tenens schedulam scriptam, et suo pendenti sigillo sigillatam, debitæ fidelitatis juramentum Pontifici, Ordinario suo, præstat in hunc modum:

Go N. Monastérii N. ordinándus Abbas, promítto co

Deo, et Sanctis ejus, et

gregatióne, fidelitátem, dignámque subjectiónem, obediéntiam, et reveréntiam matri meæ Ecclésiæ N. nominando Ecclesiam, cujus jurisdictioni ordinaria subjectus existit: tibíque N. Dómino meo, ejúsdem Ecclésia Patriarchæ, vel Archiepiscopo, aut Epíscopo, et successóribus tuis, secúndum sacrórum Cánonum institúta, et prout præcipit inviolabilis auctoritas Pontíficum Romanórum.

Deinde librum Evangeliorum, quem Pontifex super genua sua tenet apertum, inferiori parte ejusdem libri Electo versa, quem ipse Electus ambabus manibus supra scripturam positis, tangens, dicit:

Sic me Deus ádjuvet, et hæc sancta Dei Evangélia.

Tum schedulam ipsam Pontifici tradit: qui illa recepta, et mitra deposita, surgit, et facit Confessionem, et proceditur in omnibus et per omnia, prout supra ordinatum est, pag. 98.

DE BENEDICTIONE

ABBATISSE.

Lecta in Abbatissam, et confirmata, benedici debet in

Edie Dominico, vel aliis quibus consecrantur Virgines,

si non est prius consecrata et velata; alioquin fieri potest qualibet die, hoc modo. Pontifex paratus omnibus pontificalibus ornamentis, apud altare majus paratum, cum sua credentia, et rebus consuetis, procedit in Missam usque ad Allelúja, si dicitur, sive ultimum versum Tractus, vel Sequentiæ, exclusive. Interim Electa in veste sua audiat Missam in choro, quæ dici debet de die, cum Collecta pro Electa, sub uno, Per Dóminum, ut infra, per Pontificem celebrantem.

DA

Oratio.

A, quæsumus, Dómine, huic fámulæ tuæ, quam virginitátis honóre dignátus es decoráre, inchoáti óperis consummátum efféctum: et ut perféctam tibi ófferat plenitúdinem, inítia sua perdúcere mereátur ad finem. Per Dóminum nostrum Jesum Christum Fílium tuum: Qui tecum vivit, et regnat in unitáte Spíritus sancti Deus per ómnia sæcula sæculórum. R. Amen.

Dieto Graduali, seu Tractu, vel Sequentia, usque ad ultimum versum exclusive, Pontifex accedit ad faldistorium ante medium altaris, et ibi sedet cum mitra. Electa vero e Monasterio egressa, associata a duabus Matronis senioribus, ac velo ante faciem demisso, Pontifici præsentata, coram eo genuflexa, in manibus habens schedulam scriptam, et suo pendenti sigillo sigillatam, debitæ fidelitatis juramentum præstat Pontifici, suo Ordinario, in hune modum.

Go N. Monastérii N. ordinánda Abbatíssa, promitto

coram Deo, et Sanctis ejus, et hac solémni sorórum congregatióne, fidelitátem, dignámque subjectiónem, obediéntiam et reverentiam matri meæ Ecclésiæ N. nominando Ecclesiam, cujus jurisdictioni ordinaria subjecta existit: tibique N. Dómino meo ejúsdem Ecclésiæ Patriarchæ, vel Archiepiscopo, aut Episcopo, et successóribus tuis, secúndum sacrórum Cánonum institúta, ut prout præcipit inviolabilis auctoritas Pontíficum Romanórum.

Si vero fuerit exempta, ita præstabit juramentum. Go N Monastérii N. Ordinis Sancti N. diœcesis A. ab hac hora in ántea fidélis et obédiens ero beáto Petro Apóstolo, sanctæque Románæ Ecclésiæ, et Dómino nostro, Dómino N. suísque successóribus canónice intrantibus, et tibi, vel pro témpore existénti meæ religiónis Superióri, secúndum Régulam Sancti Patris nostri N., et prædicti Ordinis Constitutiónes.

Demide librum Evangeliorum, quem Pontifex super genua sua tenet apertum, inferiori parte ejusdem libri Electa

versa, quem ipsa Electa, ambabus manibus supra scripturam positis, tangit, dicens:

Sic me Deus ádjuvet, et hæc sancta Dei Evangélia.

Tum schedulam ipsam Pontifici tradit, qui surgit cum mitra, et super faldistorium procumbit. Electa vero prosternit se super tapete ad ejus sinistram; et chorus dicat Litanias, prout supra, pag. 31. in quibus cum dictum fuerit: Ut ómnibus Fidélibus, etc.

R. Te rogámus audi nos.

Pontifex surgit cum mitra, et baculum pastoralem in sinistra tenens, versus ad Electam, dicit:

U1

t hanc præsentem Eléctam benedícere dignéris. R. Te rogámus audi nos.

Deinde dicit:

Ut hanc præsentem Eléctam benedícere, et sancti ficáre dignéris.

