Qui hábitat in adjutório Altíssimi, in protectióne Dei cœli commorábitur.

D

Psalmus 90.

Icet Dómino: Suscéptor meus es tu, et refúgium meum: * Deus meus, sperábo in eum.

Quóniam ipse liberávit me de láqueo venántium, * et a verbo áspero.

S cápulis suis obumbrábit tibi: * et sub pennis ejus sperábis.

Scuto circúmdabit te véritas ejus: * non timébis a timóre noctúrno.

A sagítta volánte in die, a negotio perambulánte in ténebris, ab incúrsu, et dæmónio meridiáno.

Cadent a látere tuo mille, et decem millia a dextris tuis;* ad te autem non appropinquabit.

Verúmtamen óculis tuis considerábis: * et retributiónem peccatórum vidébis.

Quóniam tu es, Dómine, spes mea: * altíssimum posuísti refúgium tuum.

N on accédet ad te malum: et flagéllum non appropinquabit tabernáculo tuo.

Quóniam Angelis suis mandávit de te: ut custódiant te in ómnibus viis tuis.

In mánibus portábunt te: ne forte offéndas ad lápidem pedem tuum.

Super áspidem et basilicum ambulábis: et conculcábis leónem et dracónem.

Quóniam in me sperávit, liberábo eum : prótegam eum, quóniam cognóvit nomen meum.

Clamábit ad me, et ego exáudiam eum:

cum ipso sum in tribulatióne: erípiam eum, et glorificábo eum. Longitúdine diérum replébo eum: * et osténdam illi salutáre meum.

Et non dicitur Glória Patri.

Interim Pontifex tertio circuit Ecclesiam, incipiens a sinistra parte, et aspergit parietes illius, altius quam se

cundo, rediens ad locum, unde discessit. Quo facto, adhuc mitram in capite tenens, aspergit cum prædicta aqua pavimentum Ecclesiæ per medium, incipiens ante, altare, usque ad portam principalem, deinde per transversum, de uno pariete ad alium. Interim schola cantat tres sequentes Antiphonas cum suis versiculis.

Domus mea domus oratiónis vocábitur.

. Narrábo nomen tuum frátribus meis, in médio Ecclésiæ laudabo te, ton. 6. sine Glória.

Alia Antiphona.

ómine, diléxi decórem domus tuæ.

*. Et locum habitatiónis glóriæ tuæ, ton. 5. sine Glória. Alia Antiphona.

Non est hic áliud nisi domus Dei, et porta cœli: ton. 7. Dictis Antiphonis prædictis, et aspersione, ut præmittitur, facta, Pontifex stans cum mitra in medio Ecclesiæ versus ad altare majus inchoat, et schola prosequitur Antiphonam ton. 7.

Vidit Jacob scalam, súmmitas ejus cœlos tangébat, et descendéntes Angelos, et dixit: Vere locus iste sanctus est.

Dum cantatur Antiphona prædicta, Pontifex stans cum mitra in medio Ecclesiæ aspergit aquam per pavimentum, versus Orientem, Occidentem, Aquilonem, et Austrum.

Finita Antiphona, Pontifex, deposita mitra, stans ibidem in medio Ecclesiæ conversus ad portam principalem, dicit competenti voce:

Orémus. Et ministri: Flectámus génua. R. Leváte.

DEus, qui loca nómini tuo dicánda sanctíficas, effúnde

super hanc oratiónis domum grátiam tuam: ut ab ómnibus hic Nomen tuum invocántibus, auxílium tuæ misericórdia sentiátur. Per Christum Dóminum nostrum.

D

B. Amen.

Tum ibidem stans, adhuc conversus, ut prius, dicit:
Orémus. Et ministri: Flectámus génua. R. Leváte.
Eus sanctificatiónum, omnípotens dominátor, cujus
píetas sine fine sentítur; Deus, qui cœléstia simul et

terréna complécteris, servans misericórdiam tuam pópulo tuo ambulánti ante conspéctum glóriæ tuæ, exáudi preces servórum tuórum, ut sint óculi tui apérti super domum istam die ac nocte: hanc quoque basílicam in honórém sanctæ et victoriosíssimæ Crucis, et memóriam sancti tui N. sacris mystériis institútam clementíssimus dédica, miserátus illú stra, proprio splendóre clarífica, omnémque hóminem veniéntem adoráre te in hoc loco placátus admítte, propítius respícere dignáre, et propter nomen tuum magnum, et manum tuam fortem, et bráchium tuum excélsum, in hoc tabernáculo tuo supplicántes libens prótege, dignanter exáudi, ætérna defensióne consérva; ut semper felíces, sempérque in tua religióne lætántes, constánter in sanctæ Trinitátis confessióne, fide Cathólica persevérent. Per Dóminum nostrum Jesum Christum Fílium tuum: Qui tecum vivit et regnat in unitáte Spíritus sancti Deus.

Deinde stans adhuc conversus, ut prius, ibidem extensis manibus ante pectus, dicit Præfationem.

