et operátio a te semper incípiat, et per te cœpta finiátur. Per Christum Dóminum nostrum.

R. Amen.

Qua dicta, Pontifex accepta mitra, procumbit super faldistorium ibidem præparatum, et cantores incipiunt Litanias, ut supra, pag. 31. vel, cantoribus deficientibus, Pontifex cas legit: in quibus suo loco nominetur bis Sanctus ille, in cujus honore et nomine dedicatur ipsum altare, et illi, quorum Reliquiæ in eo includuntur. Postquam autem dictum fuerit :

Ut omnibus fidélibus, etc.
R. Te rogámus áudi nos.

Pontifex ab accubitu surgit, et baculum pastoralem in sinistra tenens, dexteram in altum extendens, producit communiter super aram et stipitem altaris consecrandi ter successive signum crucis, dicens primo:

Ut altáre hoc ad honórem tuum, et nomen Sancti N. consecrándum benedícere dignéris.

R. Te rogámus áudi nos.

: Secundo dicit:

Ut altáre hoc, ad honórem tuum, et nomen Sancti N. consecrándum, benedícere, et sanctificáre dignéris. Te rogámus áudi nos.

Tertio dicit :

It altáre hoc, ad honórem tuum, et nomen Sancti consecrándum, benedícere, sanctificáre, et conse cráre dignéris.

R. Te rogámus áudi nos.

Quo dicto, et deposito baculo pastorali, iterum accumbit super faldistorium, et perficiuntur Litaniæ. Quibus finitis, ab accubitu surgit, et cum mitra accedit versus altare consecrandum, et distans ab illo spatio congruenti, deposita mitra, genuflexus dicit cantando, si in cantu fit officium, alioquin competenti voce dicit sine notis; quod etiam in omnibus aliis sequentibus observatur:

Deus, in adjutórium meum inténde.

Quo dicto, Pontifice surgente, chorus, sen Ministri respondent:

Dómine, ad adjuvándum me festína.

Tunc Pontifex stans sine mitra in eodem loco, dicit:
Glória Patri, et Fílio, et Spirítui sancto.

Chorus, seu Ministri respondent:

Sicut erat in princípio, et nunc, et semper, et in sæcula sæculórum. Amen. sinc Allelúja.

Et id eisdem modo et loco secundo et tertio fit, voce semper altius elevata. Quibus dictis, Pontifex stans in codem loco cum mitra, benedicit aquam cum sale, cinere, et vino, incipiens absolute exorcismum salis, et faciens, prout habetur supra sub Ecclesiæ Dedicatione, pag. 201. usque ad Orationem: Omnipotens sempitérne Deus, creátor, et conservátor humáni géneris, etc. inclusive.

Post hæc Pontifex procedit ad Altare cum mitra, et ibidem inchoat, schola prosequente, Antiphonami sequentem: Introíbo ad altáre Dei: ad Deum qui lætíficat juventútem meam.

J

Udica me,

Psalmus 42.

Deus, et discérne causam meam de gente non sancta:* ab hómine iníquo et dolóso érue me. Repetitur tota Antiphona prædicta, si necesse fuerit. Quia tu es, Deus, fortitúdo mea:

*

quare me repulísti, et quare tristis incédo, dum affligit me inimícus? Iterum repetitur Antiphona.

Emítte lucem tuam, et veritátem tuam: * ipsa me deduxérunt, et adduxérunt in montem sanctum tuum, et in tabernácula tua.

Antiphona tota repetitur.

Et introíbo ad altáre Dei: * ad Deum qui lætíficat juventútem meam.

Iterum repetitur Antiphona

Confitebor tibi in cíthara, Deus, Deus meus: quare tristis es, ánima mea, et quare contúrbas me?

Repetitur ut prius Antiphona.

pera in Deo, quóniam adhuc confitebor illi: salutáre vultus mei, et Deus meus.

Non dicitur Glória Patri. sed Antiphona prædicta repetitur.

Incepta prima Antiphona, Pontifex, retenta mitra, stans ante altare, intingit pollicem dexteræ manus in aqua prædicta per eum benedicta, et cum eo et aqua hujusmodi facit crucem in medio tabulæ altaris, dicens:

Anctificétur hoc altáre, in honórem Dei omnipoténtis, et gloriósæ Vírginis Maríæ, atque ómnium Sanctórum, et ad nomen ac memóriam Sancti N. In nómine Patris, et Fílii, et Spíritus sancti. Pax tibi.

Deinde facit ex eadem aqua cum eodem pollice quatuor cruces in quatuor cornibus altaris, repetens in qualibet cruce verba præmissa.

Sanctificétur hoc altáre, etc.

