Onsecráre, et sanctificáre dignéris, Dómine, manus istas per istam unctiónem, et nostram bene

RJ. Amen.

dictiónem.

Pontifex producit manu dextera signum crucis super manus illius, quem ordinat, et prosequitur:

Ut quæcúmque benedíxerint, benedicántur; et quæcúmque consecráverint, consecréntur, et sanctificéntur : In nómine Dómini nostri Jesu Christi.

Et quilibet ordinandus respondet: Amen.

Tum Pontifex claudit, sen jungit manus cuilibet successive, quas sic consecratas aliquis ministrorum Pontificis albo panniculo lineo simul, videlicet, dexteram super sinistram alligat; et mox unusquisque ad ordinem suum redit, et sic clausas et alligatas manus tenet. Omnium manibus unctis, et consecratis, Pontifex pollicem mica panis tergit; tum tradit cuilibet successive Calicem cum vino et aqua, et Patenam superpositam cum Hostia, et ipsi illam accipiunt inter indices et medios digitos, et cuppam Calicis et Patenam simul tangunt, Pontifice singulis dicente: Ccipe potestátem offérre Sacrificium Deo, Missásque celebráre tam pro vivis, quam pro defunctis. In nómine Dómini. R. Amen.

His peractis, Pontifex lavat manus cum medulla panis. et aqua lotionis hujusmodi projicitur in sacrarium. Deinde cum mitra revertitur ad sedem suam, vel ad faldistorium in cornu Epistolæ, in plano sibi paratum, ubi sedet cum mitra. Et chorus cantat ultimum versum Tractus, vel Sequentiæ, sive Allelúja. Interim accedunt duo capellani ante Pontificem cum libro et candela, qui ex eo legit dictum ultimum versum Tractus, vel Sequentiæ, sive Allelúja: legit etiam secrete, Munda cor meum, etc. atque Evangelium.

Interea unus ex Diaconis noviter ordinatis accedit ad altare cum textu Evangelii ante pectus, et dicit, Munda cor meum, etc. et cantat Evangelium. Interim parantur per ministros Hostiæ super altare, pro numero ordinatotum in Ordinibus sacris, qui omnes communicare debent;

et proceditur in Missa ordine solito. Interea dum Offertorium cantatur, vel etiam prius, ordinati Sacerdotes poterunt lavare manus suas cum medulla panis, et aqua bene mundare, atque extergere mappulis illis, quibus ligatæ erant; et aqua ablutionis hujusmodi projiciatur in sacrariuni.

Pontifex vero, Offertorio lecto, accepta mitra, vadit ad faldistorium ante medium altaris, et ibi sedens accipit Offertorium ab omnibus ordinatis, qui omnes accedunt bini et bini ad Pontificem; coram quo genuflexi offerunt illi singulas candelas accensas, et osculantur ejus manus; primo Presbyteri, tum Diaconi successive, et alii suo ordine.

Accepto singulorum Offertorio, Pontifex lavat manus, et surgit sine mitra, ac tollitur faldistorium, et prosequitur Missam.

Presbyteri vero ordinati, post Pontificem, vel hinc et inde, ubi magis commodum erit, in terra genuflexi, habeant libros coram se, dicentes: Súscipe, sancte Pater, etc. et omnia alia de Missa, prout dicit Pontifex: qui tamen bene advertat, quod Secretas morose dicat, et aliquantulum alte, ita ut ordinati Sacerdotes possint secum omnia dicere: et præsertim verba consecrationis, quæ dici debent eodem momento per ordinatos, quo dicuntur per Pontificem.

Secreta pro ordinatis, quæ dicitur cum Secreta Missæ diei, sub uno Per Dóminum, etc.

Uis, quæsumus, Dómine, operáre mystériis: ut hæc tibi múnera dignis méntibus offerámus. Per Dóminum nostrum Jesum Christum Fílium tuum: Qui tecum vivit, et regnat in unitáte Spíritus sancti Deus, per ómnia sæ¬ cula sæculórum. . Amen. R.

Cum Pontifex dixerit orationem, Dómine Jesu Christe, qui, etc. osculatur altare, et dat primo ex singulis ordinatis cujuslibet Ordinis sacri ad eum successive accedenti. et altare prius ad dexteram Pontificis deosculanti, pacem. dicens: Pax tecum.

Cui ille respondet: Et cum spiritu tuo.

Et quilibet illorum dat sequenti sui Ordinis secum or dinato, et ille alteri, et sic usque ad ultimum continuatur Si autem ordinatorum parvus sit numerus, Pontifex poterit dare pacem singulis.

Postquam vero Pontifex se communicaverit, et totum Sanguinem sumpserit, priusquam digitos abluat, accedunt ante altare Presbyteri, deinde Diaconi, tandem Subdiaconi: quibus ordinate dispositis, et genuflexis, Pontifex, facta reverentia Sacramento, et aliquantulum versus cornu Evangelii se retrahens, ad eos se convertit, et singuli ex Diaconis, et Subdiaconis tantum dicunt submissa voce:

Confiteor Deo. etc.

Et si officium fiat in cautu, unus de noviter ordinatis illud cantat.

