diaboli perditus, gemina et singulari constans materia, perenni redderetur, de qua exciderat, hereditati; quatenùs hos ex diversis creaturarum speciebus liquores creatos sanctæ Trinitatis perfectione bene dicat, et benedicendo sancti ficet, concedatque, ut simul permisti unum fiant ; et quicumque exteriùs indè perunctus fuerit, ità interiùs liniatur, quòd omnibus sordibus corporalis materiæ carens, se participem regni cœlestis effici gratuletur. Per eumdem Dominum nostrum Jesum Christum Filium suum, qui cum eo vivit et regnat in unitate ejusdem Spiritus sancti Deus, per omnia sæcula sæculorum. R. Amen. Quo facto, sedet Pontifex, retenta mitra, et halat planè tertiò, in modum Crucis, super os ampullæ Chrismalis involutæ ante se super mensam stantis. Deindè duodecim Sacerdotes parati, qui juxta eum sunt, ordinatim facientes reverentiam Sacramento in altari posito, et Pontifici, ad mensam prædictam accedunt, et stantes ante eam singuli successivè eodem modo, ùt Pontifex fecerat, in modum Crucis super os ampullæ prædictæ halant. Tum reverentiam, ùt suprà, facientes, ad loca sua revertuntur. Quo facto, surgit Pontifex, et stans, cum mitra, legendo dicit exorcismum Chrismalem, absolutè dicens. E BENEDICTIO CHRISMATIS. XORCIZO te, creatura olei, per Deum Patrem omnipotentem, qui fecit cœlum et terram, mare, et omnia quæ in eis sunt, ut omnis virtus adversarii, omnis exercitus diaboli, omnisque incursio, et omne phantasma satanæ eradicetur, et effugetur à te; ut fias omnibus qui ex te ungendi sunt, in adoptionem filiorum, per Spiritum sanctum. In nomine Dei Patris omnipotentis, et Jesu Christi Filii ejus Domini nostri, qui cum eo vivit et regnal Deus, in unitate ejusdem Spiritus sancti. Deinde, deposita mitra, extensis manibus ante pectus, dicit Præfationem. PER omni-a sæcula sæcu-lorum. R. Amen. Dominus vo-biscum. . Et cum spi-ri-tu tu-o.. Sursùm corda. R. Habemus ad Dominum. Gra-ti-as a-gamus Domino + De-o nostro. . Dignum et justum est. + Verè dignum et justum est, æquum et sa luta-re, nos ti-bi semper, et u-bique gra tias agere, Domine sancte, Pater omnipo + tens æterne Deus. Qui in principi-o inter cetera boni-tatis tuæ munera, terram pro ducere fructi-fera ligna jussisti, inter quæ hujus pinguissimi liquoris ministræ |