Abbildungen der Seite
PDF
EPUB

Filium ejus unicum, Dominum nostrum, natum et passum ? Electus resp. Credo.

Pontifex interrogat: Credis et in Spiritum sanctum, sanctam Ecclesiam Catholicam, Sanctorum communionem, remissionem peccatorum, carnis resurrectionem, et vitam æternam ?

Electus resp. Credo.

Pontifex iterùm interrogat : Quid petis ?
Electus resp. Baptismum.

Pontifex interr. Vis baptizari?
Electus resp. Volo.

Tunc, si Baptismus fieri debeat per immersionem (prout in sancta Metropolitana Ecclesia Beneventana, ac fermè in omnibus CXLII. Parochialibus ejusdem, ex Decreto I. Concilii Provincialis Beneventani de anno MDCXCIII. sub Archiepiscopo Cardinali Ursino; cùm in earumdem Baptisteriis unicum vas cum aqua baptismali consurgat, Pontifex stans cum mitra, accipit Electum per brachia, prope humeros; et superiori parte corporis nudatum, reliqua honestè contectum, ter illum, vel caput ejus mergendo, et toties elevando, baptizet sub trina immersione, Sanctam Trinitatem semel tantùm invocando, distinctè, et attente dicens :

N. Ego te baptizo in nomine Patris, mergat semel, et Filii, mergat iterùm, et Spiritus sancti, mergat tertiò.

Patrino vel Matrina, vel utroque cum tenente, vel tangente.

Et cùm Electus surrexit de fonte, Patrinus, vel Matrina cum linteo in manibus, suscipit eum de manu Pontificis, ac tergit.

Cùm plures sunt Electi, singillatim, ut suprà.

singuli interrogantur, et baptizantur. Si sunt mares et fœminæ, primùm mares, deindè fœminæ.

Si verò Baptismus fiat per infusionem, (ut in Ecclesiis in quibus, ultra vas cum aqua Baptismali, habetur aliud, in quo aqua ex Baptizati capite defluit) tunc Patrinus, vel Matrina, vel uterque, si admittantur, admota manu, tenent, seu tangunt Electum, vel Electam, ante Pontificem, laxatis à collo vestibus, apertum caput flexis genibus inclinantem.

Pontifex autem, sedens cum mitra, haustà, aliquo vasculo, vel urceolo, aquà Baptismali de fonte, cum ea, sub trina supra caput, in modum Crucis, infusione, baptizet Électum, seu Electam, in nomine sanctæ Trinitatis, dicens: N. Ego te baptizo in nomine Patris, fundat primò, et Filii, fundat secundò, et Spiritus sancti,

fundat tertiò.

Si aqua, quæ ex capite Baptizati defluit, minimè in Sacrarium Baptisterii dilabatur: tunc ipsa recipiatur in subjecta aliqua pelvi per unum ex Capellanis Pontificis sustentata, ac postmodùm in Sacrarium prædictum projiciatur.

Verùm, si probabiliter dubitetur, an Electus fuerit baptizatus, Pontifex dicat et baptizet, ùt suprà :

N. Si non es baptizatus, Ego te baptizo in nomine Patris, et Filii, et Spiritus sancti.

Pontifex deinde, sedens cum mitra, intingat pollicem dexterum in sacrum Chrisma, et perungat verticem Electi (Singulorum si plures.) in modum Crucis, dicens:

De Christi, qui te regeneravit ex aqua, et Spi

EUS Omnipotens, Pater Domini nostri Jesu

ritu sancto, quique dedit tibi remissionem omnium

peccatorum, ipse te liniat Chrismate salutis in eodem Christo Jesu Domino nostro, in vitam æternam.. Amen.

Pax tecum. . Et cum spiritu tuo.

Tunc bombacio, vel re simili, Pontifex pollicem tergit, et imponit capiti Electi Chrismale seu candidum linteolum ; et dat illi vestem candidam, dicens: (Singulis, si plures.)

CCIPE Vestem candidam, quam , quam immaculatam A perferas ante tribunal Domini nostri Jesu

Christi, ut habeas vitam æternam. R. Amen.

