Interrogatio.

Credis ipsum Filium Dei, Verbum Dei æternaliter natum de Patre, consubstantialem, coömnipotentem, et coæqualem per omnia Patri in divinitate, temporaliter natum de Spiritu sancto ex Maria semper virgine, cum anima rationali, duas habentem nativitates, unam ex Patre æternam, alteram ex matre temporalem, Deum verum, et hominem verum, proprium in utraque natura, atque perfectum, non adoptivum, nec phantasmaticum, sed unicum, et unum Filium Dei in duabus, et ex duabus naturis, sed in unius personæ singularitate, impassibilem, et immortalem divinitate, sed in humanitate pro nobis, et pro salute nostra passum vera carnis passione, et sepultum, ac tertia die resurgentem à mortuis vera carnis resurrectione ; die quadragesimo post resurrectionem cum carne, qua resurrexit, et anima ascendisse ad cœlum, et sedere ad dexteram Patris; indè venturum judicare vivos, et mortuos; et redditurum unicuique secundùm opera sua, sive bona fuerint, sive mala ? . Assentio, et ità per omnia credo.

Interrogatio.

Credis etiam Spiritum sanctum, plenum, et perfectum, verumque Deum, à Patre et Filio procedentem, coæqualem, et coëssentialem, coömnipotentem, et coæternum per omnia Patri, et Filio? R. Credo.

Interrogatio.

Credis hanc sanctam Trinitatem, non tres Deos, sed unum Deum omnipotentem, æternum, invisibilem, et incommutabilem ? R. Credo.

Interrogatio.

Credis sanctam, catholicam, et apostolicam, unam esse veram Ecclesiam, in qua unum datur verum

baptisma, et vera omnium remissio peccatorum? .Credo.

Interrogatio.

Anathematizas etiam omnem hæresim, extollentem se adversùs hanc sanctam Ecclesiam catholicam? . Anathematizo.

Interrogatio.

Credis etiam veram resurrectionem ejusdem carnis, quam nunc gestas; et vitam æternam ?. Credo. Interrogatio.

Credis etiam novi, et veteris Testamenti, legis, et Prophetarum, et Apostolorum, unum esse auctorem Deum, ac Dominum omnipotentem? . Credo.

II

Postea Consecrator dicit :

EC tibi fides augeatur à Domino, ad veram, et æternam beatitudinem, dilectissime frater in Christo.

Et respondent omnes: Amen.

Expleto itaque examine, præfati assistentes Episcopi ducunt Electum ad Consecratorem, coram quo genuflexus, ejus manum reverenter osculatur. Tunc Consecrator, deposita mitra, cum ministris ad altare conversus, facit, solito more, Confessionem, Electo à sinistris ejus manente; et omnes Episcopi ante sedes suas stantes faciunt similiter Confessionem cum Capellanis suis. Facta itaque Confessione, Consecrator ascendit ad altare, et osculatur illud, et Euangelium in Missa dicendum: et incensat altare, more solito. Deindè vadit ad sedem suam, vel faldistorium, et procedit in Missa usque ad Alleluia, sive ultimum Versum Tractus, vel Sequentiæ exclusive.

Si verò Missa legitur, osculato altari, et Euangelio, omissa incensatione, omnia prædicta legit in altari, et illis dictis, sive Missa legatur, sive

cantetur, redit cum mitra ad sedendum in faldistorio, quod ante medium altaris sibi reponitur.

Episcopi verò assistentes ducunt Electum ad capellam suam, et ibi deposito pluviali, Acolythi induunt illum sandalia, ipso Psalmos, et Orationes consuetas legente, si priùs illa non accepit. Tum accipit crucem pectoralem, et stola ei aptatur, ut ab humeris dependeat. Deindè tunicella, dalmatica, casula, et manipulo induitur; quibus indutus accedit ad suum altare, ubi stans in medio medius inter Episcopos assistentes, detecto capite legit totum Officium Missæ, usque ad Alleluia, sive ultimum Versum Tractus, vel Sequentiæ exclusive; nec vertit se ad populum cùm dicit, Dominus vobiscum, ut in aliis Missis fieri solet.

Propter Ordinationes Episcoporum numquam mutatur Officium diei; dicitur tamen post Collectam diei pro Officio Consecrationis, Collecta pro Electo, sub uno Per Dominum nostrum, etc.

Oratio.

Α' DESTO supplicationibus nostris, omnipotens Deus, ut quod humilitatis nostræ gerendum est ministerio, tuæ virtutis impleatur effectu. Per Dominum nostrum Jesum Christum Filium tuum, qui tecum vivit, et regnat in unitate Spiritus sancti Deus, per omnia sæcula sæculorum. R. Amen.

Finito Graduali, si Alleluia dicitur, alioquin dicto Tractu vel Sequentia, usque ad ultimum Versum exclusivè, Consecrator accedit ad faldistorium ante medium altaris, et ibi sedet cum mitra; assistentes verò Episcopi iterùm ducunt Electum ad Consecratorem, cui Electus, deposito bireto, caput profundè inclinans humilem reverentiam facit: Assistentes verò cum mitris se ali

quantulum inclinantes, etiam Consecratorem venerantur. Tum sedent omnes, ùt priùs; et Consecrator sedens cum mitra, versus ad illum, dicit: 'PISCOPUM oportet judicare, interpretari, consecrare, ordinare, offerre, baptizare, et confirmare.

E

Deindè omnibus surgentibus, Consecrator stans cum mitra, dicit ad circumstantes :

Olitati Ecclesite providens, benignitas omnipo

REMUS, fratres charissimi, ut huic Electo uti

tentis Dei, gratiæ suæ tribuat largitatem. Per Christum Dominum nostrum. . Amen.

Et mox Consecrator ante faldistorium suum, et assistentes Episcopi ante sedes suas cum mitris procumbunt; Electus verò prosternit se à sinistris Consecratoris; ministri etiam, atque alii omnes genuflectunt.

Tum cantor, vel, si officium fit legendo, Consecrator incipit Litanias, dicens, Kyrie eleïson etc. prosequendo totas, proùt suprà in Ordinatione. Subdiaconi dictum est. 35.

Postquam autem dictum fucrit, Ut omnibus fidelibus defunctis, etc.

R. Te rogamus audi nos.

Consecrator ab accubitu surgens, ad Electum conversus, baculum Pastoralem cum sinistra tenens, dicit sub voce Litaniarum. Primò :

Ut hunc præsentem Electum bene

gneris.

R. Te

rogamus audi nos.

Secundò dicit:

dicere di

Ut hunc præsentem Electum bene dicere, et sanctificare digneris.

. Te rogamus audi nos.

Tertiò dicit:

Ut hunc præsentem Electum bene dicere, et sanctificare, et consecrare digneris.

. Te rogamus audi nos.

Producendo semper signum crucis super illum;. idemque faciunt, et dicunt assistentes Episcopi, genuflexi tamen permanentes.

Deinde iterùm procumbit Consecrator; et cantor, seu ipse, qui priùs dixit, eas prosequitur usque ad finem.

Ut nos exaudire digneris, etc..

Quibus finitis surgunt omnes, et Consecratore ante faldistorium suum cum mitra stante, Electus coram eo genuflectit.

Tum Consecrator, accepto libro Euangeliorum, illum apertum, adjuvantibus Episcopis assistentibus, nihil dicens imponit super cervicem, et scapulas Electi, ità quòd inferior pars libri cervicem