Ratio concessionis.

Tenor declarationis.

nissimum Austriae Archiducem Carolum nuncupavit, sed et iurium illi adnexorum usum, quoad ditiones, quas tenebat, seu forsan ipsum de caetero tenere contigisset, minime in posterum se denegaturum monuit, diserte in consistorio professus, se praenunciatas praedecessorum constitutiones adprobare et innovare, ut ita iura eorum praesertim, qui de Hispanici regni successione contendebant, aequaliter salva remanerent (1).

§ 7. Verum si hoc fuit semper in more positum institutoque Apostolicae Sedis, sub memoratis conditionibus rectae sacrarum rerum procurationi ubique instare, quin ulla inde pro cognoscendis decernendisve dominantium iuribus sancita censeretur dispositio; id certe multo magis in tanta rerum publicarum mobilitate, atque in crebris ipsarum conversionibus curandum nobis est, ne humanis ex rationibus deserere quodammodo ecclesiae causam videamur.

§ 8. Quare, audita selecta venerabilium fratrum nostrorum S. R. E. Cardinalium Congregatione, de apostolicae potestatis plenitudine, motu proprio, ac de matura deliberatione, praedictam constitutionem felicis recordationis Clementis V. praedecessoris nostri, quam occasione non absimilium super aliquo principatu contentionum caeteri praedecessores nostri Ioannes XXII., Pius II., Xistus IV. et Clemens XI. approbarunt et innovarunt, exemplis eorumdem inducti, iisque prorsus inhaerentes, similiter approbamus, ac denuo sancimus, declarantes pro futuris quoque temporibus, quod si quis a nobis vel a successoribus nostris, ad spiritualis ecclesiarum fideliumque regiminis negotia componenda, titulo cuiuslibet dignitatis etiam regalis ex certa scientia, verbo, constitutione vel literis, aut legatis quoque hinc inde oratoribus nominetur, honoretur, seu quovis alio modo actuve, quo talis in eo dignitas facto agnoscatur, aut si easdem ob causas cum iis, qui alio quocumque gubernationis genere rei publicae praesunt, tractari aut sanciri aliquid contigerit, nullum ex actibus, ordinationibus et conventionibus id generis ius iisdem attributum, acquisitum probatumque sit, ac nullum adversus caeterorum iura et privilegia ac patronatus

discrimen, iacturaeque et immutationis argumentum illatum censeri possit ac debeat: quam quidem de iurium partium incolumitate conditionem pro adiecta actibus istiusmodi habendam semper esse edicimus, decernimus et mandamus, illud iterum nostro ac Romanorum Pontificum successorum nostrorum nomine denunciantes, in huiuscemodi temporum, locorum personarumque circumstantiis ea tantum quaeri, quae Christi sunt, atque unice, veluti susceptorum consiliorum. finem, ea ob oculos versari, quae ad spiritualem aeternamque populorum felicitatem facilius conducant.

§ 9. Decernentes hasce literas semper firmas, validas et efficaces existere et fore, suosque plenarios et integros effectus. sortiri et obtinere, atque ab eis ad quos spectat et pro tempore quandocumque spectabit, inviolabiliter observari debere: in contrarium facientibus etiam expressa, specifica et individua mentione dignis non obstantibus quibuscumque.

§ 10. Nulli ergo omnino hominum liceat hanc paginam nostrae approbationis, sanctionis, declarationis, denunciationis, decreti, mandati ac voluntatis infringere vel ei ausu temerario contraire; si quis autem hoc attentare praesumpserit, indignationem omnipotentis Dei ac beatorum Petri et Pauli Apostolorum eius se noverit incursurum.

Datum Romae, apud S. Mariam Maiorem anno Incarnationis dominicae millesimo octingentesimo trigesimo primo, nonis augusti, pontif. nostri anno primo.

IX.

Insulae Mauritii, loco Eduardi Bedae Slater, Iacobum Bramston visitatorem ap., iuxta modum, eligit (2).

Ven. fratri lacobo Bramston Episcopo Usulano Vicario Apostolico Londinensi, GREGORIUS PP. XVI. Venerabilis frater, salutem et apostolicam benedictionem.

