EPISTOLA EPISCOPALIS ROBTO DE THROUNCTON DECLARANS EJUS ELECTIONEM MINUS CANONICAM (6 Feb., 1343). Ricardus permissione divina Dunolmensis Episcopus dilecto filio Dno Roberto de Throuncton Canonico Prioratus de Brynkeburn nostrae diocesis ordinis St Augustini salutem gratiam et benedictionem. Vacante nuper dicto Prioratu per resignationem Dni Radulphi de Preston ultimi Prioris, ejusdem Subprior et omnes et singuli concanonici tui, te Priorem dicti Prioratus, prout ad eos pertinet, concorditer eligerunt: Cujus electionis decreto nobis exhibito, praesentataque nobis dicta electione et tam in materia quam in forma examinata, prout decuit, et discussa, Nos dictam invenientes electionem minus canonice celebratam, ipsam infirmavimus, cassavimus, et annullavimus, justitia suadente ac potestate providendi dicto prioratui ad nos et esse hac vice tam ex consensu omnium illorum quorum interfuit in hac parte, quam etiam alias legitime devolutam, pronunciavimus et declaravimus per decretum; subsequenterque ad te Dominum Robertum praedictum, consideratis tuae probitatis meritis, de quibus nobis laudabile testimonium perhibetur, oculos direximus mentis nostrae de te, tanquam de persona idonea, concurrentibus omnibus et singulis quae in ea parte requiruntur, de jure auctoritate nostra ordinaria eidem prioratui providemus et creamus, curam et administrationem ac regimen ejusdem tibi plenarie committendo. In cujus rei testimonium sigillum nostrum fecimus his apponi. Datum Dunolmi sexto die Februarii A.D. 1342 (1343) et consecrationis nostrae decimo. [EPISTOLA EPISCOPALIS] SUBPRIORI ET CONVENTUI DE BRYNKERURN QUA DECLARAT PROVISIONEM DICTI Ricardus permissione divina Dunolmensis episcopus dilectis filiis subpriori et conventui prioratus de Brynkeburn nostrae diocesis ac singulis personis conventus praedicti Salutem Gratiam et Benedictionem. Praesentata nobis electione nuper in ecclesia prioratus praedicti, ipso prioratu per resignationem Domini Radulphi de Preston ultimi prioris loci ejusdem vacante, celebrata, de Domino Roberto de Throuncton canonico prioratus praedicti in priorem electo, ipsaque electione et electi persona diligenter per nos examinatis, processus debito et juris ordine in omnibus observatis : Quia invenimus electionem praedictam minus canonice celebratam, ipsam infirmavimus cassavimus et annullavimus, et ad nos provisionem dicti prioratus hac vice fuisse et esse, tam de jure quam de consensu omnium quorum interest, pronunciavimus et decrevimus devolutam per decretum, et eidem prioratui de dicto Domino Roberto de Throuncton viro provido et discreto providimus de priore, curam et administrationem dicti prioratus eidem plenarie committendo. Idcirco vobis mandamus firmiter injungendo, quatenus eidem dicto Roberto in priorem per nos praefecto in his quae ad curam et administrationem suam pertinent, tanquam devoti filii humiliter pareatis, ac etiam ut tenemini intendatis. Valete. Datum Dunolmiae sexto die Februarii Ano 1342 (1343) et consecrationis nostrae decimo. EPISCOPALE MANDATUM ARCHIDIACONO NORTHUMBRIAE* AD INSTALLANDUM DICTUM ROBERTUM DE THROUNCTON IN PRIOREM. Ricardus permissione divina Dunolmensis Episcopus dilecto filio Archidiacono nostro Northumbriae seu ipsius officiali Salutem Gratiam et Benedictionem. Quia nos in electionis negotio de Domino Roberto de Throuncton canonico prioratus de Brynkeburn nostrae diocesis, in futurum priorem prioratus ejusdem nuper vacantis factae, legitime procedentes ipsam electionem minus canonice celebratam infirmavimus, cassavimus, et annullavimus, justitia suadente et jure