Abbildungen der Seite
PDF
EPUB

ad propria cum gaudio reverti mereantur. Per te Salvator mundi, qui cum Deo Patre et Spiritu Sancto vivis et regnat Deus, per omnia sæcula sæculorum. Amen.

Deinde aspergatur navis aqua benedicta.

BENEDICTIONES MENSÆ.*

ANTE PRANDIUM.

Omni die per annum de quocunque fiat servitium nisi in diebus Veneris et quando jejunium est præceptum, ut in Vigiliis, Quattuor Temporibus, et Ferialibus diebus infra Quadragesimam, et nisi per hebdomadam Pascha, dicantur benedictiones ante prandium hoc modo:

Inprimis dicat Sacerdos: Benedicite.

Resp. Dominus.

Psalmus.

Oculi omnium in te sperant, Domine: et tu das escam illorum tempore opportuno. Aperis tu manum tuam, et imples omne animal benedictione.

Gloria Patri. Sicut erat.

Kyrie eleyson. Christe eleyson. Kyrie eleyson.

Pater noster.

Deinde dicat Sacerdos: Et ne nos inducas in temptationem.

Resp. Sed libera nos a malo.

Sacerdos. Oremus.

Benedic, Domine, nos et dona tua quæ de tua largitate sumus sumpturi. Per Christum Dominum nostrum.

Resp. Amen.

Lector. Jube, Domine, benedicere.

Sacerdos. Mensæ cælestis participes faciat nos rex æternæ gloriæ.

Amen.

Lector. Deus caritas est, et qui manet in caritate in Deo manet, et Deus in eo. Sit Deus in nobis, et nos maneamus in ipso.

Resp. Amen.

Hæc prædicta Lectio non mutatur per totum annum, quando prædicta benedictiones dici debent ante prandium, nisi in Dominicis Paschalis temporis tantum: tunc enim dicatur sequens Lectio :

Expurgate vetus fermentum ut sitis nova conspersio, sicut estis azymi: etenim Pascha nostrum immolatus est Christus; itaque epulemur in Domino.

POST PRANDIUM.

Deinde post prandium dicat Sacerdos hoc modo :

Deus pacis et dilectionis maneat semper nobiscum.

Domine, miserere nostri.

Resp. Deo gratias.

* Not in the MS.

Tu autem,

[ocr errors]

tibi.

Psalmus.

Confiteantur tibi, Domine, omnia opera tua, et sancti tui benedicant

Gloria Patri. Sicut erat.

Deinde dicat Sacerdos Capitulum :

Agimus tibi gratias, omnipotens Deus, pro universis beneficiis tuis, qui vivis et regnas Deus per omnia sæcula sæculorum. Amen.

Deinde dicatur sequens Psalmus, Sacerdote incipiente :

Laudate Dominum, omnes gentes; laudate eum, omnes populi. Quoniam confirmata est super nos misericordia ejus et nomen Domini manet in æternum.

[blocks in formation]

Retribuere dignare, Domine Deus, omnibus nobis bona facientibus propter nomen sanctum tuum vitam æternam.

Benedicamus Domino. Deo gratias.

Amen.

Deinde dicat Sacerdos de sancta Maria aliquam Antiphonam ad placitum cum Versiculis et Oratione de eadem, quæ magis tempori conveniant. Quibus dictis, dicatur pro fidelibus defunctis.

Psalmus. De profundis (cxxix.)

Finito Psalmo non dicatur Gloria Patri, sed statim sequatur.
Kyrie eleyson. Christe eleyson. Kyrie eleyson.

Pater noster.

Et ne nos.

Sed libera.

Requiem æternam dona eis, Domine:

Et lux perpetua luceat eis.

A porta inferi:

[blocks in formation]

Absolve, quæsumus, Domine, animas famulorum famularumque tuarum, parentun, parochianorum, amicorum et benefactorum nostrorum, et omnium fidelium defunctorum, ut in resurrectionis gloria inter sanctos et electos tuos resuscitati respirent. Per Christum Domi num nostrum. Amen.

