ỳ. Dóminus vobíscum. R. Et cum spíritu tuo. Orémus. Eus, cui omnis potéstas et dígnitas famulátur, da huic fámulo tuo Príncipi nostro N. prósperum suæ dignitátis efféctum, in qua te semper tímeat, tibíque júgiter placére conténdat. Per Christum Dóminum nostrum. R). Amen. Deinde Prælatus, si sit Episcopus, vel Major, accedit ad medium altaris, et ibi populo solemniter benedicit Jum sacris dimissis vestibus, Principem usque ad hospitium comitatur. ORDO AD RECIPIENDUM PROCESSIONALITER IMPERATRICEM, VEL REGINAM. Q Uando Imperatrix, vel Regina, ad aliquam urbem, aut insigne oppidum venit, Clerus processionaliter ei obviam venit extra portam. Imperatrix, vel Regina ex equo, vel (quod magis convenit) descendens, in terra super tapetes tratum genuflexa, osculatur Crucem, quæ per Prælatum sibi porrigitur. Deinde sub baldachino ducitur usque ad Ecclesiam ordine consueto. Interim cantatur Responsorium ton. 8. Ista est speciósa inter filias Jerúsalem. Sicut vidístis eam plenam charitáte, et dilectióne in cubílibus, et in hortis arómatum. ỳ. Ista est speciósa, quæ ascéndit de déserto, delíciis áffluens. Sicut vidístis. * ✩. Glória Patri, et Fílio, et Spirítui sancto. Sicut vidístis. Deinde cantantur Hynmi, vel aha Cautica magis placentia. Cum Imperatrix, vel Regina Ecclesiam intrat, Præ latus, accepto aspersorio, aspergit eam, deinde alios in genere; et procedunt usque ad altare majus, coram quo Imperatrix, vel Regina genuflectit super faldistorio ibidem sibi parato, et orat. Prælatus vero ascendit ad cornu Epistolæ altaris, ubi stans versus ad orantem, detecto capite, dicit: . Salvam fac ancillam tuam, Dómine. R. Deus meus, sperántem in te. Mitte ei, Dómine, auxílium de sancto. R. Et de Sion tuére eam. ỳ. Nihil proficiat inimícus in ea. R). Et filius iniquitátis non appónat nocére ei. . Fiat pax in virtúte tua. R. Et abundántia in túrribus tuis. Dóminus vobiscum. R. Et cum spíritu tuo. Orémus. Eus, cujus providéntia in sui dispositióne non fállitur, ineffábilem cleméntiam tuam súpplices exorámus, ut sicut Esther Regínam Israelítica, plebis causa salútis, ad Regis Assuéri thalamum, regníque sui consórtium transíre fecísti; ita hanc fámulam tuam, Christiánæ plebis salútis grátia, ad grátiam tuam transíre fácias, ut tibi super ómnia júgiter placére desíderet, et te inspiránte, quæ tibi plácita sunt, toto corde perficiat, et déxteræ tuæ poténtia illam semper hic, et ubíque circúmdet. Per Christum Dóminum nostrum. R. Amen. 'Deinde Prælatus, si sit Episcopus, vel Major, accedit ad medium altaris, et ibi solemniter populo benedicit. Tum sacris dimissis vestibus, Imperatricem, vel Reginam usque ad hospitium comitatur. ORDO AD RECIPIENDUM PROCESSIONALITER PRINCIPISSAM Rincipissa magnæ potentiæ recipitur processionaliter eo modo, et ordine, prout supra de Imperatrice, vel Regina dictum est; hoc solo excepto, quod loco Orationis, Deus, cujus providéntia, etc. dicitur hæc sequens Oratio: Orémus. Q Uæsumus, omnipotens Deus, ut hanc fámulam tuam ubíque sapiéntia tua dóceat, et confórtet; atque eam Ecclésia tua fidélem semper agnóscat. Per Christum Dóminum nostrum. R. Amen. DE OFFICIO QUOD POST MISSAM SOLEMNEM PRO DEFUNCTIS AGITUR. N exequiis alicujus Summi Pontificis, S. R. E. Cardinalis, seu Metropolitani, aut Episcopi proprii, seu Imperatoris, Regis, vel Ducis magni, aut Domini loci, fiuita Missa, ordinantur in loco, ubi absolutiones fieri debebunt, in capite loci, in medio, unum faldistorium pro illo, qui celebravit, et in quatuor angulis quatuor scabella, videlicet, in quolibet angulo unum scabellum. Subdiaconus accipit Crucem processionalem, unus Acolythus accipit thuribulum cum igne, et naviculam cum thure, et cochleari; alius Acolythus vas aquæ benedictæ cum aspersorio; ut duo alii Acolythi duo candelabra cum luminaribus ardentibus capiunt. Interim Prælatus, qui celebravit, apud faldistorium