Abbildungen der Seite
PDF
EPUB

place of mennes of holichirche, withoute special leve of hem that have the goodes to keepe.

Also tho that falsly areste, or by any way take or empresoun or destresse men of holichirche: Wher thorough they forsake hero benefices for meschef : or whenne they have apeled to the court of Rome, or elles bien somoned thider by cytacion, or tho any other court, alle tlio ben acursed that lette hem to pursue here rigt, et alle that therto zeue help or any maner counseil.

Also alle tho ben acursed, be thei nevere so grete, that procoure or zeve leve or comaunde, any other to sle, or to mayme hem, or to bete : or by any other wey to greve any ordenaire, or juge of the lawe of holichirche, in body or in here goodes, for also mycle as he gaf lawful sentence, of suspendenge, or coursynge, or of enterdyntynge, agen kyny or prince, meir, sherreve, or bayly : or agens any other of what stat so he be, bote zif he make amendes with inne te .viii. daies, et also tho ben acursed, that use suche mennes leve or don here comaundementes, ne thei mowe nought ben asoiled bote by the court of Rome.

And also alle tho be thei neverc so grete, the whiche that ben suspensed, et don out of holichirche, or elles ben paraventure openly acursed, zif thei make by strengthe, or constreyne by any wey any maniere of ordenarie, that longeth to holicbirche, either him that suspendede hem or acursede hem, or elles any other, or for drede, or for manace, or any other poynt for to asoile hem of that sentence ageyns his wille : first an formest that absolucion is nought, and alle suche ben acursed in the grete curs.

And also tho that have any teinporal lordslipe, and forbede here soget by manas or by peyne, that they sbul nought selle chaffare that thei use, unto prelatis, ne men of holichirche, ne bege no thing of hem that thei have to selle.

These poyntes ther ben, and also many othre, that often ful gretly greve and anoye men of holichirche: of whiche alle the doeres and maynteners falle in this grete curs, as witnesseth wel the lawe of God et holichirche : bote I trowe it be no nede to shewe mo of hem here, and therfore I passe over atthe this tyme to speke of other poyntes.

Also alle tho ben acursed bi al holichirche, that breke or destorble the unite ot the pes : frist of oure lord the kyng, and sithen of his keme, by power, or bi counscil, bi word or bi werk: or elles by any way to keste or to compace is detli, or any poynt of traitourie of him or of his lond: and allc tho that falsly withholde his heritage or any other rigt, that hym oughte lawfulli to liave: and alle to ben acursed, that geue mcde, or elles take any maniere giftes for to lette pes, et for to procure strif in any degre, other more or lasse among cristene folk.

Also thei ben acursed in hevyit et in herte, that falsl forswere hem upon the holidam : and knowe wel that it is fals whenne thei begynne to swere, in questes, or in acises or in any other fals cause : and Alle tho that hire suche men, or make hem to be hired, or maintene hem, or teche hem, either bi word or werk, for to lette trewe matrimoyne, or lawful eritage, or testament, or ought elles that his trewly ordeyned : and also alle tho advokettis of lawe of bolichirche, that in plee of matrimonie, or any other trewe cause make wityngli, and with

anysement false exceptiones for to destroie, or lette, or tarie a trewe cause, that it may nougt spedly be discussed, et ended after the cours of lawe.

Also alle tho ben accursed, that for hate or for mede, or any other enchesun sclaundre falsly, or defame any man or wamman, so that thei be brought fro good fame untho wikked, wherfore that thei haue nede to proge hem bi the lawe and ben therfore gretli greved, et anoyed in body et in soule.

Also alle tho ben acursed, in this grete sentence m. tymes bi yere, that for malice or for wretthe, of persoun, or of viker, or of parisprest, or elles of eny other, with holde tithes or offringes fro here parissher. cherche, or any other right that it auglite lawfulli to have, either by lawe writen, or elles by goode custome, or turne hem in to other vs or do hem in other place after here owne wille, so that they ben nought don to that same place thei shulde be.

And alle tho ben acursed that procure, or lette, bi word or dede, any man or womman, for to do here goode wille et here devocion to God, et to holichirche ware her,

Also alle tho men of religion, freres, et alle othere wiche that use to go aboute and preche goddes word, zif thci preche or teche any thing priuely or apertly, by any maner colour wherfore mau or womman is ough turned a wey ward, and gath tho wers wille for tho paye his thythes and his offrynges unto his parishchirche, alle suche ben acursed bi this grete curs, as it is writen in the lawe of holyclirche.

And in that same place, tbe holi pope Clement the firste, with alle his counseil, bi al the power that he hadde of God and holichirche, he emoyneth and chargith alle suche religious men, first and formest on peril of here sules, et has thei wille answere to God at the dredful day of dome, and also vppeyne of endeles damnacion, that thei preche openly . VIII. sythes be gere, unto the comune peple, for to make hem to have consciens of here tithes, et of here offringes, unto here parishchirches: thath is for to seye, the firste Sonday of Lenten, et the ferthe et the laste Sonday of Lenten, and in the feste of the ascension of ourc Lord, et wit Sonday. And in the nativito of seynt Johan baptist: And also in the festis of the assumption, et in the nativite of oure ladi, whanne thei be required and beden of men of bolichirche, wiche that kepe the place that thei preche inne : and that thei do trenly herby sines to alle that here hem, for to enforme liem et techc hem bi word et bi ensemple, that thei do treuche in alle poyntes unto here parishcherch.is.

