Abbildungen der Seite
PDF
EPUB

D. 1347 Seigneur millessme trecentisme et quarante et septisme. Jeo Johan Counte de Warenne de Surrey et de Strathorne, Seigneur de Bromfeld et de Yal, en bone et sayne memoire facz mon testament en mon Chastel de Conesburgh en cest manere. Primerement jeo devys ma alme a Dieu et a nostre Dame et a touz les Saintz de ciel, et mon corps d'estre enterre en l'esglise Saint Pancratz de Lewes en une arche pres del haut autier a la partie senestre quele jeo ay fait faire. Et jeo devys quatre de mez grauntz chivaux destre armetz de mes armes, les deux pour guerre et les autres deus pour pees, devant mon corps le jour de mon enterrement, dount ceux de guerre soient covertz de fer et que mesmes les deux chivaux demoergent et soient donez a l'eglise de Saint Pantcratz avantnomee ove mes armes dount ceux qui les chivaucherount serront armetz. Jeo devys pour toutes maners des despenses pour mon enterement tout entrement al ordenaunce de mes executours auxibien en aumoignes come en autres choses qui convendrount pour mon testament parfourner. Jeo voile que touz les draps d'or et de seye qui serront offortz pour mon corps, et que toute la cire de la herce qui serra faite entour mon corps, demoergent a la dit esglise ou mon corps serra enterretz. Jeo devys as friers Menours de Lewes cynquantz marc'. Et jeo voil que une mesne herce soit faite en lour esglise et q'ils chauntent une messe de Requiem pour ma alme et que toute la cire de la dite herce demoerge devers eux. Je devys cent livres d'argent d'estre especialment donez as povres le jour de mon enterrement. Je devyse a la chapele de nostre Dame de Walsingham mon Egle dez saune les anels qe sount mys par constellation. Je devys a la fertre Saint Thomas de Cauntiribirs, a la fertre Saint Richard de Cicestre, a la fertre Saint Alban, a fertre Saint Edward et a la fertre Saint Esmon a chescun de eux une Nouche dor. Jeo devys a les esglises parochieles ou jeo ay mes manoirs et mes demeignes vynt livres a departir entre les persones et les vykers de mesmes les esglises solonc l'ordinaunce de mes executores en recompensacion des dismes si par cas mes ministres ne les eyount mye paietz si bien come ils dusseount et pour prier pour ma alme. Jeo devys a mon seigneur le Roy d' Engleterre ma grande esquele de jaspe garnie d'argent d'or et de perie et deux de mes faucouns meiltz volantz. Et jeo voille que toute le remenaunt de mes faucons soit departi entre mes fauconers solonc l'ordey

hand to Mr. Hunter's picture. Mr. Hunter will be delighted to learn that Archbishop Zouch's Register is not lost, as Mr. Watson was informed, and as he himself believed; and he will read with pleasure the whole of an important document, of which he was enabled to lay not more than a dozen short lines before his readers.

naunce de mes executours. Jeo devys a ma dame la Royne Phelipp mon saler d'argent dorre taille come une olifaunt. Jeo devys a mon Seigneur le Prince ma coupe de jaspe. Jeo devise a Sire Esmon de Langele son friere un godet de cristal garni d'argent dorre ove un treper. Jeo devise a l'arcevesque de Canterbirs j crotz d'argent dorre et emaille ove trois corals a les corners. Et les quinqe anels d'or mys par constellacion queux jeo ay meismes porte. Jeo devys a dame Maude de Holande iiij jumentz de mon haratz de Sussex. Jeo devys a Monsire Robert de Holande les quissers ove le picer de quir qui sount pour mon destrer. Jeo devys a Monsire Otes de Holande les coverturs burnutz 'de plate qui sount pour mon destrer. Jeo devys a Monsieur William de Warenne mon filz cent marcs, ma hure d'argent dorre pour Strathorne ove la cercle d'argent dorre pour ycel deus taches et le latz d'argent dorretz pour le mauntel et tout mon hernoys pour le jouster. Et a ma fille sa compaigne j nouche d'or. Jeo devys a Edward de Warenne mon filz vynt'. Jeo devys a Johanne de Basyngg ma fille une coupe d'argent pleyne. Jeo devys a Katerine ma fille dys marc. Jeo devys a Isabell ma fille Noneyn de Sempyngham vynt'. Jeo devys a Daunz William de Warenne mon filz ma bible que j'ai fait faire en Fraunceys et qele demoerge en la meson ou il serra priour apres son decesse en perpetuel memoire de moy. Jeo devys al Sire Thomas Beron dosze esqueles xij saucers vj hanaps platz j coupe pleyne ij bacyns et ij chargeors d'argent, mon viel lit d rouge worstede et le drap d'une robe partie de velvet raie et de velvet rouge ove le mantel de velvet rouge pour un vestment a sa eglise. Jeo devys a frere William Bugaleys mon confesseur dys livres. Et a son compaignoun qi qil soit pour le temps cynk marc'. Jeo devys as chanoinges de Regate les vestementz de ma chapele qui sount comunement usetz ove le chalitz et lattir pour l'autier. Jeo devys a la Priorie de Duresme mon chalitz d'or garnie de perie de chauntier al hautier Saint Cuthbert.' Jeo devys as freres prechours de Thefford vynt'. Et a les freres Menours de Graham vynt'. Et les moignes de Modenham xl'. si mes executours veyent q'ils le porunt faire. Jeo devys a Monsire Johanne de Eland cent marc'. Jeo devys a Johan Dynleye vynt'. Jeo devys a Monsire William de Friskeneye deus botels d'argent ove escuchounz des armes Monsire Joham de Breouse. Jeo devys a Maistre Thomas de Upton le drap d'un robe de velvet partie d'une velvet raie et d'un velvet vert pour un vestement a sa esglise. Jeo devise a Maistre Johan de la Gote xx1. Jeo devys a Sire Johanne de Walford dys marc.' et le drap

