Canto, quæ solitus, si quando armenta vocabat,
Amphion Dircæus in Actæo Aracyntho.
Nec sum adeo informis: nuper me in litore vidi, 25 Cum placidum ventis staret mare; non ego Daphnin,
Judice te, metuam, si nunquam fallat imago.
O! tantum libeat mecum tibi sordida rura
Atque humiles habitare casas, et figere cervos,
Hædorumque gregem viridi compellere hibisco! 30
Mecum unâ in silvis imitabere Pana canendo.
Pan primus calamos cerâ conjungere plures
Instituit; Pan curat oves, oviumque magistros.
Nec te pœniteat calamo trivisse labellum:
Hæc eadem ut sciret, quid non faciebat Amyntas?
Est mihi disparibus septem compacta cicutis
Fistula, Damotas dono mihi quam dedit olim,
Et dixit moriens: Te nunc habet ista secundum :
Dixit Damætas; invidit stultus Amyntas.
Præterea duo, nec tutâ mihi valle reperti,
Capreoli, sparsis etiam nunc pellibus albo,
Bina die siccant ovis ubera; quos tibi servo.
Jam pridem a me illos abducere Thestylis orat;
Et faciet; quoniam sordent tibi munera nostra.
Huc ades, o formose puer ! tibi lilia plenis
Ecce ferunt Nymphæ calathis: tibi candida Naïs,
Pallentes violas et summa papavera carpens,
Narcissum et florem jungit bene olentis anethi;
Tum, casiâ atque aliis intexens suavibus herbis,
Mollia luteolâ pingit vaccinia calthâ.
Ipse ego cana legam tenerâ lanugine mala,
Castaneasque nuces, mea quas Amaryllis amabat.
Addam cerea pruna; honos erit huic quoque pomo;
Et vos, o lauri, carpam, et te, proxima myrte;
Sic positæ quoniam suaves miscetis odores.
Rusticus es, Corydon; nec munera curat Alexis;
Nec, si muneribus certes, concedat Iollas.
Heu! heu! quid volui misero mihi? floribus Au-
Perditus, et liquidis immisi fontibus apros.
Quem fugis, ah demens? habitârunt Dî quoque sil-
Dardaniusque Paris. Pallas, quas condidit arces,
Ipsa colat: nobis placeant ante omnia silvæ.
Torva leæna lupum sequitur; lupus ipse capellam:
Florentem cytisum sequitur lasciva capella;
Te Corydon, o Alexi ! trahit sua quemque voluptas.
Adspice, aratra jugo referunt suspensa juvenci, 66
Et sol crescentes decedens duplicat umbras:
Me tamen urit amor; quis enim modus adsit amori?
Ah Corydon! Corydon! quæ te dementia cepit ?
Semiputata tibi frondosâ vitis in ulmo est. 70
Quin tu aliquid saltem potius, quorum indiget usus,
Viminibus mollique paras detexere junco ?
Invenies alium, si te hic fastidit, Alexin.
Drc mihi, Damota, cujum pecus? an Melibœi?
Non; verum Ægonis: nuper mihi tradidit Ægon.
Infelix o semper, oves, pecus! ipse Neæram
Dum fovet, ac, ne me sibi præferat illa, veretur,
Hic alienus oves custos bis mulget in horâ :
Et succus pecori, et lac subducitur agnis.
Parcius ista viris tamen objicienda memento.
Novimus, et qui te, transversa tuentibus hircis,...... Et quo (sed faciles Nymphæ risêre) sacello.
Tum (credo), cum me arbustum vidêre Miconis 10 Atque malâ vites incidere falce novellas.
Aut hîc ad veteres fagos, cum Daphnidis arcum
Fregisti et calamos: quæ tu, perverse Menalca,
Et, cum vidisti puero donata, dolebas;
Et, si non aliquâ nocuisses, mortuus esses.
Quid domini faciant, audent cum talia fures?
Non ego te vidi Damonis, pessime, caprum
Excipere insidiis, multum latrante Lyciscâ?
Et, cum clamarem, "Quo nunc se proripit ille?
Tityre, coge pecus;" tu post carecta latebas..
An mihi, cantando victus, non redderet ille,
Quem mea carminibus meruisset fistula caprum?
Si nescis, meus ille caper fuit ; et mihi Damon
Ipse fatebatur; sed reddere posse negabat.
Cantando tu illum? aut unquam tibi fistula cerâ 25 Juncta fuit? non tu in triviis, indocte, solebas Stridenti miserum stipulâ disperdere carmen ?
Vis ergo, inter nos, quid possit uterque, vicissim Experiamur? ego hanc vitulam (ne forte recuses, Bis venit ad mulctram, binos alit ubere fetus) Depono tu dic, mecum quo pignore certes.
De grege non ausim quidquam deponere tecum: 32
Est mihi namque domi pater, est injusta noverca;
Bisque die numerant ambo pecus, alter et hædos.
Verum, id quod multo tute ipse fatebere majus, 35
(Insanire libet quoniam tibi) pocula ponam
Fagina, cælatum divini opus Alcimedontis:
Lenta quibus torno facili superaddita vitis
Diffusos hederâ vestit pallente corymbos.
In medio duo signa: Conon, et, quis fuit alter, 40
Descripsit radio totum qui gentibus orbem ;
Tempora quæ messor, quæ curvus arator haberet?
Necdum illis labra admovi, sed condita servo.
Et nobis idem Alcimedon duo pocula fecit,
Et molli circum est ansas amplexus acantho;
Orpheaque in medio posuit, silvasque sequentes.
Necdum illis labra admovi, sed condita servo.
Si ad vitulam spectas, nihil est quod pocula laudes
Nunquam hodie effugies; veniam, quocumque vo
Audiat hæc tantum, vel, qui venit, ecce, Palæmon. Efficiam, posthac ne quemquam voce lacessas.
Quin age, siquid habes; in me mora non erit ulla; Nec quemquam fugio: tantum, vicine Palæmon, Sensibus hæc imis (res est non parva) reponas. 54
Dicite: quandoquidem in molli consedimus herbâ ; Et nunc omnis ager, nunc omnis parturit arbos, Nunc frondent silvæ, nunc formosissimus annus.
Incipe, Damota; tu deinde sequêre, Menalca.
Alternis dicetis; amant alterna Camœnæ.
Ab Jove principium, Musæ: Jovis omnia plena. 60 Ille colit terras; illi mea carmina curæ.
Et me Phoebus amat: Phœbo sua semper apud me Munera sunt, lauri, et suave rubens hyacinthus.
Malo me Galatea petit, lasciva puella;
Et fugit ad salices, et se cupit ante videri.
At mihi sese offert ultro, meus ignis, Amyntas;
Notior ut jam sit canibus non Delia nostris.
Parta meæ Veneri sunt munera: namque notavi Ipse locum, aëriæ quo congessére palumbes.
Quod potui, puero silvestri ex arbore lecta
Aurea mala decem misi; cras altera mittam.
O! quoties, et quæ nobis Galatea locuta est! Partem aliquam, venti, Divùm referatis ad aures.
Quid prodest, quod me ipse animo non spernis,
Si, dum tu sectaris apros, ego retia servo ?
|