§ 2. Per alias nostras apostolicas sub plumbo expeditas literas, nova episcopali Sede Galviense sub provincia Connaciensi in Hibernia nuper erecta, eidem ipsi auctoritate nostra apostolica dilectum filium Nicolaum Foran presbyterum Waterfordiensis dioecesis praeficimus, datis idcirco aliis nostris apostolicis in simili forma Brevis expeditis litteris die xXVII. aprilis vertentis anni. Quum autem ipse Nicolaus episcopalem dignitatem reformidans episcopatus renuntiationem nobis obtulerit, quemque ob gravissimum morbum in quem deinde incidit spes ulla supersit, fore ut ad episcopatum acceptandum possit adduci, nos rursus ad huiusmodi episcopalis ecclesiae provisionem celerem atque felicem, in qua nullus praeter nos se potuit seu potest intromittere, reservatione et decreto obsistentibus supradictis, ne illa longae vacationis exponatur incommodis, paterno ac sollicito studio intendentes, post deliberationem quam de praeficiendo eidem ecclesiae personam utilem ac fructuosam cum venn. fratribus nostris S. R. E. Cardinalibus negotiis Propagandae Fidei praepositis habuimus diligentem, renuntiationem memorati presbyteri Nicolai Foram libere factam admittentes et accipientes, ad te qui ex legitimo matrimonio procreatus et in aetate etiam legitima constitutus existis, cuius apud nos de morum integritate, doctrina, prudentia caeterisque ornamentis Episcopo dignis fide digna perhibentur testimonia, oculos mentis nostrae direximus, atque omnibus debita ratione pensatis, te a quibusvis excommunicationis, suspensionis et interdicti aliisque ecclesiasticis. censuris et poenis, quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, eamdem episcopalem ecclesiam Galviensem de persona tua nobis et memoratis Cardinalibus ob tuorum exigentiam meritorum accepta, de eorumdem fratrum consilio, auctoritate apostolica, tenore praesentium providemus, teque illi in Episcopum praeficimus et Pastorem, curam, regimen et administrationem huius ecclesiae tibi in spiritualibus et corporalibus plenarie committendo, in Illo qui dat gratias et largitur dona confisi, quod dirigente Domino actus tuos praedicta ecclesia per tuae circumspectionis industriam et studium utiliter et prospere dirigatur, gra

lur. Pont. de Prop. Fide Partis I. Vol. V.

taque in spiritualibus et temporalibus orthodoxa religio incrementa suscipiat.

gimen electum

§ 3. Iugum igitur Domini tuis imposi- Ad bonum retum humeris prompta devotione animi exhortatur. amplectens curam et administrationem praefatas ita studeas fideliter prudenterque exercere, ut ecclesia praedicta gaudeat se provido gubernatori ac fructuoso. administratori esse commissam, et tu praeter aeternae retributionis praemium nostram quoque et Sedis Apostolicae uberius exinde consequi merearis benedictionem et gratiam. Caeterum ad ea quae in tuae cedere possunt commoditatis augmentum favorabiliter respicientes, tibi ut a quocumque quem malueris Catholico Antistite Sanctae nostrae Sedis gratiam et communionem habente, accitis et ad hoc ei assistentibus duobus aliis Episcopis vel, quatenus hi commode reperiri non poterunt, duobus eorum loco presbyteris saecularibus vel cuiuscumque Ordinis, Congregationis et Instituti Regularibus praedictae huius Sedis gratiam et communionem pariter habentibus, munus consecrationis recipere libere ac licite possis et valeas, ac eidem Antistiti ut, receptis a te prius Catholicae fidei professione iuxta articulos pridem a Sede nostra propositos ac nostro ac Romanae Ecclesiae nomine fidelitatis debitae solito iuramento, praedictum munus tibi auctoritate nostra licite valeat, eadem auctoritate plenam et liberam harum serie tribuimus faculta

tem.

§ 4. Volumus tamen, eademque auctoritate praecipimus atque mandamus, ut nisi receptis a te prius per dictum Antistitem iuramento et professione fidei huiusmodi ipse Antistes Consecrationis munus tibi impendere, tuque illud recipere praesumpseritis, idem Antistes a Pontificalis officii exerctio, et tam ipse quam tu a regimine et administratione ecclesiarum vestrarum suspensi sitis eo ipso. Non obstantibus apostolicis ac in universalibus provincialibusque et synodalibus conciliis editis generalibus vel specialibus constitutionibus et ordinationibus, caeterisque contrariis quibuscumque.

Datum Romae, apud S. Mariam Maiorem sub annulo Piscatoris, die XXVIII. augusti MDCCCXXXI., pontificatus nostri anno 1.

3

Conditiones electionis.

Ratio deputationis visitatoris.

Praeceptum de parendo.

Derogatio contrariorum.

XI.

