Abbildungen der Seite
PDF
EPUB

Tunc interroget Sacerdos banna dicens in lingua materna sub hac forma:

Ecce convenimus huc, fratres, coram Deo et angelis et omnibus sanctis ejus, in facie Ecclesiæ, ad conjungendum duo corpora, scilicet hujus viri et hujus mulieris, Hic respiciat Sacerdos personas suas, ut amodo sint una caro et duæ animæ in fide et in lege Dei, ad promerendam simul vitam æternam, quidquid ante hoc fecerint. Admoneo igitur vos omnes, ut si quis est ex vobis qui aliquid dicere sciat quare isti adolescentes legitime contrahere non possint, modo confiteatur.

Eadem admonitio fiat ad virum et ad mulierem, ut si quid ab illis occulte actum fuerit, vel si quid devoverint, vel alio modo de se noverint quare legitime contrahere non possint, tunc confiteantur. Si vero aliquis impedimentum aliquod proponere volucrit, et ad hoc probandum cautionem præstiterit, differantur sponsalia quousque rei veritas cognoscatur. Si vero nullus impedimentum proponere voluerit, interroget Sacerdos dotem mulieris, videlicet arrhas sponsales; et dicuntur arrhæ annuli vel pecunia vel aliæ res danda sponsæ per sponsum: quæ datio subarrhatio dicitur, præcipue tum quando fit per annuli dationem: et tunc vulgariter desponsatio vocatur.

Non fidabit Sacerdos nec consentiet ad fidationem inter virum et mulierem ante tertium dictum bannorum. Debet enim Sacerdos banna in facie Ecclesiæ infra missarum sollemnia, cum major populi adfuerit multitudo, per tres dies sollemnes et disjunctas, interrogare: ita ut inter unumquemque diem sollemnem cadat ad minus una dies ferialis.

Debet etiam Sacerdos terminum præfigere competentem, infra quem qui voluerit et valuerit legitimum opponat impedimentum: et si contrahentes diversarum sint parochiarum, tunc in utraque Ecclesia parochiarum illarum sunt banna interroganda.

Si autem unius et ejusdem sint parochiæ, tunc tantum in Ecclesia illius parochia banna interrogentur. Sacerdos vero qui contractibus matrimonialibus ante trinam sollemnem interrogationem bannorum, ut prædictum est, præsumpserit interesse, pænam suspensionis ab officio per triennium incurrit.

Similiter Sacerdos parochialis qui matrimonia clandestina in parochia sua prohibere contempserit, ab officio per triennium debet suspendi; et gravius est puniendus, si culpæ qualitas id requirat. Prohibentur autem clandestina matrimonia duplici ratione; videlicet, ne sub spe matrimonii committatur fornicatio: et ne matrimonialiter conjuncti injuste separentur. Sæpe enim in matrimonio occulto alter conjugum mutat propositum, et dimittit reliquum probationibus destitutum et sine remedio restitutionis: et ideo prohibeant Sacerdotes frequenter parochianos suos ne dent sibi fidem mutuo, sed coram publicis et honestis personis ad hoc constitutis. Quisquis etiam Sacerdos seu sæcularis seu regularis extiterit, qui sollemnizationem matrimonii extra Ecclesiam parochialem vel capellam habentem jura parochia sibi ab antiquo competentia, absque diocesani loci licentia speciali celebrare præsumpserit ant celebrationi interesse, ipso facto per annum integrum ab officio est suspensus.

sic:

Postea dicat Sacerdos ad virum cunctis audientibus in lingua materna

N., Vis habere hanc mulierem in sponsam, et eam diligere, honorare,

1

tenere, et custodire sanam et infirmam, sicut sponsus debet sponsam; et omnes alias propter eam dimittere, et illi soli adhærere quamdiu vita utriusque vestrum duraverit ?

Respondeat vir: Volo.

Item dicat Sacerdos ad mulierum hoc modo:

N., Vis habere hunc virum in sponsum, et ei obedire et servire; et eum diligere, honorare, ac custodire sanum et infirmum, sicut sponsa debet sponsum: et omnes alios propter eum dimittere, et illi soli adhærere, quamdiu vita utriusque vestrum duraverit ?

Respondeat mulier: Volo.

Deinde detur [Ecclesia-MS.] femina a patre suo, vel ab amicis ejus: quod si puella sit, discoopertam habeat manum; si vidua, tectam: quam vir recipiat in Dei fide et sua servandam, sicut vovit coram Sacerdote, et teneat eam per manum dextram in manu sua dextra, et sic det fidem mulieri per verba de præsenti, ita dicens docente Sacerdote:

I, N., take the, N., to my wedded wif, to haue and to holde fro this day forward, for bettere for wers, for richere for pouerer, in sykenesse and in hele; tyl dethe vs departe, if holy churche it woll ordeyne, and therto y plight the my trouthe: manum retrahendo.

Deinde dicat mulier docente Sacerdote:

I, N., take the, N., to my wedded housbonde, to haue and to holde fro this day forwarde, for better for wors, for richer for pouerer, in sykenesse and in hele, to be bonere and buxum in bedde and atte borde, tyll dethe vs departhe, if holy churche it woll ordeyne, and therto I plight the my trouthe: manum retrahendo.

