Abbildungen der Seite
PDF
EPUB

His expeditis, illo genuflexo manente, Metropolitanus, deposita mitra, surgit et stans versus ad ipsum coronandum, dicit competenti voce sequentem Orationem, quam etiam dicunt omnes Pontifices parati, similiter sine mitris stantes; dicunt etiam omnia alia benedictionem et coronationem ipsam concernentia, voce submissa, Metropolitanum tamen in omnibus observantes, et imitantes.

Oremus.

MNIPOTENS Sempiterne Deus, Creator omnium Imperator Angelorum, Rex regum, et Dominus dominantium, qui Abraham fidelem servum tuum de hostibus triumphare fecisti, Moysi, et Josue populo tuo prælatis multiplicem victoriam tribuisti, humilemque David puerum tuum regni fastigio sublimasti, et Salomonem sapientiæ pacisque ineffabili munere ditasti, respice, quæsumus, Domine, ad preces humilitatis nostræ, et super hunc famulum tuum N. quem supplici devotione in Regem eligimus, bene dictionum tuarum dona multiplica, eumque dexteræ tuæ potentia semper, et ubique circumda; quatenùs prædicti Abrahæ fidelitate firmatus, Moysi mansuetudine fretus, Josuë fortitudine munitus, David humilitate exaltatus, Salomonis sapientia decoratus, tibi in omnibus complaceat, et per tramitem justitiæ inoffenso gressu semper incedat; tuæ quoque protectionis galea munitus, et scuto insuperabili jugiter protectus, armisque cœlestibus circumdatus, optabilis de hostibus sanctæ crucis Christi victoria triumphum feliciter capiat, terroremque suæ potentiæ illis inferat, et pacem tibi militantibus lætanter reportet. Per Christum Dominum nostrum, qui virtute sanctæ crucis tartara destru

xit, regnoque diaboli superato, ad cœlos victor ascendit, in quo potestas omnis, regnique consistit victoria, qui est gloria humilium, et vita salusque populorum, qui tecum vivit et regnat in unitate Spiritus sancti Deus, per omnia sæcula sæculorum. R. Amen.

[graphic][merged small]

Post hæc Metropolitanus cum mitra procumbit supra faldistorium. Rex verò ad ejus sinistram in terram se prosternit, aliis Prælatis_paratis ante sedes suas similiter procumbentibus. Tunc cantores incipiunt, et prosequuntur Litanias, ùt suprà, 35. choro respondente. Cùm dictum fuerit:

Ut omnibus fidelibus, etc. R. Te rogamus audi nos, Metropolitanus surgit, et accepto baculo Pastorali in sinistram manum, super electum Regem prostratum dicit :

Ut hunc electum in Regem coronandum benedicere digneris. R. Te rogamus audi nos.

§.

Secundò dicit:

Ut hunc electum in Regem coronandum benedicere, et consecrare digneris.

B. Te rogamus audi nos.

Producendo semper super eum signum crucis. Idem dicunt, et faciunt Episcopi parati, genuflexi tamen permanentes. Quo dicto, Metropolitanus redit ad accubitum, cantoribus resumentibus et perficientibus Litanias. Quibus finitis, Metropolitanus, deposita mitra surgit, illo prostrato, atque Episcopis, deposita mitra, genuflexis manentibus, versus ad coronandum, dicit: Pater noster. . Et ne nos inducas in tentationem.

R'. Sed libera nos à malo.

Salvum fac servum tuum, Domine.

R. Deus meus sperantem in te.

. Esto ei, Domine, turris fortitudinis. B. A facie inimici.

. Nihil proficiat inimicus in eo.

B. Et filius iniquitatis non apponat nocere ei. f. Domine, exaudi orationem meam.

R. Et clamor meus ad te veniat.

. Dominus vobiscum.

R. Et cum spiritu tuo.

et

Oremus.

RETENDE, Domine, huic famulo tuo dexteram cœlestis auxilii; ut te toto corde perquirat, quæ dignè postulat, consequi mereatur.

CTIONES nostras, quæsumus Domine, aspirando præveni, et adjuvando prosequere; ut cuncta nostra oratio, et operatio à te semper incipiat,

et per te cœpta finiatur. Per Christum Dominum nostrum. R. Amen.

Post hæc Metropolitanus sedet, accipit mitram, et electus Rex coram eo genuflectit ; et circumstantibus Prælatis, paratis cum suis mitris, in modum coronæ, Metropolitanus intingit pollicem dexteræ manus in oleum Catechumenorum, et inungit in modum crucis illius brachium dexterum, inter juncturam manus, et juncturam cubiti, atque inter scapulas, dicens hanc Orationem:

[graphic]

D

EUS, Dei Filius, Jesus Christus Dominus noster, qui à Patre oleo exultationis unctus est præ participibus suis; ipse per præsentem sanctæ unctionis infusionem, Spiritus paracliti super caput tuum benedictionem infundat, eamdem

que usque ad interiora cordis tui penetrare faciat; quatenus hoc visibili et tractabili oleo, dona invisibilia percipere, et temporali regno justis moderationibus peracto, æternaliter cum eo regnare merearis, qui solus sine peccato Rex regum vivit et gloriatur cum Deo Patre in unitate Spiritus sancti Deus, per omnia sæcula sæculorum. . Amen.

O`Syriam, et Jehu

Oremus.

MNIPOTENS Sempiterne Deus, qui Hazaël super Syriam, et Jehu super Israël per Eliam, David quoque et Saülem per Samuëlem prophetam in Reges inungi fecisti, tribue, quæsumus, manibus nostris opem tuæ benedictionis, et huic famulo tuo N. quem hodiè, licèt indigni, in Regem sacra unctione delinimus, dignam delibutionis hujus efficaciam et virtutem concede, constitue Domine principatum super humerum ejus, ut sit fortis justus, fidelis, providus, et indefessus regni hujus, et populi tui gubernator, infidelium expugnator, justitiæ cultor, meritorum et demeritorum remunerator, Ecclesiæ tuæ sanctæ, et fidei christianæ defensor, ad decus, et laudem tui nominis gloriosi. Per Dominum nostrum Jesum Christum Filium tuum, qui tecum vivit, et regnat in unitate Spiritus sancti Deus, per omnia sæcula sæculorum. R. Amen.

Quo facto, Metropolitanus mica panis abstergit pollicem, et lavat manus, surgit cum mitra, descendit ante altare, ubi deposita mitra, stans cum suis ministris, facit Confessionem. Rex verò electus ad partem se retrahit, et genuflexus cum suis Prælatis domesticis idem facit. Similiter et Episcopi, parati sine mitris stantes, bini et bini, Confessionem dicunt. Finita Confessione, Metropolitanus ascendit ad altare, et procedit in Missa more

« ZurückWeiter »