vel supra cottam si fuerit Regularis; alba, cingulo, Cruce pectorali, stola, et pluviali coloris albi, deindè accipit formale, si eo utatur, mitram et baculum Pastoralem; ascendit ad altare, quod in medio, mitra minimè deposita, osculatur. Tum relicto baculo sedet super faldistorio, ante medium altaris allato, renibus ipsi altari conversis. Vocantur Sponsus, et Sponsa, qui debito venerationis actu accedentes coram Cardinali, vel Prælato genuflectunt; muliere ad sinistram viri stante. Pontifex adhuc cum mitra sedens, eos singillatim interrogat coram tribus, vel duobus testibus de consensu in matrimonium; proprio quemque nomine vocans, et patrio sermone alloquens primò virum, mox mulierem in hunc modum : N. volete ricevere N. qui presente per vostra legittima moglie secondo il Rito della Santa Madre Chiesa ? Id est: N. vis accipere N. hic præsentem in tuam legitimam uxorem juxta Ritum sanctæ Matris Ecclesiæ ? Respondeat Sponsus: Volo. Recepto viri consensu per verbum volo, vel aliud sensibile signum, mulierem interrogat: N. volete ricevere N. qui presente per vostro legittimo marito secondo il Rito della Santa Madre Chiesa ? Hoc est: N. vis accipere N. hic præsentem in tuum legitimum maritum juxta Ritum sanctæ Matris Ecclesiæ ? Recepto mulieris consensu quæ similiter respondere debet: Volo. Nec sufficit consensus unius, sed debet esse amborum, et expressus aliquo signo sensibili sive fiat per se, sive per procuratorem. Mutuo igitur contrahentium consensu intellecto, Antistes jubet eos invicem jungere dexteras et legens ex libro subdit: Ego conjungo vos in matrimonium. In nomine sancti. Vel juxta receptum uniuscujusque provincia Ritum, poterit uti aliis verbis. Posteà Antistes surgit cum mitra, et adhuc stans spargit supra Conjuges aquam benedictam in modum crucis, nihil dicens: mox deposità mitrâ, et ad altare conversus, annulum super pelvicula sibi oblatum benedicit : BENEDICTIO ANNULI. Adjutorium nostrum in nomine Domini. . Qui fecit cœlum, et terram. Domine exaudi orationem meam. . Et clamor meus ad te veniat. Dominus vobiscum. . Et cum spiritu tuo. ENEDIC, remus. В' Domine, annulum hunc, quem nos in tuo nomine bene dicimus, ut quæ eum gestaverit, fidelitatem integram suo Sponso tenens, in pace et voluntate tua permaneat, atque in mutua charitate semper vivat. Per Christum Dominum nostrum. . Amen. Deindè Pontifex aspergat annulum aqua benedicta in modum crucis: posteà iterùm sedeat acceptâ mitrâ et tradat annulum benedictum Sponso, qui statim illum ponit in digito annulari sinistra manus Sponse, Antistite dicente: In nomine Patris, et Filii, et Spiritus sancti. Amen. Tum cantatur, vel legitur sequens Antiphona. Antistite adhuc cum mitra sedente. Antiphona. 8 Toni. Confirma hoc, Deus, quod operatus es in nobis à templo sancto tuo, quod est in Jerusalem. . Gloria Patri et Filio, et Spiritui sancto. R. Sicut erat in principio, et nunc, et semper, et in sæcula sæculorum. Amen. Et repetitur vel legitur Antiph. Confirma hoc, Deus, quod operatus es in nobis à templo sancto tuo, quod est in Jerusalem. Qua repetitâ, Antistes depositâ mitrâ surgit, et stans versus ad Sponsum et Sponsam, dicit super eos, manibus junctis: Kyrie eleison. Christe eleïson. Kyrie eleïson. Posteà Pontifex dicit, adhuc junctis manibus: ✓. Et ne nos inducas in tentationem. . Sed libera nos à malo. Salvos fac servos tuos. . Deus