primæ Virgines, ùt priùs, coram eo genuflexa. Ipse autem torquem, sive coronam accipiens, imponit capiti cujuslibet Virginis, seriatim singulis di cens : Α' CCIPE Coronam virginalis excellentiæ, ut, sicut per manus nostras coronaris in terris, ita à Christo gloria, et honore coronari merearis in colis. Per eumdem Christum Dominum nostrum. R. Amen. Et mox ambæ simul decantant hanc Añam : 7 Toni. Induit me Do-minus cyclade auro texta, et immensis moni-libus or-navit me. Qua cantata, reducuntur à matronis prædictis ad loca sua; et aliæ præsentantur, quæ simili modo genuflectunt, cantant, et coronantur. Omnibus coronatis, et ad loca sua reductis, et stantibus Pontifex, deposita mitra surgit, et stans versus ad illas, dicit: . Dominus vobiscum. R. Et cum spiritu tuo. D Oremus. 命 A, quæsumus, omnipotens Deus, ut hæ famulæ tuæ, quæ pro spe retributionis æternæ tibi Domino Deo desiderant consecrari, plena fide, animoque in sancto proposito permaneant. Tribue eis, Domine, humilitatem, castitatem, obedientiam, charitatem, et omnium bonorum operum quantitatem: ut ad meritum æternæ gloriæ possint pervenire. Per Christum Dominum nostrum. R. Amen. Deindè omnibus simul genua flectentibus, Pontifex stans, ut priùs, sine mitra, dicit hanc Orationem. Oremus. T E invocamus, Domine sancte, Pater omnipotens, æterne Deus, super has famulas tuas, quæ tibi voverunt pura mente, mundoque corde servire; ut eas sociare digneris inter illos centum quadraginta quatuor millia, qui virgines permanserunt, et se cum mulieribus non coinquinaverunt; in quorum ore dolus non est inventus; ita et has famulas tuas facias permanere immaculatas usque in finem. Per immaculatum Dominum nostrum Jesum Christum Filium tuum, qui tecum vivit, et regnat in unitate Spiritus sancti Deus, per omnia sæcula sæculorum. R. Amen. Qua finita, Virgines surgentes, simul cantant Antiphonam: 1 Toni. Ecce, quod concupi- vi, jam vi- deo, quod speravi, jam te-ne-o, il-li sum juncta in cœlis, quem in terris po si-ta, tota devo ti-o-ne di-le-xi. Post hæc Pontifex, junctis ante pectus manibus, dicit super illas. stantes humiliter inclinatas. benedictionem. D' EUS plasmator corporum, afflator animarum, qui nullam spernis ætatem, nullum sexum reprobas, nullam conditionem gratia tua ducis indignam, sed omnium æqualis creator es, et redemptor, tu has famulas tuas, quas ex omni numero gregis, ut bonus pastor, ad conservandam coronam perpetuæ virginitatis, et castimoniam animæ eligere dignatus es, tuæ protectionis sculo circumtege, et ad omne opus virtutis et gloriæ, magistrante sapientia, præpara, ut vincentes carnes illecebras, et illicita connubia recusantes, insolubilem Filii tui Domini nostri Jesu Christi copulam mereantur. His petimus, Domine, arma suggeras, non carnalia, sed spiritus virtute potentia, ut, te muniente earum sensus et membra, in carum corporibus, et animabus non possit dominari peccatum; ac sub tua gratia vivere cupientibus, nihil sibi defensor malorum, et inimicus bonorum de his vasis nomini tuo consecratis prævaleat vindicare. Omnem etiam nocivum calorem imber gratiæ tuæ cœlestis extinguat, lumen verò perpetuæ castitatis accendat; facies pudica scandalis non pateat, neque incautis occasionem tribuat negligentia delinquendi. Sitque in eis casta virginitas; sint ornatæ pariter, et armalæ fide integra, spe certa, charitate sincera; ut, præparato animo ad continentiam, virtus tanta præstetur, quæ superet diaboli universa figmenta; et contemnendo præsentia, futura sectentur; jejunia epulis carnalibus præferant; lectiones sacras et orationes conviviis et potationibus anteponant; ut orationibus pastæ, et eruditionibus expletæ, illuminatæ vigiliis, opus gratiæ virginalis exerceant. His igitur virtutum armis has tuas famulas interiùs exteriùsque communiens, præsta, inoffensum cur sum virginitatis implere. Per Christum Dominum nostrum. R. Amen. Tum Pontifex, accepta mitra, stans dicit sequentem benedictionem super illas genuflexas. ENEDICAT VOS Deus Pater, et Filius, et B Spiritus sanctus omni benedictione spiri tuali; ut manentes semper incorruptæ, inviolatæ, et immaculatæ, sub vestimento sanctæ Mariæ, matris Domini nostri Jesu Christi, requiescat super vos spiritus septiformis gratiæ, spiritus sapientiæ et intellectus, spiritus consilii et fortitudinis, spiritus scientiæ, et pietatis; et repleat vos spiritus timoris Domini, fragiles solidet, invalidasque confirmet, pietate allevet, et mentes regat, vias dirigat, cogitationes sanclas instituat, actus probet, opera perficiat, charitate ædificet, sapientia illuminet, castitate muniat, scientia instruat, fide firmet, in virtute multiplicet, in sanctitate sublimet, ad patientiam præparet, ad obedientiam subdat, sobrias protegat, et pudicas in infirmitate visitet, in dolore relevet, in tentatione custodiat, in prosperitate temperet, in iracundia mitiget, in iniquitate emundet, infundat gratiam, remittat offensam tribuat disciplinam. Ut his, et similibus virtutibus fultæ, et sanctis operibus illustratæ, illa semper studeatis agere, quæ digna fiant remuneratione. Illum habeatis testem, quem habituræ estis judicem; et vos aptetis, ut præfulgentem gestetis in manu lampadem, intraturæ sponsi thalamum, occurratis cum gaudio, et nihil in vobis reperiat fœtidum, nihil sordidum, nihil occultum, nihil corruptum, nihil inhonestum, sed niveas, et candidas animas, corporaque lucida, atque splendida; ut, cùm ille dies tremendus remunerationis justorum, retributionisque malorum advenerit, non inveniat in vobis ultrix flamma, quod urat, sed divina pietas, quod coronet; quas jam in hoc sæculo conversatio religiosa mundavit, ut ad tribunal æterni regis ascensuræ celsaque palatia, cum iisdem mereamini habere protectionem, qui sequuntur Agnum, et cantant canticum novum sine cessatione, illic percepturæ præmium post laborem, semperque maneatis in viventium regione. Atque ipse benedicat vos de cœlis, qui per crucis passionem humanum genus est dignatus venire in terris redimere, Jesus Christus Dominus noster, qui cum æterno Patre, et Spiritu sancto in unitate perfecta vivit, et regnat Deus, in sæcula sæculorum. . Amen. Deinde Pontifex sedens cum mitra, publica voce anathema ponit, ne quis eas à divino servitio, quæ vexillo castitatis subjectæ sunt, abducat; nullus earum bona surripiat, sed ea cum quiete possideant, in hanc formam : |