benedictione, Pontifex stans sine mitra, aspergit se et circumstantes cum illa, inchoans, schola prosequente, Antiphonam ton. 7. A spérges me, Dómine, hyssópo, et mundábor: lavábis me, et super nivem dealbábor. Qua incepta, imposita sibi mitra, staus ante fores Eeclesiæ, præcedentibus ipsum duobus Acolythis cum candelis accensis, incipit circuire ad manum dexteram, procedens cum Clero et populo, et aspergens cum ipsa aqua forinsecus parietes Ecclesiæ, in superiori parte eorum, cæmeterium, dicens semper. et sancti. In nómine Patris, et Fílii, et Spíritus Interim finita dicta Antiphona, schola cantat Responsorium ton. 2. Fundáta est, domus Dómini super vérticem móntium, et exaltáta est super omnes colles, et vénient ad eam omnes Gentes, Et dicent: Glória tibi, Dómine. V. Veniéntes autem vénient cum exultatióne, portántes manípulos suos. Et dicent. Expleto circuitu, Pontifex perveniens ante ostium, stans ibidem versus ad ostium, depositis aspersorio et mitra, dicit: Orémus. Et ministri, seu Diaconus. Flectámus génua. Subdiaconus R. Leváte. Omnipotens, sempiterne Deus, qui in omni loco domi natiónis tuæ totus assístis, totus operáris: adésto supplicatiónibus nostris, et hujus domus, cujus es fundátor, esto protéctor: nulla hic nequítia contráriæ potestatis obsístat, sed virtúte Spíritus sancti operánte, fiat hic tibi semper purum servítium et devóta libértas. Per Christum Dóminum nostrum. R. Amen. Quo dieto, Pontifex acceptis mitra et baculo pastorali, ad ostium Ecclesiæ appropinquans, percutit illud semel cum inferiori parte ejusdem baculi pastoralis, superlimimare, dicens intelligibili voce. A ttóllite portas, príncipes, vestras, et elevámini portæ æternáles, et introíbit Rex glóriæ. Diaconus intus existens, dicit alta voce: Quis est iste Rex glória? Pontifex respondet: Dóminus fortis et potens, Dóminus potens in prælio. Deinde Pontifex deposito baculo pastorali, et accepto aspersorio, iterum circuit Ecclesiam cum Clero et populo, incipiens ad eamdem manum dexteram, aspergendo parietes juxta fundamentum ipsorum, et cœmeteriam, dicens semper: In nómine Patris, et Fílii, et Spíritus sancti. Interim schola cantat Responsorium ton. 8. Bénedic, Dómine, domum istam, quam ædificávi nómini tuo. Veniéntium in loco isto, • Exáudi preces in excélso sólio glóriæ tuæ. . Dómine, si convérsus fúerit pópulus tuus, et égerit pœnitentiam, veniénsque oráverit in loco isto. Exáudi. Expleto circuitu, Pontifex perveniens ante ostium, stans ibidem versus ad illud, depositis aspersorio et mitra, dicit: Orémus. Et ministri: Flectámus génua. R). Leváte. Mnipotens, sempitérne Deus, qui per Fílium tuum, angulárem scílicet lápidem, duos ex divérso veniéntes, ex circumcisióne et præpútio paríetes, duósque greges óvium sub uno eodémque pastóre unísti: da fámulis tuis per hæc nostræ devotiónis officia indissolúbile vínculum charitátis, ut nulla divisióne méntium, nulláque perversitátis varietáte sequestréntur, quos sub uníus regímine pastóris unus grex cóntinet, uniúsque te custóde ovílis septa conclúdunt. Per eúmdem Christum Dóminum nostrum. R. Amen. Tum, acceptis mitra, et baculo pastorali, appropmquans iterum ad ostium, percutit secundo cum eodem baculo pastorali, superliminare, dicens simili voce ut prius: Attóllite portas, príncipes, vestras, et elevámini portæ ætérnales, et introíbit Rex glória. PONTIF. ROM. 13 Diaconus intus existens, dicit: Quis est iste Rex glória? Pontifex respondet: Dóminus fortis et potens, Dóminus potens in prœlio. Deinde deposito baculo pastorali, et accepto aspersorio, circuit tertio Ecclesiam cum Clero et populo, incipiens