meus sperantes in te. . Mitte eis, Domine, auxilium de sancto. Et de Sion tuere eos. Esto eis, Domine, turris fortitudinis. R. A facie inimici. Y. Domine, exaudi orationem meam. . Et clamor meus ad te veniat. . Dominus vobiscum. R Et cum spiritu tuo. Oremus. ESPICE, quæsumus Domine, super hos famulos tuos, et institutis tuis, quibus propagationem humani generis ordinasti, benignus assiste; ut qui te auctore junguntur, te auxiliante serventur. Per Christum Dominum nostrum. . Amen. His expletis, si benedicendæ sint nuptiæ, aliquantulum recedentibus in partem Conjugibus, Antistes descendit, et parat se ad Missam, ut infrà dicetur sin minùs, absoluta supradicta Oratione, iterùm sedet, accipit mitram, et sermonibus gravibus alloquitur Sponsum, et Sponsam adhuc coram se genuflexos, admonendo eos, ut sibi invicem fidem servent: Orationis tempore, et præsertim jejuniorum ac solemnitatum, casti permaneant et vir uxorem, atque uxor virum diligat, et in timore Dei maneant. Posteà accepto aspersorio surgit, et super eos iterùm fundit aquam benedictam S DE BENEDICTIONE NUPTIARUM. 1 contracto jam Matrimonio, Antistes celebraturus sit Missam, ut nuptias benedicat, quæ numquam benedicuntur, si mulier sit vidua; post orationem supradictam, si celebrationi Matrimonii ipse adstitit, descendit in plano capellæ, et si magis placet, accedit ad faldistorium ex latere Epistolæ locandum, ubi depositis mitra, pluviali, et stola, lavat manus et sumit paramenta missalia coloris tempori congruentis, Si fuerit dies Dominica, vel festum de præcepto, aut occurrat Officium primæ vel secundæ classis, Missa erit de Dominica, vel festo cum commemoratione pro Sponso, et Sponsa in aliis verò diebus, etiamsi rit. dup. maj. vel min. Missa erit pro Sponso, et Sponsa ex votivis in fine Missalis. Pontifex, postquam fuerit indutus, redit ad altare, et depositâ mitrâ facit Confessionem, et successivė legit totam Missam usque ad Pater noster inclusive; quo absoluto, antequam dicat: Libera nos quæsumus Domine, facta sanctissimo Sacramento genuflexione, convertit se versùs Sponsum, et Sponsam, ante altare genuflexos, et stans in cornu Epistolæ dicit super eos sequentes Orationes, manibus junctis. Oremus. ROPITIARE, Domine, supplicationibus nostris, et institutis tuis, quibus propagationem humani generis ordinasti, benignus assiste: ut quod te auctore jungitur, te auxiliante servetur. Per Dominum nostrum Jesum Christum Filium tuum qui tecum vivit et regnat in unitate Spiritus sancti Deus; per omnia sæcula sæculorum. . Amen. Oremus. EUS, qui potestate virtutis tuæ de nihilo cuncta fecisti: qui, dispositis universitatis exordiis, homini, ad imaginem Dei facto, ideò inseparabile mulieris adjutorium condidisti, ut fœmineo corpori de virili dares carne principium, docens quod ex uno placuisset institui, numquam licere disjungi. Deus, qui tam excellenti mysterio conjugalem copulam consecrasti, ut Christi et Ecclesiæ Sacramentum præsignares in fœdere nuptiarum Deus, per quem mulier jungitur viro, et societas principaliter ordinata, ea benedictione donatur, quæ sola nec per originalis peccati pœnam nec per diluvii est ablata sententiam: respice propitius super hanc famulam tuam, quæ maritali jungenda consortio, tua se expetit protectione muniri sit in ea jugum dilectionis et pacis fidelis et casta nubat in Christo, imita : TOM. III. : 23 |