Facit autem primam crucem in dextera parte posteriori altaris, id est, ubi legitur Evangelium; secundam in sinistra parte anteriori transversa prima; tertiam in dextera anteriori; quartam in sinistra posteriori tertiæ transversa in hunc modum.

Quo facto, et finitis Antiphona et Psalmo prædictis, Pontifex stans ibidem, deposita mitra, dicit:

Orémus. Et ministri: Flectámus génua. R. Leváte. Inguláre illud propitiatórium in altári Crucis pro nobis rediméndis oblátum, in cujus præfiguratióne Patriarcha Jacob lápidem eréxit in títulum, quo fieret sacrificium, et portæ cœli désuper aperirétur oráculum, súpplices tibi, Dómine, preces fúndimus; ut lápidis hujus expolítam matériam, supérnis sacrificiis imbuendam, ipse tuæ ditári

sanctificatiónis ubertáte præcípias, qui quondam lapídeis legem scripsísti in tabulis. Per Christum Dóminum nostrum. R). Amen.

Oratione expleta, Pontifex circuit septies tabulam altaris, aspergens eam et stipitem de aqua prædicta cum cinere et vino benedicta, cum aspersorio de herba hyssopi facto, hoc modo. Stans enim ante medium altaris inchoat Antiphonam, et schola prosequitur: Aspérges me, Dómine. Quæ tota dicitur, et repetitur cum Psalmo, Miserére, eo modo, prout supra, pag. 208. de consecratione altaris in Ecclesiæ dedicatione ordinatum est. Quo facto, Pontifex stans sine mitra ante medium altaris, dicit:

. Dómine, exáudi oratiónem meam.

R. Et clamor meus ad te véniat.

. Dóminus vobiscum.

R. Et cum spíritu tuo.

O rémus.

Eus, qui es visibílium rerum ómnium et invisibílium cónditor, et cunctárum sanctificatiónum consecrátor, ad dedicatiónem hujus Domínicæ mensæ ádesse dignáre; et quæ sacráto Oleo et Chrismate a nobis indígnis est liniénda et benedicénda, tuæ sanctificatiónis in eam infúnde virtútem et consecratiónem; ut omnes, qui ad eam te deprecatúri accésserint, tuæ propitiatiónis auxílium séntiant. Per Christum Dóminum nostrum. R. Amen.

Deinde ibidem cum præmissa aqua benedicta facit maltam seu camentum, quod mox, deposita mitra, benedicit, dicens:

S

ỳ. Dóminus vobiscum.

n. Et cum spíritu tuo.

Orémus.

Umme Deus, qui summa, et média, ímaque custódis,

qui omnem creatúram intrínsecus ambiéndo conclúdis; sanctífica et bene dic has creatúras calcis et sábuli. Per Christum Dóminum nostrum.

R. Amen.

Camentum benedictum reservatur, sed residuum aquæ benedicta funditur ad basim sive pedem stipitis altaris per circuitum. Pontifex deinde procedit processionaliter cum Cruce et Clero ad locum, in quo nocte præterita conservatæ Reliquiæ fuerunt; sed priusquam locum ipsum ingrediatur, stans ab extra, deposita mitra, dicit:

Orémus. Et ministri: Flectámus génua. R. Leváte. Ufer a nobis, quæsumus, Dómine, cunctas iniquitátes nostras: ut ad sancta Sanctórum puris mereámur méntibus introíre. Per Christum Dóminum nostrum. R. Amen.

Ingressus vero sine mitra, stans juxta, et versus ad Reliquias, dicit:

Orémus.

Ac nos, quæsumus, Dómine, Sanctórum tuórum tibi speciáliter dedicáta membra digne contingere, quorum patrocínia cúpimus incessanter habére. Per Christum Dóminum nostrum. R. Amen.

Qua dicta, Pontifex sine mitra accipit reverenter vasculum Reliquiarum: tum accepta mitra, portat eas solemniter, et processionaliter ad altare consecrandum, vel si sint super feretrum, per Sacerdotes ferri facit, inchoans, schola prosequente, Antiphonam:

Cum jucunditáte exíbitis, et cum gáudio deducémini : nam et montes et colles exílient, expectántes vos cum gáudio. Allelúja.

Poterit deinde etiam dici, si expedierit, sequens Responsorium:

Súrgite Sancti Dei de mansiónibus vestris, loca sanctificáte, plebem benedícite: Et nos hómines peccatóres in pace custodite.

. Ambuláte, Sancti Dei, ad locum prædestinátum, qui vobis præparátus est. Et nos hómines peccatóres in pace custodíte.

Cumque pervenerit prope ipsum altare, deponit eas reverenter cum luminaribus super feretrum, vel aliquam