Occidentalium partem, suae Majestati non subditam, transportatione, 5. lib. sterl. summam solvere, & 3. lib. sterl. summam, pro cujuslibet hujusmodi personae, ad ullum alium, in Europa, extra suae Majestatis Dominia, portum, transportatione; eadem, in suo computu, dicto Quaestori refundetur, producto dicti Mercatoris, aut Naucleri, Syngrapho, quo se dictam summam, ac etiam hujusmodi Papistici Regularis Ecclesiastici, Presbyteri, aut Ludi-Magistri. corpus, recepisse fatetur; in quo Syngrapho, dictae personae ita transportandae nomen, & locus ubi ultimo degit, ac resedit, & quamdiù fuerit dicta persona carceri mancipata, & ex qualibus Comitatûs, seu Districtûs Carceribus, fuerit ad dictum locum, aut portum transmissus, exprimetur; quae Syngrapha Supremi Magistratus, dicti loci, aut portus, aut ejus Deputati testimonio, confirmabuntur; quod etiam ultimo hìc dictum Syngraphum, in Coronae Officio, suae Majestatis supremi loci Dublinij Curia, registrabitur gratis, seu sine remuneratione, ibique remanebit intabulatum.

Et ulterius sancitum sit authoritate praefata, ut si ullus Papisticus Regularis Ecclesiasticus, Presbyter, aut Ludi-Magister, extra custodiam dicti Mercatoris, aut Naucleri, dictam personam recipientis, fuerit, in hoc Regno repertus, aestimabitur, habebitur, ac poenas, muletas, & supplicia, infligi, per leges, & statuta hujus Regni, ulli Papistico Regulari, in exilium acto, & iterum in hoc Regnum reverso, solita; & dictus Mercator, aut Nauclerus, tempore receptionis hujusmodi summae, aut summarum a Quaestore, ac corporis hujusmodi Papistici Regularis Ecclesiastici, Presbyteri, ac Ludi-Magistri, recognitionem inibit suae Majestati, Haeredibus, ac Successoribus eius, dictam Papisticam Personam, sub mulctae 50. lib. sterl. poena, ad aliquem locum, non intra hoc, aut magnae Britanniae, Regnum, aut Dominia ad illa spectantia, transportandi; quam recognitionem dictus Mercator, aut Nauclerus, tempore receptionis dictae summae, aut summarum, 5. aut 3. respective, lib., coram supremo dictae civitatis, portûs, & loci Magistratu inibit ; & Quaestor dictam sumam solvens; dictam recognitionem producet, & reddet suae Majestatis Proventuum Commissarijs, quando pro dictae summae solutione computabit: quam recognitionem dicti Commissarij reddent Quaestorio, seu Coronae officio, supremi, suae Majestatis, loci Dublinij, pro qua, nulla remuneratio solvetur.

Et quandoquidem per hujus terrae Leges, Papistae sint incapaces, ad equum, aut equam, aut Cantherium, pluris 5. lib. habendum,

II.

2 H

quod experientia reperitur praejudiciosum, in quantum spectat ad equas emissarias: in remedium cujus sancitum sit, authoritate praefata, ut nulla equa emissaria, ad generandum tantum detenta, nec equus emissarius, ut talis, & ad nullum alium usum detentus, sint aestimandi, aut comprehendendi, intra intentum Actus intitulati : Actus pro meliorij guberni securitate, disarmando Papistas; sed ut omnis, & quivis Papista, ac reputatus Papista, hujusmodi equas, & equos admissarios, non obstante dicto Actu, aut quacunque lege, in contrarium, valeat retinere, ac foetum, & progeniem eorundem, sub 5. annorum aetate, & non aliter.

Cauto tamen, ut nihil hic contentum, se, ad impediendum D. Pro-Regem, aut alios DD. Supremos Regni Praefectos, pro tempore existentes, a confiscando, aut auferendo ullum equum, equam, aut Cantherium, ad ullum Papistam, aut repatatum Papistam, spectantem, extendat, casu invasionis apparentis, aut intestini Belli, verisimiliter ingruentis, non obstante quocunque in hoc, quomodocunque in contrarium contento.

