Abbildungen der Seite
PDF
EPUB

Hine disces quo more oleum mortalibus agris
Ante parat; seu forte aliquis natalibus undis
Lustrandus primi sistit se ad limina templi :
Seu jam tinctus aquis, interque adscriptus amicos
Christiadum cœtus firmari ad cuncta rogabit
Dura fidem, sacri ceromatis unguine frontem.
Et signo crucis inscriptus. Post agmina Præsul
Longa Sacerdotum, magnis conventibus actis
Cogit, et officii cunctos præscripta tuendi.
Multa monens; iterumque iterumque hortatibus ambit.
Aut cessatores urgens ad pensa ministros,
Ignavosque docens. Sed jam quo crimina ritu,
Punirique reos leges sanxêre sacrorum,
Perlege sive malos sacris, communibus arcent,
Officiique vices certis cessare diebus

Præcipiunt, et Mysta gradu periturus ab alto
Dejicitur, sacrique gerens insignia cultus.
Paulatim ereptas vestes, ac tegmina membris
Exuit infelix, totâ et traducitur urbe.

Cætera quid memorem, cum Præsul ovilia primùm
Et populos (si cura recens commissa reposcet)
Lætus adit, primos Cleri excepturus honores.
Seu cum Romulea longè legatur ab urbe

Purpurea de gente aliquis, populosque remotos,
Quos procul innumeris circumerrat flexibus ingens
Sequana, Parisiasque subit solemnibus arces
Auspiciis; vel quos diti Tagus ambit arena,
Vistulave, et longis tendit quâ Sarmata campis,
Aut ubi rex fluviorum haud uno nomine notus
Ister in Arctoum præceps evolvitur æquor
Regna per et Latio fidos sub Præsule fines,
Queis non religio fallax, promptumque novandi
Ingenium ritus animis excussit avorum.

Hinc et scire licet, Reges cùm templa subibunt,
Imperiique potens se magnam Augustus ad urbem
Sistet ovans, prope Teutonico comitante Senatu :
Aut proceres, aut magnanimo de sanguine Regum
Fœmina pilentis Divorum in mollibus ædes
Accedet venerans, quantos sacer ordo paratus
Molitur, qualique præit solemnia pompa
Obvius Antistes cœlu stipante suorum.

Vade liber, numquam simili procedere cultu
Ante datum te cinnabari minioque rubentem
Lætiùs, et leges ornat Rubrica sacratas,
Exiguâ tu magnarum compendia rerum

Mole capis, qualis numquam retro ante vel usu,
Vel studio, supraque notis inscripta legendi

Præscribit vox quæque modum, quem longa tenorem
Exigit, utque brevis celeri se syllaba flatu
Proripit accelerans, se subducitque legenti.
At te quis meritum curis pro talibus ornet
Laudibus, aut dignos nam quæ tibi gratia plausus,
Ritè ferat, cujus studiis ingentibus olim
Ordo Sacerdotum mores insistit avitos
Sanctiùs, et cunctis orandi pensa diebus
Noster inoffenso decurrit tramite Clerus?
Nunc et Pontifices curis insignibus ipsos
Obstrinxisse juvat, quorum solemnia sacra
Auspice te retractat opus, propriasque Tiaræ,
Te curante, viccs cultu meliore tuentur.

[merged small][merged small][merged small][graphic]

P

ONTIFEX infantes, pueros, vel alios sacri baptismatis unda perfusos, confirmare volens, paratus supra rochetum, vel, si sit Regularis, supra superpelliccum, amictu, stola, pluviali albi coloris, et mitra, accedit ad faldistorium ante medium altaris, aut in alio convenienti loco sibi paratum; et in eo sedens, renibus altari, et facie populo versis, baculum Pastora

TOM. I.

1

lem in sinistra tenens; populum coram se stantem admonet, quòd nullus alius, nisi solus Episcopus, Confirmationis ordinarius minister est.

Nullus confirmatus debet reconfirmari.