And right so ben thei bounden, bi the same lawe et be the same peyne, for to do to alle men et wommen, that thei here ane schrifte of, or elles thei fallin to gret perls of soule that I spak of er.

And that cristene men et wommen be harde bounden vp peyne of dedli synne, nought al only be the ordennunce of man, bote first et formest be the ordenaunce and the commaundement of al myghty God him seluen, bothe in the olde lawe and also in the newe, for to paye trewli to God and holichirche, the tenthe part of al manere of thynges that hem ne with ly gerc; also wel the toothe part of al manere encrese, that thei wynne trewli by the grace of God, bote with here travayle et also with here craftes ; also the tenthe part of al manere fisshes et foules et bestes both wilde et tame, et of al manere frutes that growe out of the erthe, wytnesseth wel seynt Austyu in his decre, as it is writen in the lawe of holichirche.

And what veniaunce that our Lord God taketh upon this world, bi encheson of hem that wil nought paye liere tithes, and also for hem that falsli tithe, and in what manere thath oure Lord God hath guiñded

IIII. thynges to alle bem that trewly tithe : Telleth openli seynt Jerome, in the same cause et question I seide ere : and also seynt Austyn in the same chapiter decime, that is the next shewyng after. Also men of holichirche have leve bi Goddis lawe, for to acurse alle tho bi name that wil nought paye here tithes, it is writen in many places in the lawe of holichirche.

And also ye shul knowe wel that alle tho ben acursed, that in violenco drawe out any man or womman, that fleth for help et socure unto holichirche : or elles out of any other place that is halwed, bote in certeyn poyntes that the lawe geueth leve. Or lette hem to have sustenaunce ther while thei ben there, and alle tho that geve therto help or conseil.

Also alle to ben acursed that lette or procure to lette the testament, and te laste wil of folk whan thei deye, of thynges that ben here owne, and that thei mowe skilfulli bequethe bothe by lawe of holichirche et by good custome: whether it be testament of wyves, or of wydewes, or of any other wymmen: bote al only of hem that ben bounden, wher that it is ordeyned so by olde custome of the contre, and of he that ben bounden vn to religion, the whicher shulde bi lawe of holichirche have nothyng of here owne, and also that be sworne and charge with executoris, and fulfille nough the dedes wil as here charge axeth.

Also alle tho ben acursed, what that evere thei be, that make statutes or any lawes or any othere customes ayens the privileges, and the fredams, et lawes that longeth to holichirche, et alle tho that demo holichirche or any men of holichirche after suche statutes, and alle to that wytingli or wilfully write hem or make to be write, bote thei destroie hem for evemore withinne amonether after,

Also tho seclere justises or juges, what that evere thei be, be thei nevere so grete, that ben put in office et bave te lawe to kepe, whicho tyme ct also often as thei be preyed et requiret, for tho do here ofl'y's in helpyng of tho folk that bare suffred wronges et harmes ther Le fore, bote yif thei do trewthe et rigtfulnesse, bi here connyng, botlıe in lcrede et lewede, and principally to men of holichirche, as the lawe asked and as here offys wolde, elles thei ben acursed in this grete curs.

Also alle tho seculere men which that be renleres et lederes of citees, and of thownes, zif thci make any unlefful taxes, or taliages, or any exactiones on prestes and clerkes, and men of holichirche, and congtreyne hem by here lewed power, or elles le any wcy for to do, or destroye, the juridicion of prelates of holicbirche, bote gif thei leve suches doyoge for erere, which tyme that thei be amonested lawfulli therto, elles thei ben acursed in this grete curs, et mowe nougt be assoyled or thei hare mad ful amendes, bothe to hem that thei have so greved, et also to holichirche.

Also tho alle ben thus openli acursed, that ben wityngli wedded

ayen the lawe of God et of holichirche in grees that ben forbode, as in grees of consanguinite or affinite, or of gossibrede : et alle tho men and wommen that ben professed in any religion, which that is approved by the lawe of holichirche, et brek out of here ordre, and taken wyres or hosbondes, et also prestes and clerkes that ben withinne holi ordres, that forsake here ordre and here degre, and put hein to be maried, and alle that knowe in matrymonie, whan it shal be mad, any gret defaute or lettyng, bote zif thei be sum wey telle holichirche ther of.