Et ulterius sancitum sit authoritate praedicta, ut, casu quo, D. Vice-Rex, DD. Judices, aut supremi hujus Regni Gubernator, aut Gubernatores, effecerint, aut mandaverint, ullam equam, aut equum ita confiscatum, iterum suo Dño restitui, aut Personae, a qua fuerant ablati, licitum sit, cuivis Personae hujusmodi equum, aut equam, in sua Custodia, virtute praedictae authoritatis, habenti, aut retinenti, eosdem retinere, donec Dominus aut Persona, a qua fuerunt ablati, ei summam 6. Assium, seu Denariorum sterl. pro quavis nocte, qua hujusmodi Persona ullum equum, aut equam talem, virtute authoritatis praedictae retinuit, solverit.

Et ulterius sancitum sit authoritate praedicta, ut nullus Papista, aut Papistae, qui ullum oppificium, artem, aut ministerium, sequi permittuntur in hoc Regno, imposterum simul accipiant plures duobus Tyronibus, in ullo hujusmodi oppificio, arte, aut ministerio (excepta canabis, aut lini manifactura), & pro non minori, 7. annorum, tyrocinij termino; & ut, quiscunq; Papista fuerit in hoc, retinendo plures duobus Tyronibus, aut minori, 7 annorum spatio, transgressus, hujusmodi Papista, pro quâvis transgressione, ad summam 100 lib. sterl. mulctabitur, illi Personae dandam, quae prodidit, seu quao accusavit, eo modo quo variae summae hic commemoratae, 10. libras excedentes, recuperari solent.

A praemissis poenalitatibus excipiuntur Domini Henricus Luttrel

Chiliarchus, & Oliverius Martin de Tulleiry, &c. Et hucusquè Actus, etc.

ILLUSTRISSIMI ET EXCELLENTISSIMI D.D.

1. Sacrosancta, Apostolica, Catholico-Romana Religio, in Dei T.O.M. nomine, ad zelantissimas ac ferventissimas Summi Pontificis, legitimi Jesu Christi D.N., Vicarij, exhortationes, & preces, a Clementissimis Patronis, Principibus (scilicet) Catholicis, enixè, ac modis omnibus, & quidem in fide Divini oraculi: Quaerite primùm Regnum Dei, etc. EE. VV. commissa, & ab integro corpore totiûs Catholicismi, ac singulis ejus membris, imò & ab omni eo, in toto universo, qui justitiam amat, aut fidem publicam aestimat, seu Gentium Jura, cupit integra, utpotè à quibus universim, atquè unica, publicae Pacis pendet securitas, summoperè desiderata, vehementer peroptata, lacrymis deniquè, ac suspirijs devotè suspirata, haec inquam, Sacrosancta Apostolica Catholico-Romana Religio Protectioni, ac purissimo zelo EE. VV. tantopera recommendata, gaudere debet privilegijs, praerogativis, ac libertatibus omnibus, quibus gaudet Religionum ulla in Regnis Brittanicis, eò quòd sit, non minùs, quam alia ulla, legibus stabilita, Regia, ac Parlamentaria authoritate, roboratis, cum duplici, multùm faventiori, praerogativa, nempè quòd Romano-Catholicis aliud nullum, praeterquàm solius fidelitatis Juramentum, porrigi debeat: & dato, quod quispiam illud violasset, hoc impedire non debet, quin caeteri omnes gaudere debeant omnibus beneficijs Articulorum.

2. Jurata porrò fidelitas, ita integrè, in hodiernum usque diem, observata est, quod nec unius privati Rebellis designari queat legitimus processus, multò minùs, totius Cleri, aut Populi aperta, & manifesta revolutio, nè quidem in occasione novissimi septemtrionalis attentati, non obstante quacumque severiori jam facta inquisitione.

3. Quod autem praemissa Decreta, & Edicta violaverint, & violent, ex integro, suprascriptos Articulos non eget probatione, sed simplici eorundem lectione, & perfunctoria collatione duntaxat.