Requiescant in pace. Amen.

Deinde dicat Sacerdos: Benedicite.

Resp. Dominus.

Sacerdos. Det vivis gratiam, defunctis misericordiam, ecclesiæ et regno pacem, et nobis vitam æternam.

Amen.

Et dicatur Psalmus De profundis in fine gratiarum post prandium omni die per annum de quocunque fiat servitium, nisi`in Duplicibus Festis Principalibus.

ANTE CENAM.

Ante cenam vero per totum annum fiant benedictiones hoc modo, Sacerdote dicente: Benedicite.

Resp. Dominus.

Sacerdos. Cenam sanctificet, qui nobis omnia præbet. In nomine Patris et Filii et Spiritus Sancti. Amen.

POST CENAM.

Deinde post cenam per totum annum, nisi per hebdomadam Pascha dicat Sacerdos hoc modo:

Benedictus Deus in donis suis:

Resp. Et sanctus in omnibus operibus suis.
Adjutorium nostrum in nomine Domini:
Resp. Qui fecit cælum et terram.

Sit nomen Domini benedictum :

Ex hoc, nunc, et usque in sæculum.

Sequatur Oratio sine Oremus. Retribuere dignare: cum Antiphona de sancta Maria, ut supra post prandium. Nunquam autem dicatur Psalmus De profundis post cenam secundum usum Sarum.

ANTE PRANDIUM IN JEJUNIIS.

Quandocunque fuerit jejunium præceptum, ut in Vigiliis et Quattuor Temporibus, et in omnibus Ferialibus diebus infra Quadragesimam de quocunque fiat servitium, Dominicis diebus tantum exceptis, ac in omni die Veneris per annum, quodcunque Festum Duplex vel Simplex ibidem contigerit, nisi in die Natalis Domini et per hebdomadam Pasche, dicantur benedictiones ante prandium hoc modo:

Benedicite. Resp. Dominus.

Edent pauperes et saturabuntur, et laudabunt Dominum qui requirunt eum vivent corda eorum in sæculum sæculi.

Gloria Patri. Sicut erat.

Kyrie eleyson. Christe eleyson. Kyrie eleyson.

Pater noster. Et ne nos.

Sed libera nos a malo.

Oremus. Benedic, Domine, nos, ut supra.

Jube, Domine, benedicere.

Sacerdos. Cibo spiritualis alimonia reficiat nos rex æternæ gloriæ.

Amen.

Lector. Gratia Domini nostri Jesu Christi et caritas Dei et communicatio Sancti Spiritus sit semper cum omnibus nobis. Amen.

Hæc prædicta Lectio non mutatur per totum annum, quando istæ benedictiones dici debent ante prandium_nisi in Ferialibus diebus infra Quadragesimam, tunc enim dicatur hac Lectio:

Frange esurienti panem tuum, et egenos vagosque induc in domum tuam. Cum videris nudum, operi cum, et carnem tuam ne despexeris, ait Dominus omnipotens.

Similiter in Vigilia Paschæ dicitur hæc Lectio:

Si consurrexistis cum Christo, quæ sursum sunt quærite, ubi Christus est in dextera Dei sedens.

POST PRANDIUM IN JEJUNIIS.

Deinde post prandium dicat Sacerdos hoc modo:

Deus pacis et dilectionis, ut supra.

Memoriam fecit mirabilium suorum misericors et miserator Deus:

escam dedit timentibus se.

Gloria Patri. Sicut erat.

Capitulum. Agimus tibi gratias.

Psalmus. Laudate Dominum, omnes gentes.

Quoniam confirmata, ut supra.

Iste Psalmus prædictus non mutatur per totum annum nisi in Ferialibus diebus infra Quadragesimam; tunc enim loco ejus dicitur Psalmus, Miserere mei (l.), per totam Quadragesimam de quocunque fit servitium; et ratio quia hujusmodi benedictiones sunt de natura temporali et non de sanctorum. Deinde fiant omnia ut supra post prandium in alio tempore. Tamen in Vigilia Paschæ non dicitur Psalmus, Miserere, sed

Psalmus. Laudate cum, omnes gentes.
Quo dicto dicat Sacerdos :

Dominus vobiscum et Oremus.

