licæ Sedis in eundo et redeundo honorificè tractabo, et in suis necessitatibus adjuvabo. Jura honores, privilegia, et auctoritatem sanctæ Romanæ Ecclesiæ, Domini nostri Papæ, et Successorum prædictorum, conservare, defendere, augere, et promovere curabo. Neque ero in consilio, vel facto, seu tractatu, in quibus contra ipsum Dominum nostrum, vel eamdem Romanam Ecclesiam, aliqua sinistra vel præjudicialia personarum, juris, honoris, status, et potestatis eorum machinentur. Et si talia à quibuscumque tractari, vel procurari novero, impediam hoc pro posse; et quantò citiùs potero, significabo eidem Domino nostro vel alteri, per quem possit ad ipsius notitiam pervenire. Regulas sanctorum Patrum, decreta, ordinationes seu dispositiones, reservationes, provisiones, et mandata Apostolica, totis viribus observabo, et faciam ab aliis observari. Hæreticos, schismaticos, et rebelles eidem Domino nostro, vel Successoribus prædictis, pro posse persequar, et impugnabo. Vocatus ad synodum, veniam, nisi præpeditus fuero Canonica præpeditione. Apostolorum limina singulis trienniis personaliter per me ipsum visitabo ; et Domino nostro, ac Successoribus præfatis, rationem reddam de toto meo pastorali officio, ac de rebus omnibus ad meæ Ecclesiæ statum, ad cleri et populi disciplinam, animarum denique, quæ meæ fidei traditæ sunt salutem, quovis modo pertinentibus: et vicissim mandata Apostolica humiliter recipiam, et quàm diligentissimè exequar. Quòd si legitimo impedimento detentus fuero, præfata omnia adimplebo per certum Nuntium ad hoc speciale mandatum habentem, de gremio mei Capituli, aut alium in dignitate ecclesiastica constitutum, seu aliàs per

TOM. I.

8

sonatum habentem; aut, his mihi deficientibus per diocesanum Sacerdotem ; et clero deficiente omninò, per aliquem alium Presbyterum sæcularem, vel regularem, spectata probitatis, et religionis, de supradictis omnibus plenè instructum. De hujusmodi autem impedimento docebo per legitimas probationes ad sanctæ Romanæ Ecclesiæ Cardinalem proponentem in Congregatione sacri Concilii, per supradictum Nuntium transmittendas.

Possessiones verò ad mensam meam pertinentes non vendam, nec donabo, neque impignorabo nec de novo infeudabo, vel aliquo modo alienabo, etiam cum consensu Capituli Ecclesiæ meæ, inconsulto Romano Pontifice. Et si ad aliquam alienationem devenero, pœnas in quadam super hoc edita constitutione contentas, eo ipso incurrere volo.

Consecrator in gremio suo librum Euangeliorum ambabus manibus apertum tenens, inferiore parte libri Electo versa, ab eo præstationem hujusmodi juramenti recipit, Electo adhuc coram eo genuflexo dicente:

Sic me Deus adjuvet, et hæc sancta Dei Euangelia. Et ipsum textum Euangeliorum ambabus manibus tangente, tum, non priùs, dicit Consecrator: Deo gratias.

Ad hoc tempus singulorum trienniorum tenentur omnes Patriarchæ, Primates, Archiepiscopi, atque Episcopi Itali, videlicet, vel ex Italicis insulis, unde in Italiam commodiùs trajici potest veluti Siculi, Sardi, Corsi, et alii adjacentium provinciarum Italiæ, atque etiam Dalmatia et Græcarum, quæ è regione ipsius Italiæ, et Siciliæ

oris sunt.

Ad tempus singulorum quadrienniorum, Ger

mani, Galli, Hispani, Belgae, Bohemi, Hungari, Poloni, Angli, Scoti, Iberni, et ceteri omnes, qui in Europa sunt citra mare Germanicum, et Balticum, atque omnium Insularum maris Mediterranei.

Ad tempus singulorum quinquenniorum, qui intra Europa fines sunt his provinciis remotiores, atque etiam Africani littoribus nostris adversi, atque insularum maris Oceani, Septentrionalis, et Occidentalis Europa, atque Africæ, citra continentem novi orbis, tam qui nunc sunt, quàm qui ad catholicam fidem per misericordiam Dei aliquando redierint.

