Quo facto, ambæ simul genuflexæ, decantant Antiphonam, ton. 7.

I psi sum desponsáta, cui Angeli sérviunt, cujus pulchritúdinem sol et luna mirántur.

Qua cantata, reducuntur a Matronis prædictis ad loca sua, et aliæ duæ, quæ illas sequuntur in ordine, præsen-tantur Pontifici, coram quo genuflectunt, cantant, et desponsantur, modo præmisso: omnibus ergo sic seriatim desponsatis, et ad loca sua reductis, omnes genuflexæ simul levant in altum, et ostendunt dexteras manus, cantantes hane Antiphonam, ton. 7.

Annulo suo subharrávit me Dóminus meus Jesus Christus, et tamquam sponsam decorávit me coróna.

Deinde Pontifex cum mitra surgit, et stans versus ad illas, dicit:

B

Ene dícat vos cónditor cœli et terræ, Deus Pater omnipotens, qui vos elígere dignátus est ad beatæ Maríæ matris Dómini nostri Jesu Christi consórtium; ut íntegram et immaculátam virginitátem, quam proféssæ estis, coram Deo, et Angelis ejus conservétis, propósitum teneátis, castitátem diligátis, patiéntiam custodíátis, ut corónam virginitátis accipere mereámini. Per eúmdem Christum Dóminum nostrum. R. Amen.

Post hæc Pontifex cum mitra stans, iterum vocat illas in cantu, inchoans, schola prosequente, hanc Antiphonam, ton. 7.

Veni, sponsa Christi, áccipe corónam, quam tibi Dóminus præparávit in ætérnum.

Incepta Antiphona, sedet Pontifex cum mitra; et ea finita præsentantur ei a paranymphis duæ primæ Virgines, ut prius, coram eo genuflexa. Ipse autem torquem sive coronam accipiens, imponit capiti cujuslibet Virginis, seriatim singulis dicens:

A

Ccipe corónam virginális excelléntiæ; ut sicut per manus nostras coronáris in terris, ita a Christo glória et honóre coronári mereáris in cœlis. Per eúmdem Christum Dóminum nostrum. R. Amen.

Et mox ambæ simul decantant hane Antiphonam ton. 7. Induit me Dóminus cyclade áuro texia, et imménsis monílibus ornávit me.

Qua cantata, reducuntur a Matronis prædictis ad loca sua, et aliæ præsentantur, quæ simili modo genuflectunt, cantant, et coronantur. Omnibus coronatis, et ad loca sua reductis, et stantibus, Pontifex, deposita mitra, surgit, et stans versus ad illas, dicit:

*. Dóminus vobiscum.

R. Et cum spíritu tuo.

Orémus.

DA, quæsumus, omnipotens Deus, ut hæ fámulæ tuæ,

quæ pro spe retributiónis ætérnæ tibi Dómino desíderant consecrári, plena fide, animóque in sancto propósito permáneant. Tríbue eis, Dómine, humilitátem, castitátem, obedientiam, charitátem, et ómnium bonórum óperum quantitátem, ut ad méritum ætérnæ glóriæ possint perveníre. Per Christum Dóminum nostrum. R. Amen.

Deinde omnibus simul genua flectentibus, Pontifex stans, ut prius, sine mitra, dicit hane Orationem: O rémus.

E invocámus, Dómine sancte, Pater omnipotens, ætér

The super has tuas, quae vovertunt

pura mente, mundóque corde servíre; ut eas sociáre dignéris inter illos centum quadraginta quátuor millia, qui virgines permansérunt, et se cum mulieribus non coinquinavérunt, in quorum ore dolus non est invéntus; ita et has fámulas tuas fácias permanére immaculatas usque in finem. Per immaculátum Dóminum nostrum Jesum Christum Fílium tuum: Qui tecum vivit et regnat in unitáte Spíritus sancti Deus, per ómnia sæcula sæculórum. R. Amen.

Qua finita, Virgines surgentes, simul cantant Antiphonam, ton. 1.

Ecce quod concupívi, jam vídeo; quod sperávi, jam téneo: illi sum juncta in cœlis, quem in terris pósita, tota devotióne diléxi.

Post hæc Pontifex, junctis ante pectus manibus, dicit super illas stantes, humiliter inclinatas, benedictionem. Eus plasmátor córporum, afflátor animárum, qui nul

conditiónem grátia tua ducis indígnam, sed ómnium æquális creátor es, et redémptor, tu has fámulas tuas, quas ex omni número gregis, ut bonus pastor, ad conservándam corónam perpétuæ virginitátis et castimóniam ánimæ elígere dignátus es, tuæ protectiónis scuto circúmtege, et ad omne opus virtútis et glóriæ, magistrante sapiéntia, præpara, ut vincéntes carnis illécebras, et illícita connúbia recusántes, insolúbilem Fílii tui Dómini nostri Jesu Christi cópulam mereántur. His pétimus, Dómine, arma súggeras, non carnália, sed spíritus virtúte poténtia, ut, te muniénte eárum sensus, et membra, in eárum corpóribus et animábus non possit dominári peccátum; ac sub tua grátia vívere cupiéntibus, nihil sibi defénsor malórum, et inimícus bonórum de his vasis nómini tuo consecrátis prævaleat vindicáre. Omnem étiam nocívum calórem imber grátiæ tuæ cœléstis extinguat, lumen vero perpétuæ castitátis accéndat; fácies pudica scándalis non páteat, neque incautis occasiónem tríbuat negligéntia delinquéndi. Sítque in eis casta virgínitas: sint ornátæ páriter, et armátæ fide íntegra, spe certa, charitáte sincéra; ut, præparáto ánimo ad continentiam, virtus tanta præstétur, quæ súperet diáboli univérsa figménta; et contemnéndo præséntia, futúra secténtur; jejúnia épulis carnálibus præferant; lectiónes sacras, et oratiónes convíviis et potatiónibus antepónant; ut oratiónibus pastæ, et eruditiónibus explétæ, illuminátæ vigíliis, opus grátiæ virginális exérceant. His ígitur virtútum armis has tuas fámulas intérius, exteriúsque commúniens, præsta, inoffensum cursum virginitátis implére. Per Christum Dóminum nostrum.

