Abbildungen der Seite
PDF
EPUB

tus, quibus fúeras juste depósitus et privátus; ut ámodo possis digne custodíre óstia domus Dómini, cum ómnibus quæ intra retinéntur; et distíncte légere de Códice, audiénte pópulo Dei; et abhinc in antea hábeas potestatem imponéndi manus super energúmenos, sive Baptizátos, sive Catechúmenos; et possis digne accéndere luminária Ecclésiæ, et ante Evangélium portáre; ac légere Prophetias, et Epístolas, ac Lectiónem Evangélicam ad Missam, et in eis ministráre Diácono, Presbytero, et Epíscopo, et fúndere aquam in Eucharistíam Sánguinis Christi; ac Missas celebráre pro vivis ac defúnctis, acceptábiles quoque Hóstias offérre Deo, et ministérium Presbyterále devóte perficere. Præstánte eódem Dómino nostro Jesu Christo, Qui vivit et regnat Deus in sæcula sæculórum. Amen.

Tum benedicit ei, ut supra: quo facto, ille osculatur manum dexteram Pontificis, surgensque discedit.

S

Nunc degradationem subjicimus.

I Clericus, secundum primam formam sententialiter depositus, incorrigibilis appareat, debet excommunicari. Et si postmodum in profundum malorum veniens contempserit, tunc, ut cum Ecclesia non habeat ultra quid faciat, Pontifex debet illum degradare, et curiæ sæculari relinquere: quæ degradatio fit hoc modo.

DEGRADATIONIS FORMA.

Degradandus, indumentis Sacerdotalibus, si Sacerdos

sit, indutus; vel Diaconalibus, si sit Diaconus; et sic de reliquis Ordinibus, et indumentis, offertur Pontifici. Pontifex vero, quasi exequendo sententiam depositionis in illum dudum prolatam, præsente judice sæculari, cui degradandus debet relinqui, publice abradit cum vitro, vel cultello, vel alio hujusmodi, leviter sine sanguinis effusione, loca manuum illius, quæ in collatione Ordinum inunctæ fuerunt, et etiam tonsuram, si velit. Et conse

quenter seriatim et sigillatim detrahit illi omnia insignia, sive sacra ornamenta, quæ in Ordinum susceptione recepit, et demum exuit illum habitu clericali, et induit laicali, dicens publice judici sæculari præsenti, ut illum propter scelera sua sic depositum, degradatum, expoliatum, et exauctoratum in suum, si velit, forum recipiat.

Et est notandum, quod in hac executione sententiæ non est necessaria Coëpiscoporum præsentia, nec etiam refert, sive in Ecclesia fiat, sive extra in platea, sive Pontifex degradans indutus sit Pontificalibus ornamentis, sive non: et talis degradatio, solemnis depositio vocatur, proprie tamen loquendo, quis a dignitatibus et honoribus deponitur, sed ab Ordinibus degradatur; et post talem degradationem juste et rite factam, solus Romanus Pontifex cum tali dispensat: Episcopus tamen ante ipsam insignium detractionem, et etiam post sententiæ depositionis prolationem dispensare, et restituere solo verbo potest, sicut et verbaliter depositus fuit, ut præmissum est.

Sed si, priusquam sæcularis judex in illum animadverterit, talis depositio et degradatio injusta, vel nulla inveniatur, tunc non solum verbo, sed etiam facto secundum ea, quæ præmissa sunt, dispensatio et restitutio fiat, et insignia sibi detracta seriatim, sigillatim, et solemniter ei coram altari restituantur. Et, si sit Episcopus, recuperabit orarium, baculum, annulum, sandalia, mitram, et alia insignia Pontificalia; si Presbyter, orarium, et planetam; si Diaconus, orarium, et dalmaticam; si Subdiaconus, tunicellam, et manipulum. Et reliqui gradus in restitutione sua recuperant ea, quæ, cum ordinarentur, receperunt. Poterit tamen (quod convenientius videtur) ad aliorum terrorem actualis degradatio sie fieri.

In primis in publico extra Ecclesiam paratur aliquis eminens congruentis spatii locus, pro degradatione facienda, supra quem ordinatur una credentia simplici tobalea cooperta, supra quam ponuntur ampulla vini, ampulla aqua; calix cum patena, et hostia; unum vas vini,

unum vas aquæ; liber Evangeliorum, liber Epistolarum ; bacile cum buccali et mantili; unum candelabrum cum candela extincta; liber Exorcismorum; liber Lectionum; claves; Antiphonarium; forcipes, cultellus, aut vitrum;, paramenta pro degradando: videlicet, si degradandus sit Archiepiscopus, ordinentur super dictam credentiam superpelliceum; sandalia cum caligis; amictus; alba; cingulum; manipulus; tunicella; stola; dalmatica; chirothecæ; alia stola; planeta; mitra; annulus Pontificalis; pallium; baculus pastoralis; et aliqua vestis habitus sæcularis. Si vero degradandus non sit Archiepiscopus, sed Episcopus tantum, omisso pallio, ponuntur super credentiam omnia alia prædicta. Si vero Presbyter tantum, omissis pallio, et aliis Pontificalibus paramentis prædictis, ponuntur ibidem omnia alia prædicta. Idem in aliis Ordinibus, etiam in ordinatione credentiæ observatur. Item paratur in dicto loco faldistorium pro Pontifice degradatore, sedilia pro Officialibus. Vocantur, et ibidem adsint Ministri Pontificis; Judex sæcularis, cui degradatus committatur; Notarius, qui processum degradationis legit (si opus erit, vel Pontifici placet), et barbitonsor.