And also alle tho men of religion, whether they be monk or chanon, or frere, of any ordre that ministre or zene any other mennes parichenes, either lered or lewed, any of these . 111. sacramentis that I shal speke of, that is to seye; the holy sacrement of houslyng, or of anoynting, or elles of weddyng ; bote gif thei have special leve ther to of hem tlat kepe the soules of tho parishens : or gif thei assoille any man or womman which that is acursed, either of te lawe of holichirche writen, or elles of any ordinaire or juge that longeth to holichirche ; or bi any constitution provincial or synodal, whiche that erchebisshop and bissliop make with the counscil of here clergie in help and amendement of tho soules that thei have for to kepe, bote thei haue special privilege, and leve ther to of the court of Rome, or elles gif thei asoyle any man, a pena et a culpa, or of any other gret poynt, which that is reserved : alle suche ben acursed by the lawe of holi chirche, et thci mowe nought be assoiled move by the court of Rome. And ther in the same place, the pope comaundeth and bidden erchebisshop and bisshop and alle otbere ordinaires that longen to holicbirche, that which tyme that thei mowe wite, that any religious man hath trepased in any of alle tl:cse poyntes, that thei denounche hym openly acursed fro day to day, in citees et in townes, wher folk ben most gadered, and that thei ne cese nought, ne lette bi no way, unto that tbei knowe that thei be assoiled bi the court of Rome. And also the pope amonesteth et chargeth alle religions men, first on peril of here soles, et also vp peyne of cursynge, that thei neither in sarmons, ne bakbite nought ne despise prelates ne men of holichirche, ne that thei seye nought that thei have pardon, or privilege, or power more than thei have, to deceyre here owne soules et other mennes bothc : or vif ani of hem be in place ther any testament is mad, that thi procure nought unto hem seluen ne unto her corent tho goodes, that have ben falsli geten, or with holden, tlie which mosto nede be restored bi the lawe of God : ve tithes, ne offringes, no other rightes that ben with holden falsly fro holichirche : ne, nor other dettes that longen til other folk ; alle these royntes ben writen in the cup, Religiosi, in Clementinis, that I spak of, er the which was mad liy pope Clement the firste et his cardinales, et al his general counseil ; et it is put in lawe of holichirche, in perpetuel mynde, to make alle religious men afferd to do suche grete defautes, et for grete peynes and harde, wee shul chastise bem that vertu may nought teche.

Also ye shul knowe wel, that alle tho ben acursed, whether thei be religious men or other, that preche, or precure priveli, or apertli, any of other mennis parshennes for to chese here sepulture ct hero biriynge amonges hem, ct for tho leve et forsake the sepulture et the

biriynge, that longeth unto here parishcherches, or elles yif any man or womman chese of here owne frewille to be biried amonges men of religyon or in any other place, tan in his owne parishe. Alle tho, alle tho that procure hem to make a vow ther to, or make hem for to swere ani gret oth that thei shul nevere after chaunge that purpos, ne that wil, alle suche ben accursed in this grethe sentence by pope Boneface the viii. and his cardinales, et bi alle clergie and counseil of holichirche in mynde for evere more. And ther the same pope Boneface, ordeyned et jugged with his counseil that alle tho men et wommen, that thus chese hem here sepulture bi procuremen of any oth, or swere or make a vow there to by other mennes enforminge, that thei be nought biried whan thei ben dede, neither in that place that thei so chese, ne in none other place bote al onli in his owne pariss chirche or chircheyerd, ther he tok his sacramentis, ther while he was a lyve : And also alle tho men religious, et other that receyue any such man or woman in to liere sepulture, boto yif thei withinne x daies fro the tyme that the cors is biried amonges hem, tak him up ageyn et restore the same cors untho his parischirche, with al manere profites and avauntages that thei receyve therfore; elles the chirche or chirche yerd or what place that itt be, ther that cors is biried, it is suspended et enterdyted by the same lawe : et alle tho that thus do, et alle that procure thertho, ben openly acursed, et mowe nougt be asoiled bote bi the court of Rome. And suche ben acursed also bi pope Clement the fifte, and bi al his counseil.

And ther the same Pope Clement revoketh et destroiet alle maner statutes, et privileges, which that ben contraire to anye of alle these poyntcs : also what trme that any chirche or chapel, or any holi placo is suspended, or acused, or elles enterdited, either li sentence of lawe writen, or elles bi ani laweful dome or any ordinaire, we denounce openli alle tho acursed that constreyne any prest for to synge ther inne or by ryngyng of belles, or bi any other way maketh to hcre masse, that ben openli acursed bi name, or elles enterdited.

And also whanne any man of holichirche bi his commission doth outh of holichirche, or acurseth either man or womman, and amoneste him bi name on holichirche bi halve, that thei go out of chircle while that goddes servise is in doynge ; botho yis thici do bis biddyng, thei falleth in this grete curs: and alle that mayntene hem, or bidde hem 1.0!de hem stille in chirche, and none of these may be assoiled bote by the court of Rome.

Also alle tho ben acursed, that maliciousli for wynnynge or for hatrede or any encheson, forsake for tho fulfille the biddynge and the comwaundement of ourc Lord the kynge for to take hem to prisone that ben openly acursed et ligge therin ne .IL dayęs, and alle tho that helpe hem for to be delyvered withouten assent and wgtyng of hem that acursed hem, et un til thei havo mad amendes to God and tho holichirch.

Also whanne any cherche is voide, alle tho ben acursed, that put any debate or ple in the patronage, wher thoroug the verey patron is letted of his right.

« ZurückWeiter »