ad nos in ea parte hac vice canonice devoluto, de dicto Domino Roberto tanquam de persona idonea eidem prioratui providimus ac ipsum priorem praefecimus et creavimus prioratus ejusdem. Vobis mandatum, quatenus dictum priorem ibidem more solito installetis, et in expressam possessionem prioratus hujus inducatis, facientes sibi ab omnibus et singulis canonicis prioratus praedicti obedientiam testari. LICENTIA EPISCOPALIS ISABELLAE CLIFFORD UXORI ROB. * Probably Edmund Howard, who was archdeacon in 1343, Viri Dni Roberti de Clifford, militis nostrae diocesis, salutem gratiam et benedictionem. Ex parte tua exhibita nobis petitio continebat, quod licet pastor et praelatus pectoris sui vultum diligenter agnoscere teneatur, nec ab ovili inconsulto pastore ovis debeat aberrare, Fratrem Johannem de Pulton, Ordinis Minorum de Conventu Fratrum Minorum de Preston in Amondreness* Ebor: dioecesis in confessorem tuum de gratia nostra speciali concedere dignaremur. Nos itaque attenta petitione tua hujusmodi, quam pro salute animae tuae fore credimus, et majore devotione quam erga Deum, contemplatione personae dicti Fratris Johannis habere dinosceris; volentesque personam tuam in ea parte favore prosequi principali, ut eidem Fratri Johanni peccata tua libere confiteri valeas, et ipse confessiones tuas audire, ac tibi pro tuis commissis prout secundum Deum expedire cognoverit poenitentias injungere salutares, immo munus absolutionis impendere, tam in casibus nobis a jure reservatis quam aliis, licentiam tenore praesentium concedimus specialem. In cujus rei testimonium hac literas nostras fieri fecimus patentes, pro nostro beneplacito duraturas. Datum in manerio nostro de Aukeland decimo die mensis Augusti A.D. 1343, et consecrationis vestrae decimo. LICENTIA EPISCOPALIS THOMAE DE TWENG, AD AUDIENDUM CONFESSIONES TRIGINTA SUBDITORUM EPISCOPI ET AD (12 Aug., 1343). Ricardus permissione divina Dunolmensis episcopus discreto viro Dno Thomae de Tweng Rectori ecclesiae de Lichome† Ebor: diocesis salutem gratiam et benedictionem. Cum officium pastorale circa lucrifactionem et salutem suorum subditorum vigilanter habeat intendere et eisdem remedia opportuna cum votis ferventibus et paterna ratione imperare, atque scientia mores et merita quibus erga nos multipliciter commendaris, nos excitarunt et inducunt ut personam tuam de qua experienda plenam gerimus fiduciam in partem laboris et sollicitudinis officii nostri pastoralis * Amondreness is that portion of Lancashire which lies between Preston and the line of the river Ribble on the south, and Lancaster and the course of the Lune to the north. Preston in Amunderness was a priory of Grey Friars, situated in the north-west side of the town of Preston (Dugdale, vi, 1513). † A parish in the Diocese of York, now Kirkleatham. B invocemus, tibi licentiam ac potestatem generalem et specialem concedimus et donamus per praesentes, ut vice et authoritate nostra confessiones triginta subditorum nostrorum tibi confiteri volentium, tam in casibus nobis reservatis quam non reservatis, libere liciteque valeas audire, et hujusmodi confitentibus, prout secundum Deum expedire cognoveris poenitentias salutares imponere atque eisdem beneficium absolutionis impendere; et vota, quatenus ad nos de jure pertinet, in melius commutare, non obstante quod aliena Diocesi subditus es constitutus praesentibus a tempore confectionis eorundem usque ad festum Natalis Domini, Anno ab incarnatione ejusdem 1344 duraturis. Datum in manerio nostro de Aukeland duodecimo die mensis Augusti Ao Dni 1343, et consecrationis nostrae