1 See WILLS and INVENTORIES, 1835, (the Durham Series), p. 26, for a notice of this splendid bequest.

d'une de mes robes de seye pour un vestement a sa esglise. Jeo devys a Sire Johan de Staunford dys'. Jeo devys a Henri Hop dys1. et le drap d'un de mes robes de seye pour un vestement a sa eglise. Jeo devys a William Mauduyt vynt marc. Jeo devys a Bette Bygot et a Johan de Reym a chescun de eux dys marc'. Jeo devys a Thomas de Jardyn a Johan de Pulesdon et a Johan de Řatheby a Johan mon barbour a Johan de Ernole a Robert Fourbour a Johan Chaundeler a Henri Lardiner et a Richard Bourt' a chescun de eux cent soudz. Jeo devys a Johan le Gayte Huchoune de Gretewell Martyn Baker Rogier le Palefreyour et a Johan de Seleby a chescun de eux lx soudz. Jeo devys a Johan le Ferour a Robert le Ferour et a Piers Politer a chescun de eux xl3. Jeo devys as clercs de ma chapele xls. a departir entre eux solonc l'ordinance de mes executours. Jeo devys quaraunte1. d'estre partiz entre mes autres gentz de mestier garzouns et pages de mon houstel selone chescuny condicion et le temps q'il m'ad servys selonc l'ordenaunce de mez executours. Jeo devys deux centz marcs de ordeyner deus Chapeleyns chauntantz pour moy en divers lieux selonc l'ordenance de mes executours, issint que les centz marc soient soulement ordeignez de chaunter messes de nostre Dame. Et si mes biens purront outre estendre jeo voile que plus soit faite. Jeo devys a Isabelle de Holand ma compaigne mon anel d'or ove le bone rubye les quinze anels d'or mys per constellacion qui sont en mon Egle d'or ensi q'ele mettre autres anels en lour lieus tiels come lui plerra les principals vestementz entiers pour ma chapele ove l'entier attire pour l'autier mon ensencer d'argent dorre et emaille, ma coupe d'or ove un petit Ewer d'argent dorre toutz mez litz grauntz et petitz horspris ceux que jeo ay devise as altres la graunde esquele le pot d'argent pour aumoyne trois plates pour especerie toute ma vessel d'argent pleyne come en esquelles sauters bacyns lavours chargeours coupes et hanaps, horspris ceux que jeo ay devise as autres en cest testament. Et la moyte de mon estor come en boefs vaches jumentz poleyns berbitz et autres bestz. Et apres ceo que mes dettes et mon devys serront faictz, jeo devys a ma dite compaigne toute la residue de touz mes biens et chateux en quicounque chose que soit trove. Et jeo voile et devys que a toutz les foitz que nul de mes executours travaillera pour l'execucion de mon dict testament qu'il eit sufficiauntement des despens et q'il soit regarde pour son travaille solone l'ordenaunce de mes executours. Et jeo voil et ordeigne que trestout les gentz que jeo ay divise en cest testament et quicunque jeo dey as divers creaunsours, soit leve et paie a mes ditz creaunsours et legataries de mes chivaux poleyns jumentz boefs vaches et veals berbitz

