Abbildungen der Seite
PDF
EPUB

beáto Michaele Archángelo, et Sancto Petro Apóstolo, cui data est potéstas ligandi ac solvéndi, et ómnibus Sanctis, ipse per ministérium meum ab ómnibus peccátis vestris, quæcúmque aut cogitatióne, aut locutióne, vel operatióne negligénter egístis, vos absólvat sancti sui Sánguinis interventióne, qui in remissiónem peccatórum effúsus est; atque a vínculis peccatórum absolútos perdúcere dignétur ad regna cœlórum: Qui cum Deo Patre et Spíritu sancto vivit et regnat in sæcula sæculórum.

R. Amen.

Tunc Pontifex aspergat eos aqua benedicta, et thurificet eos, dicens:

Exurgite qui dormitis, exúrgite a mórtuis, et illuminábit vos Christus.

Ultimo dat eis indulgentiam, prout sibi placuerit. Qua data, manibus elevatis, et supra illos extensis, dicit solemnem benedictionem:

Récibus et méritis beátæ Mariæ semper Vírginis, beáti Michaelis Archángeli, beáti Joánnis Baptistæ, Sanctórum Apostolórum Petri et Pauli, et ómnium Sanctórum misereátur vestri omnipotens Deus, et dimissis ómnibus peccátis vestris, perdúcat vos ad vitam ætérnam.

R. Amen.

Ndulgéntiam, absolutiónem, et remissiónem ómnium peccatórum vestrórum tríbuat vobis omnipotens et miséricors Dóminus.

R. Amen.

Ultimo benedicit eis, dicens:

Benedícat vos omnipotens Deus, Pater, et Fí lius, et Spíritus sanctus.

R. Amen.

Quo facto, crines et barbam, quam nutrierant, deponunt, et vestibus pœnitentialibus dimissis, se cultioribus, et mundioribus induunt.

H

DE OFFICIO

IN FERIA V. COENE DOMINI

CUM BENEDICITUR OLEUM CATECHUMENORUM,
ET INFIRMORUM, ET CONFICITUR CHRISMA.

Ae die, singulis annis benedicitur Oleum Catechumenorum, et Infirmorum, et conficitur Chrisma.

Mane itaque Sacrista, vel ille ad quem spectat, omnia quæ ad Oleorum benedictionem, et Chrismatis confectionem necessaria sunt, parat, videlicet: Tres ampullas Oleo mundissimo plenas, quas in sacrario ponit, et diligenter custodit; unam ad Oleum Infirmorum, aliam ad Oleum Catechumenorum, tertiam quæ major sit, ad Chrisma: et hæc tertia cooperiri debet de panno sericeo albo; prima autem, et secunda, de sericeo panno alterius coloris sint cooperta: duas mappulas mundas, sive vela, pro Diaconis, qui ampullas Oleorum pro Chrismate et Oleo Catechumenorum de Sacristia ad Chorum portare debent; et ultra hæc, sedem, seu faldistorium, et credentiam consuetam. Paratur etiam alia sedes in presbyterio ab opposito altaris, juxta gradus circa finem presbyterii; et ante ipsam sedem versus altare paratur mensa mappis ornata. quæ sit juxta sedem, inter ipsam et altare. Juxta dictam sedem hinc et inde, magis tamen ad finem presbyterii, posita sint scamna pro duodecim Sacerdotibus, ita ut ibidem sedentes facies vertant ad altare.

Deinde hora competenti, Pontifex venit ad Ecclesiam, ubi parat se ad Missam omnibus Pontificalibus ornamentis pretiosis albi coloris. Parant se etiam Ministri Pontificis, et ultra illos duodecim Presbyteri, septem Diaconi, septem Subdiaconi, Acolythi, et alii necessarii, omnes vestibus albi coloris ordini suo congruentibus. Quibus omnibus paratis, procedunt ad altare processionaliter, hoc modo.

In primis procedit thuriferarius, quem sequuntur duo

De Officio in Feria V. Cœnæ Domini.

359 ceroferarii, post hos septem Subdiaconi, bini et bini, et in tertio loco tres simul vadunt; tum septem Diaconi, etiam bini et bini, et in tertio loco tres; post hos duodecim Presbyteri, bini et bini, quos sequitur Subdiaconus librum Evangeliorum portans ante pectus, cum manipulo in eo reposito; deinde Diaconus, et a dextris ejus Capellanus assistens, quos demum Pontifex sequitur incedens medius inter duos digniores Canonicos Ecclesiæ, aut in dignitate constitutos, si Pontifex sit in Ecclesia sua, alioquin ibit medius inter Diaconum, et Assistentem. Et si Pontifex sit Archiepiscopus, vel Patriarcha, et in Ecclesia sua, portatur etiam in hujusmodi processione Crux per unum ex Ministris ad hoc ordinatum, qui medius inter Ceroferarios incedit.

Duodecim Presbyteri suo ordine juxta sedilia, in fine presbyterii posita, hinc et inde stabunt, vel sedebunt, aut genuflectent, prout tempus postulabit, facies semper ad altare vertentes; post eos stabunt septem Diaconi, et post Diaconos, septem Subdiaconi in gradibus presbyterii. Pontifex vero postquam ante altare pervenerit, facit Confessionem: incipitur Introitus, et proceditur in Missa more consueto, usque ad illum locum Canonis, ubi dicitur:

Per quem hæc ómnia, Dómine, semper bona creas, exclusive.

