unum Deum omnipoténtem, ætérnum, invisibilem, et incommutábilem?

R. Credo.

Interrogatio.

Credis Sanctam, Cathólicam, et Apostólicam,

esse veram Ecclésiam, in qua unum datur verum baptísma, et vera ómnium remissio peccatóruin?

R. Credo.

Interrogatio.

Anathematizas étiam ómnem hæresim, extollentem se advérsus hanc sanctam Ecclésiam Catholicam?

Anathematizo.

Interrogatio.

Credis étiam veram resurrectiónem ejúsdem carnis, quam nunc gestas, et vitam ætérnam?

B. Credo.

Interrogatio.

Credis étiam novi, et véteris Testaménti, Legis, et Prophetárum, et Apostolórum, unum esse auctórem Deum, ac Dóminum omnipoténtem?

B. Credo.

Postea Consecrator dicit:

Ec tibi fides augeatur a Dómino, ad veram et ætér-
nam beatitúdinem, dilectíssime frater in Christo.
Et respondent omnes: Amen.

Expleto itaque examine, præfati assistentes Episcopi ducunt Electum ad Consecratorem, coram quo genuflexus, ejus manum reverenter osculatur. Tunc Consecrator, deposita mitra, cum ministris ad altare conversus. facit solito more Confessionem, Electo a sinistris ejus manente: et omnes Episcopi ante sedes suas stantes faciunt similiter Confessionem cum capellanis suis. Facta itaque Confessione, Consecrator ascendit ad altare, et osculatur illud, et Evangelium in Missa dicendum; et incensat altare, more solito. Deinde vadit ad sedem suam, vel faldistorium, et procedit

in Missa usque ad Allelúja, sive ultimum versum Tractus, vel Sequentiæ, exclusive.

Si vero Missa legitur, osculato altari et Evangelio, omissa incensatione, omnia prædicta legit in altari: et illis dictis, sive Missa legatur, sive cantetur, redit eum mitra ad sedendum in faldistorio, quod ante medium altaris sibi reponitur.

Episcopi vero assistentes ducunt Electum ad capellam suam: et ibi, deposito pluviali, Acolythi induunt illum sandalia, ipso Psalmos et orationes consuetas legente, si prius illa non acceperit. Tunc accipit Crucem pectoralem, et stola ei aptatur, ut ab humeris dependeat. Deinde tunicella, dalmatica, casula, et manipulo induitur; quibus indutus, accedit ad suum altare, ubi stans in medio, medius inter Episcopos assistentes, detecto capite, legit totum officium Missæ, usque ad Allelúja, sive ultimum versum Tractus, vel Sequentiæ exclusive; nec vertit se ad populum cum dicit: Dóminus vobíscum, ut in aliis Missis fieri solet.

Propter Ordinationes Episcoporum numquam mutatur Officium diei; dicitur tamen post Collectam diei, pro officio Consecrationis, Collecta pro Electo, sub uno, Per Dóminum, etc.

A

Oratio

Désto supplicatiónibus nostris, omnipotens Deus, ut quod humilitátis nostræ geréndum est ministério, tuæ virtútis impleátur efféctu. Per Dóminum nostrum Jesum Christum Fílium tuum: qui tecum vivit et regnat in unitáte Spíritus sancti Deus, per ómnia sæcula sæculórum. R. Amen.

Finito Graduali, si Allelúja dicitur, alioquin dicto Tractu, vel Sequentia, usque ad ultimum versum, exclusive, Consecrator accedit ad faldistorium ante medium altaris, et ibi sedet cum mitra: assistentes vero Episcopi iterum ducunt Electum ad Consecratorem, cui Electus, deposito bireto, caput profunde inclinans, humilem reveren

tiam facit: Assistentes vero cum mitris se aliquantulum inclinantes, etiam Consecratorem venerantur. Tum sedent omnes, ut prius, et Consecrator sedens cum mitra, versus ad illum, dicit :

Píscopum opórtet judicáre, interpretári, consecráre

Episcopum consecrare,

ordináre, offérre, baptizáre, et confirmáre.

Deinde omnibus surgentibus, Consecrator stans cum mitra, dicit ad circumstantes:

Rémus, fratres charíssimi, ut huic Elécto, utilitáti Ecclésie providens, benignitas omnipotentis Dei grati suæ tribuat largitátem. Per Christum Dóminum nostrum. R. Amen.

Et mox Consecrator ante faldistorium suum, et assistentes Episcopi ante sedes suas cum mitris procumbunt: Electus vero prosternit se a sinistris Consecratoris; ministri etiam, atque alii omnes genuflectunt.

Tum cantor, vel, si officium fit legendo, Consecrator incipit Litanias, dicens: Kyrie eléison, etc. prosequendo totas, prout supra in ordinatione Subdiaconi dictum est, pag. 31.