prope altare deponit planetam, et si placet, poterit deponere dalmaticam et tunicellam, et accipit pluviale nigrum, et mitram simplicem; et quatuor alii Prælati (si adsint) accedent ad Sacristiam, vel alium locum convenientem et propinquum, ubi quilibet eorum accipit super rochetum, vel si sit Regularis supra superpelliceum, amictum, stolam, pluviale nigrum, et mitram simplicem, si ea uti possunt, sin minus biretum; et omnes sic parati accedunt apud Prælatum celebrantem paratum, cum quo vadunt ad castrum doloris, seu feretrum, aut sepulturam, vel alium locum, in quo absolutiones fieri consueverunt, hoc ordine. Præcedant duo Acolythi, unus cum thuribulo, et navicula incensi, alius cum vase aquæ benedictæ, et aspersorio; tum duo alii Acolythi cum duobus aliis candelabris, et candelis accensis, in quorum medio erit Subdiaconus, qui in Missa cantavit Epistolam, paratus deferens Crucem; post eam duo juniores Prælati, deinde duo seniores, et quilibet eorum penes se habebit unum Capellanum superpelliceo indutum, qui mitra sibi serviat, et unum scutiferum, qui cereum accensum portet; ultimo loco incedet Prælatus, qui Missam celebravit, ad sinistram habens Diaconum paratum, qui eum comitetur; et post eum Capellani superpelliceis induti. Si vero non adsint quatuor Prælati, loco deficientium parantur digniores Canonici Ecclesiæ, vel alii in dignitate constituti, supra superpellicea pluvialibus nigris; et ordine supradicto procedunt ad locum absolutionis, nbi cum fuerint, locantur hoc ordine. Thuriferarius cum Acolytho deferente aquam benedictam, subsistunt in capite loci a parte dextera; Acolythi vero, Ceroferarii, ac Subdiaconus cum Cruce, vadunt ad pedes loci, et Subdiaconus cum Cruce collocabit se in medio eorum. Junior Prælatus sedebit in scabello in angulo castri doloris ad pedem dexterum; alius post eum in angulo ad humerum sinistrum; tertius in angulo ad pedem sinistrum; quartus, qui erit senior, in angulo ad humerum dexterum loci. Celebrans vero sedebit in faldistorio in capite loci, in medio, ita ut Crucem directe respiciat. Omnibus sic ordinatis, surget Celebrans detecto capite, omnibus similiter surgentibus, et incipiet in tono Lectionis absolute Orationem: N On intres in judícium cum servo tuo, Dómine, quóniam nullus apud te justificábitur homo, nisi per te ómnium peccatórum ei tribuátur remíssio; non ergo eum tua, quæsumus, judiciális senténtia premat, quem tibi vera supplicátio Fídei Christiánæ comméndat, sed grátia tua illi succurrénte, mereátur evádere judícium ultiónis, qui dum víveret insignítus est signáculo sanctæ Trinitátis. Per Christum Dóminum nostrum. R. Amen. Qua finita, omnes sedent, coopertis capitibus, vel Cantores incipiunt Responsorium, ton. 4. Ubveníte, Sancti Dei, occúrrite, Angeli Dómini, suscipientes ánimam ejus, scipiéntes ánimam ejus, Offeréntes eam in conspéctu Altíssimi. . Suscípiat te Christus, qui vocávit te; et in sinum Abrahæ Angeli dedúcant te. Offeréntes cam. R. Réquiem ætérnam dona ei, Dómine: et lux perpétua lúceat ei. Offeréntes eam. Tune duo Acolythi cum thuribulo et navicula, et aqua benedicta, et aspersorio accedent ad angulum dexterum capitis, ubi est dignior Prælatus, et se ad ejus dexteram collocabunt. Incepto versiculo, Réquiem ætérnam, etc. Acolythus dabit naviculam Diacono, et ipse accedet cum thuribulo ante dictum digniorem Prælatum, qui, ministrante Diacono naviculam, imponet thus in thuribulum. Finito Responsorio, Chorus cantat : Kyrie eléison. Et cum dicitur primum, Kyrie eléison, surgunt omnes, detectis capitibus, et ultimo Kyrie eléison, dieto, prædictus dignior Prælatus dicit voce intelligibili: Pater noster Quod secrete complet. Et interim accepto aspersorio cum aqua benedicta de manu Diaconi, aspergit sepulturam, seu lectum mortuorum, circumcirca ambulans, incipiens a sua parte dextera, tertio aspergens quamlibet |