Ad tempus singulorum decenniorum Asiatici, et qui extra Asiam, et in aliis novis terris Orientalibus, Meridionalibus, Occidentalibus, et Septentrionalibus, tam in Insulis, quàm in Continentibus, et denique in quibuslibet mundi partibus existentes.

Deindè Electo, et Assistentibus in locis suis (ut dictum est) sedentibus, Consecrator intelligibili voce legit sequentem examinationem, quæ legi debet semper, sicut jacet, in singulari, etiam si plures simul examinentur. Assistentes verò Episcopi submissa voce dicunt, quæcumque dixerit Consecrator, et omnes debent tunc mitras tenere, sedere.

EXAMEN.

et

NTIQUA Sanctorum Patrum institutio docet, et præcipit, ut is qui ad Episcopatus ordinem eligitur, antè diligentissimè examinetur cum omni charitate, de fide sanctæ Trinitatis: et interrogetur de diversis causis, et moribus, quæ huic regimini congruunt, ac necessaria sunt retineri secundùm

Apostoli dictum, Manus nemini citò imposueris. Et ut etiam is, qui ordinandus est, erudiatur, qualiter sub hoc regimine constitutum oporteat conversari in Ecclesia Dei ; et ut irreprehensibiles sint, qui ei manus ordinationis imponunt. Eadem itaque auctoritate et præcepto, interrogamus te, dilectissime frater, charitate sincera, si omnem prudentiam tuam, quantùm tua capax est natura, divinæ Scripturæ sensibus accommodare volueris. Tum Electus aliquantulum assurgens, detecto capite respondet:

Ita ex toto corde volo in omnibus consentire, et obedire.

Et hoc servabit ad omnes alias responsiones sequentes. Et si plures Electi fuerint, successivè quisque sic respondet.

Interrogat Consecrator.

Is ea, quæ ex divinis Scripturis intelligis, plebem, cui ordinandus es, et verbis docere, et exemplis ?. Volo.

Interrogatio.

Vis traditiones orthodoxorum Patrum, ac Decretales sanctæ et Apostolicae Sedis constitutiones veneranter suscipere, docere, ac servare ?. Volo.

Interrogatio.

Vis beato Petro Apostolo, cui à Deo data est potestas ligandi, ac solvendi ; ejusque Vicario Domino nostro, Domino N. Papa N. suisque Successoribus, Romanis Pontificibus, fidem, subjectionem, et obedientiam, secundùm canonicam auctoritatem, per omnia exhibere? B. Volo.

Interrogatio.

Vis mores tuos ab omni malo temperare, et quantùm poteris, Domino adjuvante, ad omne bonum commutare ? R. Volo.

Interrogatio.

Vis castitatem, et sobrietatem cum Dei auxilio custodire, et docere?. Volo.

Interrogatio.

Vis semper in divinis esse negotiis mancipatus, et à terrenis negotiis, vel lucris turpibus alienus, quantùm te humana fragilitas consenserit posse?. Volo. Interrogatio.

Vis humilitatem, et patientiam in teipso custodire et alios similiter docere ? R. Volo.

Interrogatio.

Vis pauperibus, et peregrinis, omnibusque indigentibus esse propter nomen Domini affabilis, et misericors?. Volo.

H

Tunc dicit ei Consecrator:

EC omnia, et cætera bona tribuat tibi Dominus, et custodiat te, atque corroboret in omni bonitate.

Et respondent omnes : Amen.

Interrogatio.

REDIS, secundùm intelligentiam, et capacitatem sensus tui, sanctam Trinitatem, Patrem, et Filium, et Spiritum sanctum, unum Deum omnipotentem, totamque in sancta Trinitate deïtatem coëssentialem, consubstantialem, coæternam, et coömnipotentem, unius voluntatis, potestatis, et majestatis, creatorem omnium creaturarum, à quo omnia, per quem omnia, et in quo omnia, quæ sunt in cœlo, et in terra, visibilia, et invisibilia corporalia, et spiritualia. R. Assentio, et ità credo. Interrogatio.

Credis singulam quamque in sancta Trinitate personam unum Deum, verum, plenum, et perfectum?. Credo.