Consecratio, si extra curiam Romanam fiat, in Ecclesia, ad quam promoti fuerint, aut in provincia, si commodè fieri poterit, celebretur.

In Ecclesia, ubi fiet consecratio, ornantur duæ capella, major pro Consecrante, et minor pro Electo. Et in majori quidem, super altari parato, ùt est moris, erit crux in medio, et ad minùs quatuor candelabra. In terra ad gradus altaris erunt tapetia strata, super quibus procumbit Electus, sed Consecrator, et alii genuflectent.

Paratur etiam in loco propinquo, et congruo credentia pro Consecratore, super quam erit mappa munda, duo candelabra ; vasa ad abluendum manus, cum suis mantilibus; vas cum aqua benedicta, et aspersorio; thuribulum cum navicella, cochleari, et incenso, si Officium fit in cantu, aliàs non ampullæ cum vino, et aqua pro sacrificio; Calix, hostiaria cum hostiis; medulla panis pro abstergendis manibus; sanctum Chrisma.

Item paramenta omnia Pontificalia coloris, tempori et officio Missæ, convenientis, videlicet, sandalia, amictus, alba, cingulum, crux pectoralis, stola, tunicella, dalmatica, chirotecæ, planeta mitra auriphrigiata, annulus Pontificalis, baculus Pastoralis, manipulus, et gremiale.

Item paratur faldistorium ornatum pro Consecratore; et tres sedes pro Electo, et duobus Episcopis assistentibus; Missale, et Pontificale. Consecrator habeat tres Capellanos ad minus, cum superpelliceis, et duos scutiferos ad credentiam.

In capella verò minore pro Electo, quæ à majore debet esse distincta, paratur altare cum cruce, et duobus candelabris, et super illud Missale, et Pontificale; ac paramenta oninia Pontificalia albi coloris, ùt suprà pro Consecratore numerata sunt;

et ultra illa, pluviale album, et prope altare credentia minor cum mappa munda, et vasis ad abluendum manus, et medulla panis ad extergendum manus, et caput.

Ponuntur etiam octo mappulæ ex duabus cannis panni linei subtilis, per medium scissis in longitudinem, quarum duæ sint longitudinis sex palmorum quælibet, aliæ verò sex æqualis sint quantitatis. Et candele saltem octo unius libræ quælibet, quarum quatuor super altare Consecrantis, duæ super ejus credentiam, et duæ super altare Electi ponuntur.

Annulus cum gemma benedicendus, et Electo tradendus, pecten eburneus. Et pro Offertorio intortitia duo, quatuor librarum quodlibet, duo panes magni, et duo barilia vini; panes et barilia ornentur, duo, videlicet, videantur argentea, et duo aurea, hinc et indè insignia Consecratoris, et Electi habentia, cum capello, vel cruce, vel mitra pro cujusque gradu et dignitate.

Adsint duo ad minus Episcopi assistentes, qui induuntur rocheto, et si sint Regulares, superpelliceo, amictu, stola, pluviali, (quæ cum reliquis paramentis sint coloris tempori et officio Missæ congruentis,) et mitra simplici alba, et quisque habeat suum Pontificale.

Hora igitur competenti Consecrator, Electus assistentes Episcopi, et alii, qui consecrationi interesse debent, ad Ecclesiam conveniunt, et Consecrator, facta oratione ante altare, ascendit ad sedem, si sit in Ecclesia sua, vel accedit ad faldistorium in capella sua, juxta cornu Epistolæ præparatum, et ibi de more paratur. Electus verò cum assistentibus Episcopis vadit ad capellam

suam, et ibi capit paramenta opportuna, videlicet, si Missa cantatur, amictum, albam, cingulum, stolam in modum Sacerdotis, et pluviale. Si verò Officium legitur, poterit, antequam dicta paramenta accipiat, capere sandalia, et legere Psalm. Quàm dilecta, etc. Assistentes etiam Episcopi interim sua paramenta prædicta capiunt. Ominibus itaque paratis, Consecrator accedit ante altare, et ibi in medio sedet super faldistorium, vertens renes altari. Electus verò cum suo bircto ducitur sic paratus, medius inter assistentes sibi Episcopos paratos, et mitratos, et cùm ante Consecratorem pervenerit, nudato capite, illud profundè inclinando, ei reverentiam facit, assistentes verò Episcopi eidem cum mitra caput aliquan

tulùm inclinant.

Tum sedent in sedibus suis, ante Consecratorem, hoc modo. Electus contra faciem Consecratoris, ita ut inter eos sit competens distantia. Antiquior Episcopus assistens ad dexteram Electi junior ad sinistram ; ita tamen, quòd ipsi Assistentes ad alterutrum facies verlant. Cùm sic locati fuerint, et aliquantulùm quieverint, surgunt, Electus sine bireto, et assistentes Episcopi sine mitris, et senior Assistentium versus ad Consecratorem, dicit:

R

EVERENDISSIME pater, postulat sancta mater Ecclesia catholica, ut hunc præsentem Presbyterum ad onus Episcopatus sublevetis.

Consecrator dicit:

Habetis mandatum Apostolicum?

Respondet Episcopus senior Assistentium: Habemus.

Consecrator dicit: Legatur.

Tum notarius Consecratoris accipiens mandatumi de manu Episcopi assistentis, legit à principio ad finem. Interim sedent omnes, tectis capitibus. Mandato per notarium perlecto, Consecrator dicit: Deo gratias.

Vel, si consecratio fit vigore litterarum Apostolicarum, per quas etiam juramenti per Electum præstandi receptio Consecratori committitur, litteris ipsis lectis, antequàm Consecrator aliud dicat: Electus de sede sua veniens coram Consecratore genuflectit; et legit juramentum de verbo ad verbum, juxta tenorem commissionis prædictæ præstandum, in hunc modum, videlicet:

E

FORMA JURAMENTI.

GO N.Electus Ecclesiæ N. ab hac hora in anteà fidelis, et obediens ero beato Petro Apostolo, sanctæque Romanæ Ecclesiæ, et Domino no

stro, Domino N. Papæ N. suisque Successoribus canonicè intrantibus. Non ero in consilio aut consensu, vel facto, ut vitam perdant, aut membrum, seu capiantur mala captione; aut in eos violenter manus quomodolibet ingerantur; vel injuriæ aliquæ inferantur, quovis quæsito colore. Consilium verò, quod mihi credituri sunt, per se, aut Nuntios suos seu litteras, ad eorum damnum, me sciente, nemini pandam. Papatum Romanum, et Regalia sancti Petri, adjutor eis ero ad retinendum, et defendendum, salvo meo ordine, contra omnem hominem. Legatum Aposto