Deinde ponat vir aurum, argentum, et annulum super scutum vel librum: et quærat Sacerdos si annulus antea fuerit benedictus vel non: si dicatur quod non, tunc benedicat Sacerdos annulum hoc modo cum Dominus vobiscum, et cum Oremus.

Oratio.

Creator et conservator humani generis, dator gratiæ spiritalis, largitor æternæ salutis: tu, Domine, mitte benedictionem tuam super hunc annulum, respice, ut quæ illum gestaverit sit armata virtute celestis defensionis, et proficiat illi ad æternam salutem. Per Christum.

Oremus.

Benedic, Domine, hunc annulum, respice, quem nos in tuo sancto nomine benedicimus: ut quæcumque eum portaverit in tua pace consistat: et in tua voluntate permaneat: et in tuo amore vivat et crescat et senescat et multiplicetur in longitudinem dierum. Per Dominum.

Tunc aspergatur aqua benedicta super annulum.

Si autem antea fuerit annulus ille benedictus, tunc statim postquam vir posuerit annulum super librum, accipiens Sacerdos annulum [aspergat illam aqua benedicta et-MS.] tradut ipsum viro: quem vir accipiat manu sua dextera cum tribus principalioribus digitis, et manu sua sinistra tenens dexteram sponsor, docente Sacerdote, dicat:

With this rynge I the wed, and this gold and siluer I the geue, and with my bodi I the worshipe, and with all my worldely catel I thee endowe.

Et tunc inserat sponsus annulum pollici sponsa dicens, In nomine Patris: deinde secundo digito dicens, Et Filii: deinde tertio digito dicens,

Et Spiritus Sancti: deinde quarto digito dicens, Amen. Ibique dimittat annulum, quia in medico est quædam vena procedens usque ad cor; et in sonoritate argenti designatur interna dilectio, quæ semper inter eos debet esse recens.

eos:

*

Deinde inclinatis eorum capitibus, dicat Sacerdos benedictionem super

Benedictisitis a Domino, qui fecit mundum ex nihilo. Amen. Postea dicatur iste Psalmus sequens hoc modo:

Manda, Deus, et cetera ut supra, p. 28.

Gloria Patri.

Sicut erat.

[blocks in formation]

Benedicat vos Deus Pater, custodiat vos Jesus Christus, illuminet vos Spiritus Sanctus. Ostendat Dominus faciem suam in vobis et misereatur vestri. Convertat Dominus vultum suum ad vos: et det vobis pacem impleatque vos omni benedictione spirituali, in remissionem omnium peccatorum vestrorum ut habeatis vitam æternam, et vivatis in sæcula sæculorum. Amen.

Hic intrent Ecclesiam usque ad gradum altaris: et Sacerdos in eundo cum suis ministris dicat hunc Psalmum sequentem :

Beati omnes, et cetera (Ps. cxxvii.)

Gloria Patri.

Sine nota, cum,

Sicut erat.

Kyrie eleyson. Christe eleyson. Kyrie eleyson.

Tunc prostratis sponso et sponsa ante gradum altaris, roget Sacerdos circumstantes orare pro eis, dicendo:

Pater noster. Et ne nos.

Sed libera.

Salvum fac servum tuum et ancillam tuam.

Mitte eis, Domine, auxilium de sancto.

Esto eis, Domine, turris fortitudinis.

Domine, exaudi vocem meam.

Dominus vobiscum.

Oremus. Oratio.

Benedicat vos Dominus ex Sion, ut videatis quæ bona sunt Hierusalem omnibus diebus vitæ vestræ: et videatis filios filiorum vestrorum et pacem super Israel. Per Christum Dominum nostrum.

Oremus. Oratio.

Deus Abraham, Deus Isaac, Deus Jacob, benedic adolescentes istos et semina semen vitæ æternæ in mentibus eorum, ut quicquid pro utilitate sua didicerint, hoc facere cupiant. Per Jesum Christum

* MS.—“Tunc procidat sponsa ante pedes ejus, et deosculetur pedem ejus dextrum; tunc erigat eam sponsus."

Filium tuum, recuperatorem hominum. Qui tecum vivit et regnat Deus,

et cetera.

Oremus. Oratio.

Et

Respice, Domine, de cælis, et benedic conventionem istam. sicut misisti sanctum angelum tuum Raphaelem ad Tobiam et Saram filiam Raguelis: ita digneris, Domine, mittere benedictionem tuam super istos adolescentes: ut in tua voluntate permaneant, et in tua securitate persistant, et in amore tuo vivant et senescant, ut digni atque pacifici fiant et multiplicentur in longitudinem dierum. Per Christum Dominum nostrum.

Oremus. Oratio.

Respice, Domine, propitius super hunc famulum tuum, respice, et super hanc famulam tuam, respice, ut in nomine tuo benedictionem cælestem accipiant, et filios filiorum suorum et filiarum suarum usque in tertiam et quartam progeniem incolumes videant, et in tua voluntate perseverent, et in futuro ad cælestia regna perveniant. Per Christum.