Priusquam ergo Pontifex verba ipsa dicat, facta revereutia Sacramento in altari consecrato, retrahit se ad partem Epistolæ altaris, ubi super alium Calicem vacuum abluit digitos, et ad purificatorium extergit, et ablutio usque post Communionem Pontificis reservatur. Tum facta iterum Sacramento reverentia, descendit primum gradum altaris, et ibidem accepta mitra, vadit ad dictam sedem sibi paratam in presbyterio, ab opposito altaris, et sedet super ipsam, versa facie ad altare, dictam mensam ante se habens, circumstantibus Ministris, Sacerdotibus, et aliis paratis prædictis, in suis locis manentibus.

Tunc Archidiaconus stans apud Pontificem, dicit alta voce in tono Lectionis:

Oleum infirmórum.

Et mox unus Subdiaconus ex septem paratis prædictis, cum duobus Acolythis hinc et inde associatus, vadit að Sacristiam, ubi accipiens ampullam Olei, quod pro infirmis consecrari debet, coopertam, ut invenit, portat eam sinistro brachio circumdatam ante Pontificem, ubi eam tradit in manibus Archidiaconi, plane dicens:

Oleum infirmórum.

Archidiaconus præsentat illam Pontifici ad benedicendum, idem dicens, collocans eam coram eo supra mensam supradictam.

Pontifex surgens cum mitra exorcizat, et benedicit illud voce dimissa, ita tamen, quod a circumstantibus Sacerdotibus audiri possit, absolute dicens:

E

Xorcízo te, immundíssime spíritus, omnísque incursio Sátanæ, et omne phantasma. In nómine Patris, et Fílii, et Spíritus sancti, ut recédas ab hoc Oleo, ut possit éffici únctio spiritális ad corroborándum templum Dei vivi; ut in eo possit Spíritus sanctus habitáre, per nomen Dei Patris omnipoténtis, et per nomen dilectíssimi Fílii ejus Dómini nostri Jesu Christi, qui ventúrus est judicáre vivos, et mórtuos, et sæculum per ignem. R. Amen.

Deinde deposita mitra, benedicit ipsum Oleum, dicens eadem voce:

. Dóminus vobiscum.

R. Et cum spíritu tuo.

(rémus.

Mitte, quæsumus, Dómine, Spíritum sanctum tuum

E Paraclitum de cœlis in hanc pinguedinem olívæ, quam

de víridi ligno prodúcere dignátus es, ad refectiónem mentis, et córporis; ut tua sancta bene dictióne sit omni hoc unguénto cœléstis medicínæ perúncto, tutámen mentis, et córporis, ad evacuándos omnes dolores, omnes infirmitátes, omnémque ægritúdinem mentis et córporis, unde unxísti Sacerdótes, Reges, Prophétas, et Már

tyres; sit Chrisma tuum perféctum, Dómine, nobis a te benedíctum, pérmanens in viscéribus nostris: In nómine Dómini nostri Jesu Christi.

His expletis, Oleum ipsum eo modo, quo apportatum fuit, ad sacrarium reportatur, et diligentissime conservatur. Tune Pontifex reassumpta mitra, sedet, et lavat manus: tum surgit, et cum mitra, et cum Ministris suis (cæteris Sacerdotibus, et aliis paratis in locis suis manentibus) accedit usque ad gradum altaris, ubi deposita mitra, facit reverentiam Sacramento, tum ascendit ad altare, et incipiens ubi dimiserat, videlicet:

Per quem hæc ómnia, etc. procedit in Missa usque ad Communionem Corporis, et Sanguinis inclusive, quam Pontifex ipse solus sumit. Quo facto, Diaconus ponit Hostiam consecratam pro crastina die reservandam in Calicem, seu vasculum ad hoc paratum, et reverenter collocat ipsam super medium altaris. Deinde Pontifex communicat Diaconum, et Subdiaconum, ac alios de Clero; et postquam se purificaverit, ac etiam primam digitorum ablutionem ex alio Calice sumpserit, facta reverentia Sacramento in altari posito, in secundo gradu altaris mitram accipit, et redit ad prædictam sedem cum Ministris suis, et aliis assistentibus, eo ordine, quo præmissum est, et ibi cum mitra sedet.

Tum Archidiaconus stans apud Pontificem, dieit alta voce in tono Lectionis:

Oleum ad sanctum Chrisma.

Et mox eadem voce, in tono subjungit:
Oleum Catechumenórum.

Quo dicto, oblato Pontifici thuribulo, Pontifex imponit incensum, et benedicit more solito. Tum duodecim Presbyteri, septem Diaconi, et septem Subdiaconi parati prædicti, et alii Ministri, quot necessarii fuerint, eo ordine, quo venerunt, pergunt ad sacrarium ad deferendum cum omni decore et reverentia Oleum Chrismale, et Oleum Catechumenorum, Ministris tamen Pontificis cum eo rema

« ZurückWeiter »