[graphic]

agnels leynes et rentes que me sount duez, et de mon autre estor et moebles que j'ay en Surry Sussex Wilteshire Gales Norfolk et aillours, et que mes executours mez ditz biens et estor vendent a tiels gentz qui plus paier proufrount et voillount paier pour yceux en temps q'il achater ount mon dit estor et mes autres biens susditz. Et pour mesme la cause jeo voile et ordeigne que mes executours ne vendent null maner d'estor ne des autres biens surnomez que les meens serront au temps que Dieu fra son comaundement de moy a nul homme de quel condicion q'il soit de mon saunk ou estraunger que ascun maner de droit cleyme en la Counte de Warrenne ou en ascune partie des terres que jeo tient apres mon decesse ou puisse clamer par voie de succession ou par ascun autre colour de leye ou title, si noun ceo soit par le bone gree et assent de touz mez executours, et que les ditz biens soient venduz a tiel pour auxi haut pris come autres bones gentz du pays en faires et marches profrount et donount pour tiel maner d'estor et autres biens achatez. Et jeo voil que en tiel cas que le pris a convenaunce devaunt la mayn soit paie a mes ditz executours devant ascun manere deliveraunce des ditz biens. Et s'il aviegne que nul de mes ditz successours encountre ceste ma volunte rien preigne ou occupe de mon dit * estor ou biens et chateux avant ditz pour lui ou ascuns des soens, jeo face protestacion devant Dieu et tout le monde que ceo serra fait tout outre encountre ma volunte. Et jeo voile que tiele occupours de mes ditz biens pour eux ou pour autres nul droit ni colour de droit par voie de tiel occupacion eyent en la retencion d'yceux, mes q'ils soient obligez devant Dieu solonc toute manere rigour de ley et des constitutions tanque ils eyent fait plener restitucion et gree a mez ditz executours. Et en tiel cas si mes ditz executours soient distourber d'acompler ma dite volunte par tiels violences et occupacions de mes ditz biens, jeo voil q'ils soient quitz et assouz devant Dieu et tout le monde et les ditz occupours charges par toutes les peynes et voie de leye avant ditz. Et jeo facez et ordeigne mes executours d'acomplir cest ma volunte Sire Johan de Stratford ercevesque de Cantirbirs Dame Maude de Hollande Monsire Thomas de Holand Monsire Johan de Eland Sir Thomas Bertram Mestre Johan de la Gote Johan de Dynleye Thomas de Weyvill Sire Rauf Bygot William Mauduyt et Johan Plescy. En tesmoignaunce de quele chose a cest testament jeo ay mys mon seal. Donne a mon Chastell de Conesburgh le jour et l'an susditz. [Prob. xxvj. Julii. MCCCXLVII, in manerio de Scroby.]

XXXVI. TESTAMENTUM ALICIÆ QUONDAM UXORIS JOHANNIS
HENRIOT DE BLYDA.

[D. £. 324-b.]

In Dei nomine, Amen. Die veneris proxime ante festum D. 1347 Pentecostes, Anno Domini MCCCXLVII. Ego Alicia quondam uxor Johannis Henriot de Blydâ condo testamentum meum in hunc modum. In primo commendo animam meam Deo et beatæ Mariæ et omnibus Sanctis, et corpus meum ad sepeliendum in cimiterio beatæ Mariæ de Blydâ cum meliori averio meo pro mortuario legato. Item lego ad ceram emendam et circa corpus meum ardendam xvd. Item lego in distribucione pauperum xijd. Item lego in expensis vicinorum in die sepulturæ meæ iijs. Item lego luminari Sanctæ Mariæ de Ponte de Blye tunicam meam viridem cum capucio. Item lego Roberto filio meo vesturam unius dimidiæ acræ terræ seminatæ de ordeo, quæ jacet ad finem australem villæ de Blydâ — Item lego Agneti filiæ meæ unam cistam et unam elemosinariam et unum lectum plumalem et unum matras. Item lego Wymarce filiæ predicti Roberti unum coffrum et unum coverchief novum. Item lego supradictæ Agneti filiæ meæ, Aliciæ et Agneti filiis 2 ejusdem Agnetis, vesturam dimidiæ acræ seminatæ de siligine et dimidiæ acræ seminatæ de ordeo in communi. Item lego Matildæ servienti Johannis de Langele unam tunicam rubeam cum capucio. Item lego Hawysiæ vicinæ meæ tunicam meam veterem cum capucio de nigro et unum coverchief. Item lego Beatrici Daunee unum possenet et unum coverchief. Item lego Dionisiæ Benet unum coverchief novum et unum lintheamen. Item lego Aliciæ filiæ predictæ Agnetis filiæ meæ unum coverchief novum cujus par lego Wymarcæ filiæ supradicti Roberti. Item lego Johanni de Bernesley clerico iijd. Omnia bona mea et singula residua, preter legata superius specialiter excepta, in quorumcumque manibus fuerint inventa, vel penes quoscumque impignorata, do, prebeo, lego, Agneti filiæ meæ supradictæ. Et ad istam formam testamenti plenarie exequendam et fideliter administrandam meos ordino, facio, et constituo veros et legitimos executores Robertum Henriot filium meum et Agnetem filiam meam. Datum apud Blyd die et anno supradictis. [Prob. xxiiij April мCCCXLVIII.]

« ZurückWeiter »