolo, cui data est potéstas ligándi, ac solvéndi, et ómnibus Sanctis; ipse per ministérium meum ab ómnibus peccátis vestris, quæcúmque aut cogitatióne, aut locutióne, vel operatióne negligénter egístis, vos absolvat sancti sui Sánguinis interventióne, qui in remissió

nem peccatórum effúsus est; atque a vínculis peccatórum absolútos perdúcere dignétur ad regna cœlórum: Qui cum Deo Patre, et Spíritu sancto vivit et regnat in sæcula sæculórum. R. Amen.

Tunc Pontifex aspergat cos aqua benedicta, et thurificet eos, dicens:

Exsúrgite qui dormítis, exsúrgite a mórtuis, et illuminábit vos Christus.

Ultimo dat eis indulgentiam, prout sibi placuerit. Qua data, manibus elevatis, et supra illos extensis, dicit solemnem Benedictionem:

Précibus et méritis beátæ Mariæ semper Virginis,

beáti Michaélis Archángeli, beáti Joánnis Baptístæ, sanctórum Apostolórum Petri et Pauli, et ómnium Sanctórum misereátur vestri omnipotens Deus, et dimíssis ómnibus peccátis vestris perdúcat vos ad vitam ætérnam. R. Amen.

ndulgéntiam, absolutiónem, et remissiónem ómnium peccatórum vestrórum tríbuat vobis omnipotens, et miséricors Dóminus. R. Amen.

Ultimo benedicit eis, dicens:

Benedícat vos omnipotens Deus, Pa ter, et Fílius, et Spíritus sanctus. R. Amen.

Quo facto, crines et barbam quam nutrierant, deponunt; et vestibus pœnitentialibus dimissis, se cultioribus, et mundioribus induunt.