Deputat visitatorem apostolicum pro inquisitione status coenobii et collegii fratrum minorum Sancti Francisci Reformatorum in Sancto Petro in Montorio urbis.

Dilecto filio nostro lacobo Philippo S. R. E. presbytero Card. Fransoni nuncupato,

GREGORIUS PP. XVI.

Dilecte fili noster, salutem et apostolicam benedictionem.

§ 1. Volentes nos sacrae visitationis inquisitione statum coenobii et collegii fratrum minorum Sancti Francisci Reformatorum nuncupatorum in Sancto Petro in Montorio urbis perspicere, et de tua prudentia, doctrina, religione, et rerum usu plurimam in Domino fiduciam habentes, te, dilecte fili noster, in visitatorem apostolicum coenobii et collegii praedictorum cum omnibus et singulis facultatibus, iuribus, et indultis huic muneri adnexis, auctoritate apostolica tenore praesentium ad nostram et Sedis Apostolicae arbitrium eligimus et deputamus.

§ 2. Quocirca universis ac singulis dictorum coenobii et collegii superioribus, et fratribus, aliisque ad quos spectat ac quomodolibet spectabit, in virtute sanctae , obedientiae praecipimus atque mandamus, ut te visitatorem apostolicum per nos iuxta tenorem praesentium electum et constitutum omni cum reverentia excipiant, tibique pareant, faveant et assistant.

§ 3. Non obstantibus constitutionibus et sanctionibus apostolicis, nec non dictorum. coenobii et collegii etiam iuramento, confirmatione apostolica, vel quavis firmitate alia roboratis statutis et consuetudinibus, caeterisque contrariis quibuscumque.

Datum Romae apud S. Mariam Maiorem sub annulo Piscatoris, die xxx. augusti MDCCCXXXI., pontificatus nostri an. I.

XII.

Privilegia concessa sodalitati Sancti Dominici civitatis Fluminis Ianuarii in Brasiliae regno confirmat.

GREGORIUS PP. XVI.

ad perpetuam rei memoriam.

§ 1. Piorum hominum societates ad fo- Prooemium. vendum Dei obsequium, ad christianae charitatis opera exercenda provido consilio institutas, gratiis et indultis quibus possumus amplissimis libenter prosequimur, prout rerum ac temporum ratione perpensa conspicimus pro maiore Dei gloria salubriter expedire.

cum.

§ 2. Itaque, quum in urbe Fluminis Ia- Expositio prenuarii, quae Brasiliae caput, sodalitas Sancti Dominici (quemadmodum expositum est) in sua ecclesia rite fuerit erecta, eiusque sodales enixe cupiant, ut eadem ipsa tertio ordini Sancti Dominici adscribatur, atque huiusce ordinis privilegiis perfruatur, itemque facultate instruatur sanctissimum Eucharistiae sacramentum in eorum ecclesia perpetuo asservandi, ac missas Sancti Dominici, etiam si eius festum in alium diem transferatur, celebrandi: suppliciter a nobis petierunt, ut hisce in rebus apostolicam nostram opem veniamque largiri velimus.

sionis.

§ 3. Nos igitur eorum votis benigne Tenor concesannuentes, atque ad huius sancti patriarchae cultum, uti eius sacrae familiae alumni desiderant, magis magisque promovendum, oratores aliosque omnes quibus hae literae favent, a quibusvis excommunicationis et interdicti, aliisque ecclesiasticis censuris, sententiis et poenis quovis modo et quacumque de causa latis, si quas forte incurrerint, huius tantum rei gratia absolventes et absolutos fore censentes, arbitrio venerabilis fratris Episcopi S. Sebastiani et Fluminis Ianuarii committimus et mandamus, ut, si ita se res habent prout expositae, ac servatis iis quae servari opus est, auctoritate nostra apostolica sodalitas Sancti Dominici in sua ecclesia istius urbis Fluminis Ianuarii erecta ad sodalitatem tertii ordinis Sancti Dominici evehatur, eiusque indulgentiis tum plenariis tum partialibus, privilegiis, honoribus, indultis quocumque nomine nuncupandis omnino perfruatur. Concedimus deinde atque indulgemus, ut moderator spiritualis eiusdem sodalitatis presbyter saecularis esse possit, ab Episcopo confessionibus christifidelium utriusque sexus excipiendis approbatus; cui quidem presbytero erit vestes et scapularia benedicere, eaque imponere, professiones exci