Et Pontifex stans, capite.detecto, versus ad eos dicit intelligibili voce, nisi officium fiat in cantu:

M

Amen.

Isereátur vestri omnipotens Deus, et dimíssis peccátis vestris, perdúcat vos ad vitam æætérnam. Ndulgéntiam, absolutiónem, et remissiónem peccatórum vestrórum, tríbuat vobis omnipotens et miséricors Dóminus. Amen.

I

Et manu dextera signum Crucis super eos communiter producit. Presbyteri ante Communionem non dicunt confessionem, nec datur eis absolutio, quia concelebrant Pontifici propterea si non sunt alii ordinati, confessio, et absolutio prædictæ omittuntur.

Tum accedunt ordinati ad supremum gradum altaris bini et bini. Pontifex vero ponit plures Hostias consecratas super patenam, quam ori cujuslibet communicandi supponit, et singulos communicat, cuilibet dicens:

C

Orpus Dómini nostri Jesu Christi custódiat te in vitam ætérnam).

Quilibet respondet: Amen.

Et priusquam Communiouem sumat, manum Pontificis Hostiam teneutem osculatur.

Unus ministrorum Pontificis stat juxta cornu Epistolæ altaris Calicem habens, non illum, cum quo Pontifex celebravit, sed alium cum vino, et mappulam mundam in manibus, ad quem singuli communicati accedunt, et se purificant, os extergunt, et ad partem se locant.

Omnibus communicatis, Pontifex extergit Patenam super Calicem suum, super eum digitos abluit, sumit ablutionem, accipit mitram, et lavat manus.

Pontifex, lotis manibus, mitra deposita, stans in cornu Epistolæ altaris, versus ad illud inchoat in cantu, schola prosequente R. 8. ton. quod a Septuagesima usque ad Pascha dicitur, sine Allelúja.

Jam non dicam vos servos, sed amícos meos, quia ómnia cognovístis quæ operátus sum in médio vestri allelúja. Accípite Spíritum sanctum in vobis Paráclitum : Ille est, quem Pater mittet vobis, allelúja. y. Vos amíci mei estis, si feceritis quæ ego præcípio vobis. Accipite. Glória Patri, et Filio, et Spirítui sancto. Ille est, quem.

Incepto Responsorio, Pontifex, accepta mitra, vertit se ad Presbyteros ordinatos, qui ante altare coram ipso stantes profitentur fidem, quam prædicaturi sunt, dicentes:

Redo in Deum, Patrem omnipoténtem, Creatórem cœli et terræ. Et in Jesum Christum, Fílium ejus únicum, Dóminum nostrum. Qui concéptus est de Spíritu sancto, natus ex María Virgine. Passus sub Póntio Piláto: crucifixus, mórtuus, et sepúltus. Descéndit ad ínferos, tértia die resurréxit a mórtuis. Ascéndit ad cœlos, sedet ad déxteram Dei Patris omnipoténtis. Inde ventúrus est judicáre vivos et mórtuos. Credo in Spíritum sanctum. Sanctam Ecclésiam Cathólicam. Sanctórum Communiónem. Remissionem peccatórum. Carnis resurrectiónem. Vitam ætérnam. Amen.

Quo finito, Pontifex cum mitra sedens super faldistorium, ante medium altaris, imponit ambas manus super capita singulorum coram co genuflectentium, dicens cuilibet :

Ccipe Spíritum sanctum: quorum remíseris peccáta, remittuntur eis; et quorum retinúeris, reténta sunt. Deinde explicans casulam, quam unusquisque habet su-per humeros complicatam, induit illa quemlibet, singulis dicendo:

S

Tola innocéntiæ índuat te Dóminus.

Et mox unusquisque iterum ad Pontificem accedit: et genuflexus ponit manus suas junctas inter manus Pontificis dicentis cuilibet, si suus est Ordinarius :

Si vero Pontifex non est suus Ordinarius, cum manus eorum inter suas tenet, ut præfertur, dicit singulis Presbyteris sæcularibus:

P

Promíttis Pontifici Ordinário tuo, etc.
Singulis vero Regularibus:

Promíttis Præláto Ordinário tuo, etc.

Romíttis Pontifici ( vel Præláto) Ordinário tuo, pro témpore existénti reverentiam et obediéntiam.

Et ille respondet: Promitto.

Tunc Pontifex, tenens manus illius inter suas, osculatur unumquemque, dicens: Pax Dómini sit semper tecum. Et ille respondet: Amen.

His expletis, et eis ad ordinem suum reversis, Pontifex, sedens cum mitra, et baculo, admonet eos, dicens: Uia res, quam tractatúri estis, satis periculósa est, filii dilectíssimi, móneo vos, ut diligénter totíus Missæ órdinem, atque Hóstiæ consecratiónem, ac fractiónem, et communiónem, ab áliis jam doctis Sacerdótibus discátis, priusquam ad celebrándum Missam accedátis.

Pontifex surgit cum mutra et baculo, et Presbyteris coram eo adhuc genuflexis benedicit, dicens voce competenti: Enedictio Dei omnipoténtis Patris, et Filii, et Spíritus sancti descéndat super vos, ut sitis be

B