[blocks in formation]

Omnipotens sempiterne Deus, qui primos parentes, et cetera ut supra, Oremus.

p. 29.

Benedicat vos Deus omnipotens omni benedictione cælesti, efficiatque vos dignos in conspectu suo: superabundet in vobis divitias gratiæ suæ, et erudiat vos in verbo veritatis, ut ei corpore pariter et mente complacere valeatis. Per Dominum nostrum.

Finitis orationibus quæ dicebantur super eos prostratos ad gradum altaris; et introductis illis in presbyterium, scilicet inter chorum et altare, ex parte Ecclesiæ australi, et statuta muliere a dextris viri, videlicet, inter ipsum et altare, incipiatur Officium.

Benedicta sit sancta Trinitas.

In tempore Paschali finiatur hoc modo: Alleluya, alleluya.

Psalmus. Benedicamus Patrem et Filium cum Sancto Spiritu.

Non dicatur ulterius. Kyrie, cum suis versibus dicatur. Ad Missam servetur modus et ordo per omnia sicut in Duplicibus Festis hoc modo: Gloria in excelsis Deo.

Istæ duæ Orationes sequentes dicantur sub uno, Oremus: et sub uno, Per Dominum.

Omnipotens sempiterne Deus, qui dedisti, et cetera ut supra, p. 29. Alia Oratio. Exaudi nos, et cetera ut supra, ibidem.

Ad Corinthios (1 vi. 15-20.) Fratres, nescitis.

Gradale. Benedictus es, et cetera ut supra, p. 30.

V. Benedicite.

Non repetatur Gradale in Missis Sponsalium.
Alleluya.

V. Benedictus es.

In tempore Paschali erit secundum Alleluya unum ex istis sequentibus, Alleluya.

V. Nonne cor nostrum ardens erat in nobis de Jesu, dum loqueretur nobis in via, alleluya.

V. Surgens Jesus Dominus noster stetit in medio discipulorum suorum dixit: Pax vobis, alleluya.

V. Surrexit Dominus et occurrens mulieribus ait, Avete : tunc accesserunt et tenuerunt pedes ejus, alleluya.

V. In die resurrectionis meæ, dicit Dominus, præcedam vos in Galilæam, alleluya.

V. Dicite in gentibus quia Dominus regnavit a ligno, alleluya.

V. Christus resurgens ex mortuis jam non moritur, mors illi ultra non dominabitur.

Sequentia.

Alma chorus Domini nunc pangat nomina summi :
Messias, Sother, Emanuel, Sabaoth, Adonay:
Est Unigenitus, Via, Vita, Manus, Homoousion :
Principium, Primogenitus, Sapientia, Virtus:
Alpha, Caput, Finisque simul vocitatur, et est 00:
Fons et Origo boni, Paraclitus ac Mediator:
Agnus, Ovis, Vitulus, Serpens, Aries, Leo, Vermis:
Os, Verbum, Splendor, Sol, Gloria, Lux et Imago :
Panis, Flos, Vitis, Mons, Janua, Petra Lapisque :
Angelus et Sponsus, Pastorque, Propheta, Sacerdos :
Athanatos, Kyrios, Theos panton craton, et Ysus:
Salvificet nos: Sit cui sæcla per omnia doxa.

Secundum Matthæum (xix. 2-6).

In illo tempore, Accesserunt ad Jesum Scribæ et Pharisci usque ad Quod ergo Deus conjunxit, homo non separet.

Credo in unum Deum.

Offertorium. Benedictus sit Deus, et cetera ut supra, p. 31.

Tempore Paschali. Alleluya.

Nota quod ordo thuris benedicti nunquam datur in Ecclesia sponso et sponsa. Inde est quod oblato thure benedicto super altare, si descendat thuribularius ad clericos vel ad laicos, aliud thus est apponendum et hominibus offerendum.

Secretum. Sanctifica, quæsumus, et cetera ut supra, p. 31.

Aliud Secretum. Adesto, Domine, et cetera ut supra, ibidem.
Præfatio. Qui cum Unigenito.

Post Sanctus prosternant se sponsus et sponsa in Oratione ad gradum altaris, extenso super eos pallio, quod teneant quattuor clerici per quattuor cornua, in superpelliciis, nisi alter eorum prius fuerit desponsatus et benedictus: quia tunc non habeatur pallium super eos nec dicatur sacramentalis benedictio, ut postea patebit. Deinde dicto: Per omnia sæcula sæculorum. Amen. Post Pater noster antequam dicatur Pax Domini sit semper vobiscum, facta fractione Eucharistiæ more solito, dimissaque hostia in tribus fractionibus super patenam, dicat Sacerdos conversus ad illos orationes sequentes sub tono lectionis: illis interim genuflectentibus sub pallio, Sacerdote sic dicente: Dominus vobiscum. Oremus.

Propitiare, Domine, et cetera ut supra, p. 37.

Oremus.

Deus, qui potestate virtutis tuæ, et cetera ul supra, ibidem.

Notandum quod hæc clausula, Deus qui tam excellenti mysterio

« ZurückWeiter »