Oratio.

Spiritum in nobis, Domine, tuæ caritatis infunde, ut quos sacramentis paschalibus satiasti, tua facias pietate concordes, per eundem Dominum nostrum Jesu Christum Filium tuum. In unitate ejusdem Spiritus Sancti Deus per omnia sæcula sæculorum. Amen.

Dominus vobiscum. Et cum spiritu tuo.
Benedicamus Domino. Deo gratias.

ANTE PRANDIUM IN HEBDOMADA PASCHE

In die Pascha et per totam hebdomadam fiant benedictiones ante prandium hoc modo:

Benedicite. Resp. Dominus.

Hæc dies quam fecit Dominus:

Exultemus et lætemur in ea.

Gloria Patri.

Kyrie eleyson. Christe eleyson. Kyrie eleyson.

Pater noster. Et ne nos.

Sed libera.

Oremus. Benedic, Domine, nos, et cetera ut supra.

Jube, Domine, benedicere.

Mensæ cælestis participes faciat nos rex æternæ gloriæ. Amen.

Lector. Expurgate vetus fermentum, et cetera ut supra.

POST PRANDIUM IN HEBDOMADA PASCHE

Deinde post prandium dicat Sacerdos hoc modo:
Qui dat escam omni carni: confitemini Deo cæli.
Tu autem, Domine, miserere nostri.

Deo gratias.

Psalmus. Laudate Dominum, omnes gentes.

Quoniam confirmata est super nos, et cetera ut supra.
Gloria patri. Sicut erat.

[ocr errors]

Versus. In resurrectione tua, Christe.

Resp. Cæli et terra lætentur. Alleluya.

Dominus vobiscum.

Oremus.

Spiritum in nobis, ut supra.

Benedicamus Domino. Deo gratias.

ANTE ET POST CENAM IN HEBDOMADA PASCHLE.

Ante cenam fiant benedictiones, ut supra. Deinde post cenam dicatur

hoc modo:

Hæc dies quam fecit Dominus.

Versus. In resurrectione tua, Christe.

Resp. Cæli et terra lætentur.

Dominus vobiscum. Oremus.

Spiritum in nobis, Domine, ut supra.
Benedicamus Domino. Deo gratias.

SERVITIUM INCLUDENDORUM.*

Qualiter hi qui ad ordinem Anachoritarum accedunt accedere sive se habere debeant, sequentia secundum usum Sarisburiensem declarabunt. Non oportet quemquam inclusum fieri sine Episcopi consultu; sed ab Episcopo aut aliquo alio presbytero erudiatur ac moneatur quatenus ipse devotus conscientiam suam scrutetur, ac videlicet utrum bona intentione aut mala sanctitatem appetat; si Deo placere aut lucrum sive laudem humanam acquirere affectet, denique an vires ei et constantia mentis suppetant contra maligni hostis versutias et contra hujusmodi innumerabiles molestias. Quæ cum se pro regno Dei toleraturum et in Deo solo spem positurum promiserit, includat eum Episcopus aut presbyter jussu Episcopi. Ipse vero inclusus discat non superbe sapere, quoniam meruit frequentia hominum separari; sed infirmitati suæ potius credat esse provisum aut consultum, quod elongatus est a consortio proximorum ne crebrius peccando ac se perditioni mancipando cohabitantes contaminaret, et ob hoc in damnationem graviorem incideret. Reputet ergo se inclusus quasi peccatis damnatum et celle solitaria: velut carceri traditum et propter infirmitatem propriam hominum consortio indignum. Hæc regula in utroque sexa servetur.

*The MS. gives a different form for this office, it will be found below at the close of the Sarum Manual.

« ZurückWeiter »