ad sinistram manum, proceditque aspergens exterius cum eadem aqua parietes in media parte eorum, id est, circa altitudinem faciei suæ et cœmeterium, dicens semper: In nómine Patris, et Fílii, et Spíritus sancti. Interim schola cantat Responsorium ton. 2. Tu, Dómine, universórum, qui nullam habes indigéntiam, voluísti templum tuum fieri in nobis. Consérva domum istam immaculatam in ætérnum, Dómine. *. Tu elegísti, Dómine, domum istam ad invocándum nomen tuum in ea, ut esset domus oratiónis et obsecratiónis pópulo tuo. Consérva. Expleto cantu et circuitu, cum Pontifex pervenerit ante ostium, stans ibidem versus ad illud, depositis aspersorio et mitra, dicit: Orémus. Et ministri: Flectámus génua. R. Leváte. Mnipotens et miséricors Deus, qui Sacerdotibus tuis tantam præ cæteris grátiam contulísti, ut quidquid in tuo Nómine digne perfectéque ab eis ágitur, a te fieri credátur: quæsumus imménsam cleméntiam tuam, ut quidquid modo visitatúri sumus, vísites; et quidquid benedictúri sumus, benedícas; sitque ad nostræ humilitátis intróitum, Sanctórum tuórum méritis, fuga dæmonum, Angeli pacis ingréssus. Per Christum Dóminum nostrum. R. Amen. Tum, acceptis mitra et baculo pastorali, appropinquans tertio ad ostium Ecclesiæ percutit iterum superliminare cum eodem baculo pastorali, dicens: Attóllite portas, príncipes, vestras, et elevámini portæ æternáles, et introíbit Rex glóriæ. Diaconus intus existens, dicit: Quis est iste Rex glória? Pontifex, et universus Clerus respondet: A períte. Aperíte. Aperíte. Pontifex facit crucem super liminare in ostio cum inferiore parte baculi pastoralis, dicens: Cce Crucis signum; fúgiant phantasmata cuncta. Et aperto ostio, intrat Ecclesiam solus cum ministris, clericis, et choro, et cæmentariis, qui collocare et linire debent lapidem super sepulchrum Reliquiarum, et mensam altaris, si est remota, aut separata a stipite, dimisso ab extra Clero et populo, et clauso Ecclesia ostio post eos. Ingressus autem Pontifex Ecclesiam, dicit intelligibili voce: Pax huic dómui. Et Diaconus, qui est intus, respondet: In intróitu vestro. Et omnes dicunt: A men. Tum schola, sive cantores cantant Antiphonam, ton. 5. Pax ætérna ab Ætérno huic dómui. Pax perénnis, Verbum Patris, sit pax huic dómui; pacem pius Consolátor huic præstet dómui. Qua dicta, cantant etiam sequentem Antiphonam ton. 8. Zachæe, festinans descénde, quia hódie in domo tua opórtet me manére. At ille festínans descéndit, et suscépit illum gaudens in domum suam. Hódie huic dómui salus a Deo facta est, allelúja. Hæc dum cantantur, Pontifex procedit usque ad medium Ecclesiæ, ubi faldistorium paratum est; et expletis prædictis Antiphonis, depositis baculo et mitra, flexis ibi genibus, versus ad altare majus inchoat, schola prosequente, hymnum. Imple supérna grátia, Quæ tu creásti, péctora. Finito primo versu, surgit Pontifex, et stat usque ad finem sine mitra. Qui díceris Paráclitus, Altíssimi donum Dei, Fons vivus, ignis, cháritas, Et spiritális únctio. Infúnde amorem córdibus, Infirma nostri córporis Virtúte firmans pérpeti. Hostem repellas lóngius, Et Fílio, qui a mórtuis In sæculórum sæcula. Amen. Interim unus ex Ministris spargit cinerem per pavimentum Ecclesiæ, in modum Crucis, faciendo ex eo lineas duas, quamlibet latitudinis fere unius palmi, unam ab angulo Ecclesiæ ad sinistram manum per principalem portam intrantis ad angulum transversum illius, id est, dexterum intrantis, ad caput Ecclesiæ; et aliam ab angulo Ecclesiæ ad dexteram manum intrantis, ad angulum transversum illius, id est sinistrum ipsius, ad caput Ecclesiæ; vel si Ec |