R. Amen.

Tum Pontifex, accepta mitra, stans, dicit sequentem benedictionem super illas genuflexas:

B

Enedicat vos Deus Pater, et Fílius, et Spíritus sanctus omni benedictióne spirituáli; ut manéntes semper incorrúptæ, inviolátæ, et immaculatæ, sub vestiménto sanctæ Mariæ matris Dómini nostri Jesu Christi, requiéscat super vos Spíritus septifórmis grátiæ, spíritus sapiéntiæ et intellectus, spíritus consilii et fortitúdinis, spíritus sciéntiæ et pietátis, et répleat vos spíritus timóris Dómini, frágiles sólidet, invalidásque confirmet, pietáte állevet, et mentes regat, vias dírigat, cogitatiónes sanctas instítuat, actus probet, ópera perficiat, charitáte ædificet, sapiéntia illúminet, castitáte múniat, sciéntia ínstruat, fide firmet, in virtúte multiplicet, in sanctitáte sublímet, ad patiéntiam præparet, ad obediéntiam subdat, sóbrias prótegat, et pudícas in infirmitáte vísitet, in dolóre rélevet, in tentatióne custódiat, in prosperitáte témperet, in iracúndia mítiget, in iniquitáte emúndet, infúndat grátiam, remíttat offénsam, tribuat disciplínam. Ut his, et simílibus virtútibus fultæ, et sanctis opéribus illustrátæ, illa semper studeátis ágere, quæ digna fiant remuneratióne. Illum habeátis testem, quem habitúræ estis júdicem; et vos aptétis, ut præfulgéntem gestétis in manu lámpadem, intratúræ Sponsi thálamum, occurrátis cum gáudio, et nihil in vobis repériat fœtidum, nihil sórdidum, nihil occultum, nihil corrúptum, nihil inhonéstum, sed níveas et cándidas ánimas, corpóraque lúcida atque spléndida; ut cum ille dies treméndus remuneratiónis justórum, retributionísque malórum advénerit, non invéniat in vobis ultrix flamma quod urat, sed divína piétas quod corónet; quas jam in hoc sæculo conversátio religiósa mundávit, ut ad tribúnal ætérni Regis ascensúræ, célsaque palátia, cum iisdem mereámini habére protectiónem, qui sequúntur Agnum, et cantant cánticum novum sine cessatióne, illic perceptúræ præmium post labórem, sempérque maneátis in vivéntium regióne. Atque ipse benedícat vos de cœlis, qui per Crucis passiónem humánum genus est dignátus veníre in terris redímere, Jesus Christus Dóminus noster:

PONTIF. ROM

10

Qui cum ætérno Patre, et Spíritu sancto in unitáte perfécta vivit et regnat Deus in sæcula sæculórum. . Amen.

Deinde Pontifex sedens cum mitra, publica voce anathema ponit, ne quis eas a divino servitio, quæ vexillo castitatis subjectæ sunt, abducat, nullus earum bona surripiat, sed ea cum quiete possideant, in hanc formam;

Uctoritáte omnipoténtis Dei, et beatórum Petri et Pauli Apostolórum ejus, firmiter, et sub interminatióne anathématis inhibémus, ne quis præséntes Vírgines, seu Sanctimoniáles a divíno servítio, cui sub vexíllo castitátis subjectæ sunt, abdúcat, nullus eárum bona surrípiat, sed ea cum quiéte possídeant. Si quis autem hoc attentáre præsumpserit, maledíctus sit in domo, et extra domum; maledíctus in civitáte, et in agro; maledíctus vigilándo, et dormiéndo; maledíctus manducándo, et bibéndo; maledíctus ambulándo, et sedéndo; maledicta sint caro ejus et ossa, et a planta pedis usque ad vérticem non hábeat sanitátem. Véniat super illum maledíctio hóminis, quam per Móysen in lege filiis iniquitátis Dóminus permísit. Deleátur nomen ejus de libro vivéntium, et cum justis non scribátur. Fiat pars et hæréditas ejus cum Cain fratricída, cum Dathan et Abíron, cum Ananía et Saphira, cum Simóne mago et Juda proditóre, et cum eis, qui dixérunt Deo: Recéde a nobis, sémitam viárum tuárum nólumus. Péreat in die judícii, dévoret eum ignis perpétuus cum diábolo, et ángelis ejus, nisi restitúerit, et ad emendatiónem vénerit. Fiat, fiat.

Tum dicitur, Allelúja, sive ultimus versus Tractus, vel Sequentiæ, et cætera usque ad Offertorium inclusive, Virginibus in ordine suo manentibus.

Offertorio dicto, singulæ Virgines consecratæ, velatis capitibus, ad manus Pontificis, in faldistorio ante medium altaris cum mitra sedentis, offerunt, coram eo genuflexæ, quælibet candelam 'accensam.

Interim parantur pro eis tot Hostiæ consecrandæ, quot sunt ipsæ numero.