4. Delusoriam fore suspensionem, ad instantias Caesareas, Anno elapso, promissam, convincit severa executio eodem Anno coepta, & 'indiès severiùs continuata, non secùs, ac factum fuit Anno 1697. quo, vivente adhuc Rege Guillielmo, editum fuit Decretum expulsivum totius Romano-Catholici Cleri, Et Excell. D. Comiti Auersperg

Ablegato Caesareo extraordinario, A. 1698. nomine glor: mem: Aug. Leopoldi I. altè dolentèrquè conquerenti, atquè revocationem, seù saltem suspensionem, zelose solicitanti, Regis, & Parlamenti nomine, respondit Magnus Angliae Cancellarius, nequaquaquam agi de expulsione totius Cleri, multominùs de exstirpatione totius fidei Catholicae, sed solummodò paucula expelli inquieta subjecta. Interea tamen, facta severa Edicti executione, & quidem ad litteram, omnes, & singuli fuerunt expulsi, exceptis paucis animarum Curatis, seclusis Vicarijs, seu Coadjutoribus, & praeciso successionis filo, & reliqua suprascripta Decreta condita sunt, & districtae executioni demandata. Proindè, praeter hujusmodi blanda promissa, alia fixis tabulis, & cum Catholicorum Principum mediatione, quaerenda, atque stabilienda est securitas.

5. Quòd verò citrà omnem causam, & culpam, ex parta supplicantium, suprascripti Articuli violentur, constat evidenter ex multiplici capite. Imprimis quidem argumento negativo, nam nulla, prorsus probata est, aut probari potest Rebellio. Quòd aiunt de revolutione Cromwelli, & Regis Guillielmi, Hiberni nequeunt dici Rebelles, tenendo partes Regis, cui, & non Parlamento, jurarunt fidelitatem. Deinde facta illa praecesserunt Pacta Limericensia, virtute quorum, si quid aliàs esset objiciendum Hibernis, dici debet resanatum, & abolitum.

6. Praetereà omnium Decretorum motiva, nempe Papismi suppressio, contrà Papismi incrementum, etc. denotat purum fidei odium, & eam funditùs extirpandi animum: praesertim verò facta reflexione, tot manifestos Innocentes, ac Rebellionis omnino incapaces, in illis, solo titulo Catholicismi, graviter mulctari, è quibus sunt Principes multi exclusi a Corona: item quotquot aberant tempore revolutionis, & in rebus bellicis nusquàm intricati, à reditu ad Patriam interdicti. 7. Magna adversariorum potentia praevalebit forsan contra justam, atque, innocentissimam Dei causam contra ingentem innocui gregis, inermis simul, & pauperrimi, luto & latere attriti, turmam? Absit. Magna Pharaonis potentia sensit, & cessit Virgae Pastorali Moysis in praeservationem populi Electi. Magna quoque Darij, et Satraparum potentia, non praevaluit contra praeservatorem Danielis Angelum. Magna fides, magna authoritas senum, Judicumq; populi, contrà inermem Susannam: attamen Junior puer Daniel illam a morté salvavit.

8. Confidunt supplicantes Deum, qui salvat sperantes in se non

permisisse in hoc Excell: Congressu, desiderari Moysen, Potentem Dei Angelum, et Danielem ipsum, in tutelam Innocentium. Confidunt & Clementissimi Patroni. Confidit & tota Christianitas. Praevaluerunt illi, Dei virtute, ad Dei Gloriam, operari prodigia. Praevalebunt pariter, Dei auxilio, EE. VV., alte olìm propterea a Deo praemiandi, futurique semper celebres in sacris hystorijs, quemadmodùm, & illi.

CLXV.

LETTER OF DR. M'MAHON, BISHOP OF CLOGHER AND ADMINISTRATOR OF KILMORE, FROM CASLET, IN FLANDERS, TO THE SACRED CONGREGATION OF PROPAGANDA, 10TH MAY, 1714.

(FROM THE ARCHIVES OF PROPAGANDA.)

REVERENDISSIME DOMINE,

Cum meus patruus praepositus Sancti Petri in hoc oppido Casletensi, Dioecesis Yprensis in Flandria, testamento legasset omniu sua bona ad fundandas Bursas pro alimentis et instructione aliquot juvenum ex Dioecesibus Cloghorensi et Kilmorensi, mihi curam et executionem testamenti demandavit, cui vacare non potui nec volui, relicto grege, nisi communicato prius negotio et habîta licentia ab Eminentiis Vestris, qua mihi transmissa, quamprimum licuit itineri me accinxi. In transitu captus in Anglia et ductus ad Magistratum, divina providentia protegente, feliciter evasi, et huc adveni initio Septembris, 1712, sperans post finitum negotium posse brevi redire in patriam sed sic omnia implicata reperii ut longioris temporis spatio opus fuerit ad expediendum.

Ex Caslete, 10° Maii, 1714.