R. Te rogámus audi nos.

Tum iterum procumbit, et perficiuntur Litaniæ; quibus finitis, surgit Pontifex, Electa adhuc prostrata manente; et stans versus ad illam, deposita mitra, dicit:

Pater noster, etc.

. Et ne nos indúcas in tentatiónem.

R. Sed libera nos a malo.

Salvam fac ancillam tuam, Dómine.
R. Deus meus, sperántem in te.

ỳ. Mitte ei, Dómine, auxílium de sancto.
Et de Sion tuére eam.

Hæc accipiet benedictiónem a Dómino.
R. Et misericórdiam a Deo salutári suo.
Memor esto congregatiónis tuæ.

R. Quam possedísti ab inítio.

V. Dóminus custódiat intróitum tuum, et éxitum tuum. R. Ex hoc nunc, et usque in sæculum.

y.

Dóminus custódiat te ab omni malo.

R). Custódiat ánimam tuam Dóminus.

. Dómine, Deus virtútum, convérte nos.

R. Et osténde fáciem tuam, et salvi érimus.

V. Dómine, exáudi oratiónem meam.

R. Et clamor meus ad te véniat.

ỳ. Dóminus vobiscum.

R. Et cum spíritu tuo.

Orémus.

Oncéde, quæsumus, omnipotens Deus, afféctui nostro

Ctuae miserationis effectum, et hanc famulam tuam,

tuæ miseratiónis efféctum : et hanc fámulam tuam, quam ad régimen animárum elígimus, grátiæ tuæ dono proséquere: ut, te largiénte, cum ipsa tibi nostra electióne placeámus. Per Christum Dóminum nostrum. R. Amen. Orémus.

Unctórum bonórum institútor, Deus, qui per Moysen fámulum tuum ad gubernándas Ecclésias præpósitos instituísti, tibi súpplices fúndimus preces, teque devótis méntibus exorámus; ut hanc fámulam tuam, quam commúnis eléctio famulárum tuárum Abbatíssam óvium tuárum esse constítuit, protectiónis tuæ grátia muníre dignéris; sicque régere subditas commendatásque oves concédas, ut cum illis ómnibus regna cœlórum adipiscátur, quatenus, Dómino opitulánte, Apostólicis júgiter fulta doctrínis, centésimo cum fructu læta intróeat portas paradísi ; atque a te, Dómine, collaudánte audíre mereátur: Euge serve bone et fidélis, quia in pauca fuísti fidélis, supra multa te constítuam, intra in gaudium Dómini tui: Quod ipse præstáre dignéris, qui vivis et regnas Deus:

His dictis, Electa surgit. et ante Pontificem genufleclit, qui prosequitur, manus ante pectus extensas tenens, dicens:

. Per ómnia sæcula sæculórum.

R. Amen.

ỳ. Dóminus vobiscum.

R. Et cum spíritu tuo.

Sursum corda.

R. Habémus ad Dóminum.

Grátias agamus Dómino Deo nostro.

K. Dignum et justum est.

Vere dignum et justum est, æquum et salutáre, nos tibi semper, et ubíque grátias ágere, Dómine sancte, Pater omnipotens, ætérne Deus, affluéntem spíritum tuæ bene dictiónis super hanc fámulam tuam, nobis orántibus, propítius infúnde.

Pontifex imponit ambas manus extensas, digitis tamen non disjunctis, super caput Electæ, et eas sic tenet prosequendo:

Ut quæ per nostræ manus impositiónem hódie Abbatíssa constituitur, sanctificatióne tua digna, a te elécta permáneat, et numquam póstmodum a tua grátia separétur indígna.

Pontifex amovet manus de capite Electæ, prosequens, ante pectus eas extensas tenens:

Suscipiat, te, Dómine, largiénte, hódie in bono ópere perseverantiam, in advérsis constántiam, in tribulationibus tolerántiam, in jejuniis desidérium, in impietatibus misericórdiam, in humilitáte principátum, in supérbia ódium, in fide dilectiónem, in doctrína pervigilántiam, in castitate continentiam, in luxúria abstinéntiam, in varietátibus moderatiónem, in móribus doctrínam: te auxiliánte, Dómine, talis in hoc ministério persevéret, qualis Levíta eléctus ab Apóstolis sanctus Stéphanus méruit perduráre: totam ab hac die mundánam conversatiónem despíciat: tua, Dómine, benedictióne largiénte, contémnat præséntia, díligat cœléstia, desíderet sempitérna: sit exémplum et forma justítiæ, ad gubernándam, regendámque Ecclésiam tuam fidéliter, ut speculátrix idónea inter suas collégas semper efficiátur sit magni consílii, indústria censúræ, et efficácia disciplínæ, ita, te, Dómine, tribuénte, in ómnibus mandátis tuis sine reprehensióne tibi mundo corde sérviens, ut ad bravíum supérnæ vocatiónis, multiplicáto fœnore, cum centésimo fructu, coronáque justitiæ, ad cœlestium thesaurórum dona tua pervéniat.