Nullus, qui non sit confirmatus, potest esse in confirmatione patrinus, nec pater, aut mater, maritus, aut uxor.

Nullus excommunicatus, interdictus, vel gravioribus facinoribus alligatus, aut christianæ fidei rudimentis non edoctus, ingerat se ad percipiendum hoc Sacramentum, vel ad tenendum confirmandum.

Adulti deberent priùs peccata confiteri, et posteà confirmari, vel saltem de mortalibus, si in ea inciderint, conterantur.

Hoc Sacramento contrahitur spiritualis cognatio, impediens matrimonium contrahendum, et dirimens jam contractum; quæ cognatio confirmantem, et confirmatum, illiusque patrem, et matrem, ac tenentem non egreditur.

Nullus præsentet nisi unum, aut duos, non plures, nisi aliter necessitas suadeat, arbitrio Episcopi.

Confirmandi deberent esse jejuni.

Confirmato debet ligari frons, et sic manere quousque Chrisma desiccetur, vel extergatur. Proindè, unusquisque confirmandus portet lineam vittam mundam, cum qua ligetur caput. Nullus confirmatus discedat, nisi benedictione accepta, quam Pontifex post omnium confirmationem dabit.

Infantes per patrinos ante Pontificem confirmare volentem teneantur in brachiis dextris. Adulti verò, seu alii majores ponant pedem suum super pedem dextrum patrini sui. Et ideò, neque masculi femi

nis patrini, neque feminæ masculis matrinæ esse deberent.

Quibus per ordinem ante Pontificem dispositis, Pontifex sedens lavat manus, deindè deposita mitra surgit, et stans versa facie ad confirmandos, junctis ante pectus manibus, confirmandis genua flectentibus, et manus ante pectus junctas tenentibus dicit :

S

PIRITUS sanctus superveniat in vos, et virtus Altissimi custodiat vos à peccatis. . Amen. Deindè signans se manu dextra à fronte ad pectus signo crucis, dicit:

. Adjutorium nostrum in nomine Domini. . Qui fecit cœlum et terram.

✓. Domine exaudi orationem meam. R. Et clamor meus ad te veniat.

. Dominus vobiscum.

. Et cum spiritu tuo.

Tunc extensis versus confirmandos manibus, dicit: Oremus.

0

MNIPOTENS Sempiterne Deus, qui regenerare dignatus es hos famulos tuos ex aqua, et Spiritu sancto, quique dedisti eis remissionem omnium peccatorum; emitte in eos septiformem Spiritum tuum sanctum paraclitum de cœlis. . Amen. Spiritum sapientiæ, et intellectus. . Amen. piritum consilii, et fortitudinis. . Amen. Spiritum scientiæ, et pietatis. . Amen.

Adimple eos Spiritu timoris tui, et consigna eos signo crucis Christi, in vitam propitiatus æternam. Per eumdem Dominum nostrum Jesum Christum Filium tuum, qui tecum vivit, et regnat in unitate ejusdem Spiritus sancti Deus, per omnia sæcula sæculorum. R. Amen.

Pontifex sedens super faldistorium prædictum, vel etiam, si multitudo confirmandorum id exegerit, dispositis illis per ordinem super gradus presbyterii, vel alibi, Pontifex stans cum mitra, illos confirmat per ordinem genuflexos, et uno ordine confirmato, illi surgunt, et alii genuflectunt, et confirmantur, et sic usque in finem. Et Pontifex inquirit sigillatim de nomine cujuslibet confirmandi, sibi per patrinum, vel matrinam flexis genibus præsentati, et summitate pollicis dextræ manus Chrismate intincta, dicit :

[graphic][merged small]

N. Signo te signo crucis: quod dùm dicit producit pollice signum crucis in frontem illius: deindè prosequitur:

Et confirmo te Chrismate salutis. In nomine Patris, et Filii, et Spiritussancti.. Amen.

« ZurückWeiter »