Electus prædicto linteo abstergitur, et in loco remoto deponit priores vestes, et induitur novis albi coloris, vel saltem exteriore candida, quam à Pontifice accepit, et redit ante Pontificem. Pontifex autem, sedens, ùt suprà, cum mitra, dat illi cereum seu candelam accensam in manu dextera, dicens :

Α'

[ocr errors]

CCIPE lampadem ardentem, et irreprehensibilis custodi Baptismum tuum serva Dei mandata, ut, cùm Dominus venerit ad nuptias, possis occurrere ei in aula cœlesti, in vitam æternam. . Amen.

Ipse verò Neophytus cereum accensum in manibus teneat usque in finem, præterquam dum confirmatur.

Postremò Pontifex, adhuc sedens cum mitrà, dicit:

R.

N. Vade in pace, et Dominus sit tecum. . Amen. Tandem Pontifex, sedens ùt suprà, hortatur Neophytum ad baptismalem gratiam custodiendam: atque admonet susceptores de spirituali cognatione, quam contraxerunt cum Baptizato, Baptizatique patre, et matre: quæ cognatio impedit matrimonium contrahendum, ac dirimit contractum.

Completo Baptismate, Pontifex adhuc sedens cum mitra, lavat manus, more solito; et inde ordine processionali revertitur in Secretarium, vel accedit ad altare.

Ibidem à Pontifice Neophyti Confirmationis Sacramento initiantur, ut in Pontificali: et successivè in Missa, vel per ipsum Pontificem, vel per alium celebrata, cui ipsi intersint, Sanctissimam Communionem devotè suscipiant.

Pontifex demùm deponit sacras vestes, et gratiis Deo peractis, recedit in pace.

DE SACRAMENTO MATRIMONII

CONTRARENDO CORAM ALIQUO S. R. E. CARDINALI, ANTISTITE, SIVE PRELATO USUM PONTIFICALIUM

HABENTE.

RITUS.

DE PREPARANDIS PRO HAC SACRA FUNCTIONE.

A

LTARE decentiori pallio coloris albi, tobaleisque mundis ornatum : tapete super gradus extentum, et pulvinar ad genuflectendum : faldistorium. Quatuor saltem candelabra cum cereis albis, et Crux in medio illorum, super ipsum altare.

Paretur etiam abacus sive credentia, super qua erunt vas aquæ benedictæ cum aspersorio; pelvicula pro deponendo annulo fidei conjugalis, dum benedicitur: palmatoria vulgò bugia cum candela; Liber cum hoc Ritu, sive alter, Ritualis Romani; et si benedicuntur nuptiæ, parentur

quoque omnia ad Missam necessaria cum hostiis pro communione Sponsi, et Sponsæ; velum ante ipsos communionis tempore extendendum: vas cum vino, et mappula pro illorum purificatione : instrumentum ad osculum pacis cum velo coloris ceteris paramentis missalibus uniformis, ad ipsius manubrium appenso.

Super altari in medio : Pluviale cum stola coloris albi, Crux pectoralis, cingulum, alba, amictus, et, si fuerit Regularis, etiam superpelliceum et omnia oblongo ejusdem coloris velo cooperiuntur: mitra auriphrygiata, et velum pro ministro de ea inserviente et baculus Pastoralis, si eo utatur.

Paretur etiam, si Antistes fuerit in Ecclesia propria, vel Episcopus Cardinalis, super pelvim formalium, quod et pectorale vocatur.

Adsint ad minus quatuor Capellani superpelliceis induti, et duo testes; quorum nomina excipientur in scriptis.

Scribentur etiam in pagella nomina cùm Sponsi, tum Sponsæ, quam accedentem ad contrahendumi Matrimonium cohonestari decet præsentia parentum vel propinquorum.

genu

His omnibus ordinatis, venit Cardinalis vel Prælatus ad capellam; in liminari portæ accepto aspersorio aquæ benedictæ se signat, Sponsum et Sponsam circumstantesque omnes in gyrum aspergit. Mox accedit ad altare, aliquantulum orat flexus; et si erit Missam celebraturus, legit quoque Psalmos Quàm dilecta, etc. ad præparationem; vel si magis placet, accedit, vel ad Sedem si fuerit in Ecclesia propria, vel ad faldistorium, in cornu Epistolæ altaris, ubi sedens ipsos Psalmos recitat cum suis Capellanis.

Post orationes induitur amictu supra rochetum,

« ZurückWeiter »