decimo. INDULGENTIA EPISCOPALIS CONCESSA IIS QUI CONTULERINT ORNAMENTA LUMINARIA VEL ALIA BENEFICIA ALTARI VIRGINIS MARIAE IN GALILEA ECCLESIAE CATHEDRALIS DUNOLM. (6 Aug., 1343). Universis sanctae matris ecclesiae filiis ad [id]* quorum notitiam praesentes literae pervenerint, Ricardus permissione divina Dunolmensis Episcopus salutem in Domino sempiternam. Obsequium Deo gratum toties impendere opinamur, quoties animas devotorum per allectiva indulgentiarum munera ad caritatis opera propensius excitamus. De Dei igitur omnipotentis misericordia, beatissimae Mariae Virginis matris suae, beatorumque Apostolorum Petri et Pauli,ac clarissimi Confessoris et almi patroni nostri Cuthberti, necnon Sanctorum omnium meritis et precibus confidentes omnibus parochianis nostris et aliis, quorum diocesani hanc nostram Indulgentiam ratam habuerint et acceptam, de peccatis suis vere contritis et confessis, qui ad ornamenta, luminaria, vel aliqua alia beneficia altari Beatae Virginis Mariae in Galilea Dunolmi necessaria de bonis sibi a Deo collatis grata contulerint subsidia caritatis, vel in festis ejusdem Beatae Virginis missam ibidem audierint, aut illius altare in dictis festis devote visitaverint, quadraginta dies de injuncta sibi poenitentia misericorditer relaxamus; omnes Indulgentias ad id concessas et in posterum concedendas ratas habentes, quatenus ad nos pertinet, pariter et acceptas. In cujus rei testimonium has literas nostras *This unnecessary "id" is in the MS. copy. patentes nostri impressione sigilli fecimus communiri. Datum apud Aukeland decimo sexto die mensis Augusti Ao Dni 1343, et consecrationis nostrae decimo. INDULGENTIA EPISCOPALIS CONCESSA QUIBUSCUMQUE QUI PRO SALUTE ALANI DE HEPPISCOTTES ET ALICIAE UXORIS SUAE ORATIONEM DOMINICAM CUM SALUTATIONE ANGELICA DIXERINT (13 Aug., 1343). Universis sanctae matris ecclesiae filiis ad quos praesentes literae pervenerint Ricardus permissione divina Dunolmensis episcopus salutem in Domino sempiternam. Gratum et Deo pium toties impendere opinamur obsequium quoties ad Orationis devotionem ac pietatis opera allectivis Indulgentiarum muneribus mentes fidelium excitantur. De Dei igitur omnipotentis misericordia, beatissimae Virginis Mariae matris suae, beatique Cuthberti confessoris gloriosi patroni nostri, et omnium Sanctorum meritis et precibus confidentes, omnibus Christicolis per nostram Diocesim Dunolmensem constitutis et aliis quorum Diocesani hanc nostram Indulgentiam ratam habentes et acceptam de peccatis suis vere contritis et confessis, qui pro Alani de Heppiscottes et Aliciae uxoris ejus salute salubrique statu ac gratia Christo complacendi dum vixerint; nimirum pro animabus eorundem cum de medio sublati fuerint, et pro animabus omnium fidelium defunctorum, Orationem Dominicam cum Salutatione Angelica dixerint pia mente, quadraginta dies de injuncta sibi poenitentia misericorditer eisdem relaxamus; pacificationis hujus tenorem quatenus de jure possimus confirmantes omnes et singulas Indulgentias hujus rei gratia rite concessas, nostrisque temporibus concedendas. In cujus rei testimonium sigillum nostrum fecimus his apponi. Datum in manerio nostro de Aukeland decimo tertio die mensis Augusti Ao D11 1343, nostrae vero consecrationis decimo. INDULGENTIA EPISCOPALIS CONCESSA AUDITORIBUS MONACHORUM CATHEDRALIS ECCLESIAE DUNOLM. (13 Aug., 1343). Universis sanctae matris ecclesiae filiis ad quorum notitiam praesentes literae pervenerint, Ricardus permissione divina Dunolm: episcopus salutem in amplexibus Salvatoris. Propositum evangelicae doctrinae pabulum humiliter |