. Per ómnia sæcula sæculórum.

R). Amen.

*. Dóminus vobíscum.

R). Et cum spíritu tuo.

*. Sursum corda.

RJ. Habémus ad Dóminum.

*. Grátias agámus Dómino Deo nostro.

R. Dignum et justum est.

Vere dignum et justum est, æquum et salutáre, nos tibi semper, et ubíque grátias ágere, Dómine sancte, Pater omnipotens, ætérne Deus, adésto précibus nostris, adésto Sacraméntis, adésto étiam piis famulórum tuórum labóribus, nobísque misericórdiam tuam poscéntibus. Descéndat quoque in hanc Ecclésiam tuam, quam sub invocatióne sancti Nóminis tui, in honórem sanctæ Crucis, in qua coætérnus tibi Fílius tuus Dóminus noster Jesus Christus pro redemptióne mundi pati dignátus est, et memóriam Sancti

tui N. nos indígni consecrámus, Spíritus sanctus tuus, septifórmis grátiæ ubertáte redúndans; ut quotiescúmque in hac domo tua sanctum Nomen tuum fúerit invocátum, eórum qui te invocáverint, a te pio Dómino preces exaudiántur. O beáta et sancta Trínitas, quæ ómnia puríficas, ómnia mundas, et ómnia perórnas. O beáta majéstas Dei, quæ cuncta imples, cuncta cóntines, cuncta dispónis. O beáta et sancta manus Dei, quæ ómnia sanctíficas, ómnia benedícis, ómnia locúpletas. O Sancte Sanctórum Deus, tuam cleméntiam humillima devotióne depóscimus, ut hanc Ecclésiam tuam, per nostræ humilitátis famulátum, in honórem sanctæ et victoriosíssimæ Crucis, et memóriam Sancti tui N. purificáre, benedícere, et conse cráre perpétua sanctificatiónis tuæ ubertáte dignéris. Hic quoque Sacerdótes sacrificia tibi láudis ófferant. Hic fidéles pópuli vota persólvant. Hic peccatórum ónera solvántur, fidelésque lapsi reparéntur. In hac ergo, quæsumus, Dómine, domo tua Spíritus sancti grátia ægróti sanéntur, infirmi recuperéntur, claudi curéntur, leprósi mundéntur, cæci illuminéntur, dæmónia ejiciántur. Cunctórum hic debílium, incómmoda, te, Dómine, annuénte, pellántur, omniúmque víncula peccatórum absolvántur, ut omnes, qui hoc templum beneficia juste deprecatúri ingrediúntur, cuncta se impetrásse læténtur; ut concéssa misericórdia, quam precántur, perpétuo miseratiónis tuæ múnere gloriéntur.

Quod sequitur, dicit submissa voce legendo, ita tamen quod a circumstantibus audiri possit.

Per eúmdem Dóminum nostrum Jesum Christum Fílium tuum, Qui tecum vivit et regnat in unitáte ejusdem Spíritus sancti Deus, per ómnia sæcula sæculórum.

R. Amen.

Præfatione finita, Pontifex, accepta mitra, procedit ante altare, et ibi cum præmissa aqua benedicta facit maltam seu cæmentum, quod mox deposita mitra, stans ibidem benedicit, dicens:

Dóminus vobiscum.

R. Et cum spíritu tuo.

Orémus.

Umme Deus, qui summa, et média, ímaque custódis,

qui omnem creatúram intrínsecus ambiéndo conclúdis; sanctífica, et bénedic has creatúras calcis et sábuli. Per Christum Dóminum nostrum.

R. Amen.

Camentum benedictum reservatur, sed residuum aqua benedictæ funditur ad basim, sive pedem stipitis altaris per circuitum.

Pontifex deinde procedit processionaliter cum Cruce et Clero ad locum, in quo Reliquiæ nocte præterita conservatæ fuerunt; et defertur Chrisma usque ad fores Ecclesiæ: sed priusquam locum ipsum ingrediatur, stans ab extra, deposita mitra, dicit:

Orémus. Et ministri: Flectámus génua. R. Leváte. Ufer a nobis, quæsumus Dómine, cunctas iniquitátes nostras: ut ad Sancta Sanctórum puris mereámur méntibus introíre. Per Christum Dóminum nostrum.

*. Amen.

Deinde Pontifice accepta mitra locum ipsum cum Presbyteris et Clero ingrediente, schola cantal Antiphonas sequentes:

O quam gloriósum est regnum, in quo cum Christo gaudent omnes Sancti, amícti stolis albis sequúntur Agnum quocúmque ferit. ton. 6.

Alia Antiphona, ton. 8.

Movéte vos Sancti Dei de mansiónibus vestris, ad loca festináte, quæ vobis paráta sunt.

Alia Antiphona, ton. 3.

Ecce pópulus custódiens judícium, et fáciens veritátem, in te speravérunt, Dómine, usque in ætérnum. Alia Autiphona, ton. 8.

Via Sanctórum facta est recta, et iter eórum præparátum est.