pere, ipsique etiam facultas erit hisce caeterisque muneribus ex commemorati ordinis praescripto a se peragendis alium presbyterum praeficere seu deputare. Volumus vero, ut summus moderator generalis sit Episcopus istius dioecesis, ac sede episcopali vacante prima dignitas istius cathedralis ecclesiae, alterutri autem erit unum ex tribus presbyteris a priore et heteriarchis eiusdem sodalitatis adlegendis approbare, qui moderatoris spiritualis munere perfungatur. Praeterea ad maiorem ipsius sodalitatis spiritualem utilitatem praefato Episcopo Sancti Sebastiani et Fluminis Ianuarii mandamus, ut auctoritate nostra apostolica, eius pariter arbitrio, in perpetuum facultatem faciat, cuius ope in ecclesia sodalitatis Sancti Dominici, de qua agitur, dummodo pro dignitate sit ornata, nec suppellectili praesertim ad id quaesita destituatur, sanctissimum Eucharistiae sacramentum possit asservari, quod tamen sine ullo iurium parochialium praeiudicio concessum volumus. Praecipimus tamen, ut ante tabernaculum, quo divina hostia de more continetur, diu noctuque lampas alatur, utque eius tabernaculi clavis maneat penes sacristam sive aedituum, qui fida illam custodia tueatur. Demum, ut sodalibus praefatis facilius evadat festum Sancti Dominici, in cuius tutelam recepti, celebrare, de consilio sacrorum Rituum congregationis eadem auctoritate nostra impertimur, ut quotiescumque illud festum sit transferendum, missae Sancti Dominici, prout in eius die festo peragi possint, dummodo non occurrat duplex primae vel secundae classis, quantum ad missas lectas; primae classis dumtaxat, quantum ad solemnem, servatisque rubricis.

§ 4. Haec concedimus atque elargimur, non obstantibus nostra et cancellariae apostolicae regula de non concedendis indulgentiis ad instar, aliisque apostolicis ac in universalibus provincialibusque et synodalibus conciliis editis generalibus vel specialibus constitutionibus et ordinationibus, caeterisque contrariis quibuscumque.

Datum Romae apud S. Mariam Maiorem sub annulo Piscatoris die xxx. augusti MDCCCXXXI., pontificatus nostri anno 1.

XIII.

Confirmat decretum a sacra Congregatione de Propaganda Fide editum super iu

risdictione Episcopi Arathensis in partibus infidelium.

GREGORIUS PP. XVI.

ad futuram rei memoriam.

tionis.

§ 1. Summi consilii Pontifex Pius VIII. Tenor declarapraedecessor noster quum venerabilem fratrem Franciscum Patritium Kenrick Episcopum Arathensem in partibus infidelium instituit, et coadiutorem cum iure successionis venerabilis fratris Henrici Comvell istius Philadelphiensis ecclesiae Episcopi deputavit, gravissimis causis adductus, de consilio venerabilium fratrum nostrorum Sanctae Romanae Ecclesiae Cardinalium negotiis Propagandae Fidei praepositorum, confirmavit decretum iam. ante a se editum, quo idem Episcopus Comvell omni iurisdictione episcopali in illam dioecesim destitutus intelligi deberet, et praeterea eam omnem iurisdictionem ipsi Episcopo Kenrick eius coadiutori conferre statuit. Cum vero pluribus acceptis testimoniis locupletibus luculentisque constet per istam dioecesim hoc exploratum generatim non esse, tranquillitati idcirco atque ordini in eius regimine aliaque ratione prospiciendi necessitam perspeximus. Quapropter de consilio eorumdem venerabilium fratrum nostrorum Sanctae Romanae Ecclesiae Cardinalium singulis christifidelibus totius Philadelphiensis dioecesis notum manifestumque facimus commemoratum Episcopum Comvell, vi decreti ab ipso praedecessore nostro confirmati, ab omni iurisdictionis episcopalis exercitio cessasse, et nunquam ab hac Apostolica Sede in eo fuisse institutum, sed eam omnem iurisdictionem in venerabili fratre Francisco Patritio Kenrick, cui iam fuerat collata, omnino contineri.

§ 2. Interea vero dum hoc declaramus et patefacimus, auctoritate nostra utrique clero, et populo universo, dioecesis Philadelphiensis mandamus, ut Episcopum Kenrick huiusmodi potestate insignitum recipiant et admittant, eique plenam obedientiam et reverentiam exhibeant, alioquin sententiam quam rite tulerit, quamque statuerit poenam adversus inobedientes et contumaces, ratam habebimus, et faciemus auctore Domino usque ad satisfactionem condignam inviolabiliter observari.

Praeceptum de parendo.