Hora congruenti, ducitur degradandus, sive sit Archiepiscopus, sive quicumque alius, quotidiano suo habitu indutus, super dictum locum ad hoc præparatum; ubi cum fuerit, solvitur, et liber ibidem manet. Tum a Clericis induitur omnibus paramentis sui Ordinis, ut præmittitur, supra credentiam ordine suo positis; incipiendo a superpelliceo, et continuando usque ad ultimum paramentum sui Ordinis. Quo sic induto, Pontifex degradator indutus amictu, alba, cingulo, stola, et pluviali rubeis, ac mitra simplici, baculum pastoralem in sinistra tenens, ascendit ad locum prædictum, et ibidem sedet in faldistorio, in convenienti loco sibi parato, versus ad populum, astante sibi Judice sæculari. Tum degradandus, sive Archiepiscopus fuerit, sive alius, omnibus sui Ordinis vestibus sacris indutus, et singulis ornamentis ornatus, ha

[ocr errors]

bens in manibus ornamentum ad Ordinem suum spectans, ac si deberet in suo officio ministrare, adducitur ante Pontificem, coram quo genuflectit. Tum Pontifex, ut supra, sedens, populo in vulgari notificat degradationis hujusmodi causam; deinde contra degradandum sententiam fert in hæc verba, si sit Sacerdos, aut Diaconus, aut Subdiaconus, vel Clericus, et prius hujusmodi sententia lata non sit.

N nómine Patris, et Fílii, et Spíritus

IN

sancti, Amen. Quia nos N. Dei et Apostólica Sedis grátia Epíscopus N. per viam accusatiónis, vel denuntiatiónis aut inquisitiónis, cognoscéntes de crímine N. contra N. Presbyterum, vel Diáconum, vel Subdiáconum, seu Cléricum, propter ipsíus confessiónem, vel legítimas probatiónes, evidenter invénimus eum ipsum crimen commisisse; quod cum non solum grande, sed étiam damnábile, et damnósum sit; et ádeo enorme, quod exínde non tantum divína Majéstas offénsa, sed et univérsa cívitas commóta est, et ob hoc indígnus officio, et beneficio Ecclesiástico sit rédditus: idcirco nos auctoritate Dei omnipoténtis, Patris, et Fílii, et Spíritus sancti, et nostra, ipsum omni hujusmodi officio, et beneficio Ecclesiástico sententiáliter perpétuo privámus in his scriptis, ipsúmque ab illis verbo depónimus, et pronuntiámus reáliter, et actuáliter secúndum traditiónem Cánonum deponéndum, et degradándum.

Qua sententia sic, ut præfertur, lata, Pontifex degradator aufert ab illo singula ornamenta sibi juxta Ordinens suum tradita, inchoando ab ultimo ornamento, et descendendo gradatim, continuans usque ad primum, quod in prima Tonsura sibi datum fuit, hoc ordine.

DEGRADATIO AB ORDINE PONTIFICALI.

Si degradandus sit Archiepiscopus, Pontifex degradator aufert ab eo Pallium, sic dicendo:

[ocr errors]

Rærogatíva Pontificális dignitátis, quæ in Pállio designátur, te exúimus, quia male usus es ea.

Deinde, vel si degradandus sit Episcopus tantum, Pontifex degradator amovet ei mitram, dicendo:

Itra, Pontificális dignitátis vidélicet ornátu, quia eum

Mitra, Pontificalis videlicet quia cum

male præsidéndo fœdásti, tuum caput denudámus.

Deinde unus ex Ministris tradit degradando librum Evangeliorum, quem Pontifex degradator aufert de manibus degradandi, dicens:

R

Edde Evangélium, quia prædicándi officio, quo spreta Dei grátia, te indígnum fecisti, te juste privámus. Deinde Pontifex degradator amovet annulum de digito degradandi, sic dicens:

Nnulum, fidei scilicet signáculum, tibi digne subtráhimus, quia ipsam sponsam Dei Ecclésiam témere violásti. Tum unus ex Ministris tradit degradando in manus baculum pastoralem, quem mox Pontifex degradator tollit de manibus degradandi, dicens:

Uférimus a te báculum pastorálem, ut inde correctiónis officium, quod turbásti, non váleas exercére. Deinde extractis sibi per Ministros chirothecis, Pontifex degradator abradit degradando pollices, et manus leviter cum cultello, aut vitro, dicens:

Ic spirituális benedictiónis et delibutiónis mysticæ grá

Stia, in est, te

[ocr errors]

et benedicéndi perdas officium et efféctum.

Post hæc, Pontifex cum eodem cultello, aut vitro abradit leviter caput degradandi, dicens:

[ocr errors]

Onsecratiónem, et benedictiónem, atque unctiónem tibi tráditam radéndo delémus, et te ab Ordine Pontificáli, quo inhábilis es rédditus, abdicámus.

Tum degradando per Ministros extrahuntur sandalia.

DEGRADATIO AB ORDINE PRESBYTERATUS.

Ministri tradunt in manus degradandi Calicem cum vino et aqua, ac patena, et Hostia, quem Pontifex degradator aufert de manibus degradandi, dicens:

PONTIF. ROM.

26

« ZurückWeiter »