Postquam autem dictum fuerit: Ut ómnibus Fidélibus defunctis, etc.

R'. Te rogámus, áudi nos.

Consecrator ab accubitu surgens, ad Electum conversus, baculum Pastoralem cum sinistra tenens, dicit sub voce Litaniarum, primo:

*

Ut hunc præsentem Eléctum bene dicere dignéris.
Te rogámus, áudi nos.

Secundo dicit :

thunc præsentem Eléctum benedícere, et sanctificare dignéris.

R. Te rogámus, áudi nos.

Tertio dicit:

Ut hunc præsentem Eléctum benedícere, et sanctificáre, et conse cráre dignéris.

Producendo semper signum Crucis super illum: idemque faciunt, et dicunt assistentes Episcopi, genuflexi tamen permanentes.

Deinde iterum procumbit Consecrator, et cantor, sen ipse qui prius dixit, eas prosequitur usque ad finem: Ut nos exaudire dignéris, etc.

Quibus finitis, surgunt omnes, et Consecratore ante faldistorium suum cum mitra stante, Electus coram eo genuflectit.

Tum Consecrator, accepto libro Evangeliorum, illum apertum, adjuvantibus Episcopis assistentibus, nihil dicens, imponit super cervicem, et scapulas Electi, ita quod inferior pars libri cervicem capitis Electi tangat, littera ex parte inferiori manente: quem unus ex capellanis Electi, post ipsum genuflexus, quousque liber ipse eidem Electo in manus tradendus sit, continue sustinet.

Deinde Consecrator, el assistentes Episcopi ambabus manibus caput Consecrandi tangunt, dicentes:

Quo facto, Consecrator stans, deposita mitra, dicit: Ropitiáre, Dómine, supplicatiónibus nostris, et inclináto super hunc fámulum tuum cornu grátiæ sacerdotális, benedictiónis tuæ in eum effúnde virtútem. Per Dóminum nostrum Jesum Christum Filium tuum: Qui tecum vivit et regnat in unitáte Spíritus sancti Deus.

Deinde extensis manibus ante pectus, dicit:

* Per ómnia sæcula sæculórum.

R. Amen.

Dóminus vobiscum.

R. Et cum spíritu tuo.

y. Sursum corda.

R. Habémus ad Dóminum.

. Grátias agámus Dómino Deo nostro.

R. Dignum et justum est.

Vere dignum et justum est, æquum et salutáre, nos

tibi semper, et ubíque grátias ágere, Dómine sancte, Pater omnipotens, ætérne Deus, honor ómnium dignitátum, quæ glóriæ tuæ sacris famulántur ordinibus. Deus, qui Móysen fámulum tuum secréti familiáris affátu inter cætera cœléstis documénta cultúræ, de hábitu quoque induménti Sacerdotális instítuens, eléctum Aaron mystico amíctu vestíri inter sacra jussísti, ut intelligéntiæ sensum de exémplis priórum cáperet secutúra postéritas, ne erudítio doctrína tuæ ulli deésset ætáti. Cum et apud véteres reverentiam ipsa significatiónum spécies obtinéret, et apud nos certióra essent experiménta rerum, quam ænigmata figurárum. Illíus namque Sacerdótii anterióris hábitus nostræ mentis ornátus est; et Pontificálem glóriam non jam nobis honor comméndat véstium, sed splendor animárum. Quia et illa, quæ tunc carnálibus blandiebántur obtútibus, ea pótius, quæ in ipsis erant, intelligénda poscébant. Et idcirco huic fámulo tuo, quem ad summi Sacerdótii ministérium elegísti, hanc, quæsumus, Dómine, grátiam largiáris; ut quidquid illa velámina in fulgóre áuri, in nitóre gemmárum, et in multímodi óperis varietáte signábant, hoc in ejus móribus, actibúsque claréscat. Comple in Sacerdóte tuo ministérii tui summam, et ornamentis totíus glorificatiónis instrúctum, cœléstis unguénti rore sanctífica.

Si in Romana Curia fit Consecratio, Subdiaconus Apostolicus, vel unus ex capellanis Pontificis, ligat caput Electi cum una ex longioribus mappulis, de octo superius dictis; et Consecrator, flexis genibus, versus ad altare, incipit, cæteris prosequentibus, Hymnum:

Veni creátor Spíritus, etc.

Et dicitur usque ad finem, prout habetur supra in ordinatione Presbyteri, pag. 50.

Finito primo versu, surgit Pontifex, et sedet in faldistorio ante medium altaris; capit mitram; deponit annulum et chirothecas; resumit annulum, et imponitur ei gremiale a ministris. Tum pollicem suum dexterum intingit in sanctum Chrisma, et caput Electi coram se genuflexi inun