git, formans primo signum Crucis per totam coronam, deinde reliquum coronæ liniendo, interim dicens:

U

Ngátur, et consecrétur caput tuum, cœlésti benedictióne, in órdine Pontificáli.

Et producens manu dextera tertio signum Crucis super . caput Electi, dicit:

I n nómine Patris, et Filii, et Spíritus sancti.
R. Amen.

*. Pax tibi.

R. Et cum spíritu tuo.

Et si plures sint Consecrandi, boc in persona cujuslibet singulariter repetit.

Expleta unctione, Pontifex pollicem cum medulla panis paululum abstergit; et finito hymno prædicto, deposita mitra, surgit; et in pristina voce prosequitur, dicens:

Hoc, Dómine, copióse in caput ejus ínfluat; hoc in oris subjécta decúrrat; hoc in totíus córporis extréma descéndat: ut tui Spíritus virtus et interióra ejus répleat, et exterióra circúmtegat. Abúndet in eo constantia fidei, púritas dilectiónis, sincéritas pacis. Sint speciósi munére tuo pedes ejus ad evangelizándum pacem, ad evangelizándum bona tua. Da ei, Dómine, ministérium reconciliatiónis in verbo, et in factis, in virtúte signórum, et prodigiórum. Sit sermo ejus, et prædicátio, non in persuasibílibus humánæ sapiéntiæ verbis, sed in ostensióne spíritus, et virtútis. Da ei, Dómine, claves regni cœlórum, ut utátur, non gloriétur, potestáte, quam tríbuis in ædificatiónem, non in destructiónem. Quodcúmque ligáverit super terram, sit ligátum et in cœlis; et quodcúmque sólverit super terram, sit solútum et in cœlis. Quorum retinúerit peccáta, reténta sint; et quorum remíserit, tu remíttas. Qui maledíxerit ei, sit ille maledictus; et qui benedíxerit ei, benedictiónibus repleátur. Sit fidélis servus, et prudens, quem constituas tu, Dómine, super famíliam tuam, ut det illis cibum in témpore opportúno, et exhibeat omnem hóminem perféctum. Sit sollicitúdine ímpiger, sit spíritu fer

vens: óderit supérbiam, humilitátem ac veritátem díligat, neque eam umquam déserat, aut láudibus, aut timóre superátus. Non ponat lucem ténebras, nec ténebras lucem; non dicat malum bonum, nec bonum malum. Sit sapiéntibus et insipiéntibus débitor, ut fructum de proféctu ómnium consequátur. Tríbuas ei, Dómine, cáthedram Episcopálem, ad regéndum Ecclésiam tuam, et plebem sibi commíssam. Sis ei auctoritas, sis ei potéstas, sis ei firmitas. Multiplica super eum bene dictiónem, et grátiam tuam, ut ad exorándam semper misericórdiam tuam tuo múnere idóneus, et tua grátia possit esse devótus.

Deinde submissa voce dicit legendo, ita quod a circumstantibus audiri possit.

Per Dóminum nostrum Jesum Christum Fílium tuum: Qui tecum vivit et regnat in unitáte Spíritus sancti Deus, per ómnia sæcula sæculórum. R. Amen.

Post hæc Consecrator inchoat, schola prosequente, Antiphonam, ton. 2.

Unguéntum in capite, quod descéndit in barbam, barbam Aaron, quod descéndit in oram vestiménti ejus: mandávit Dóminus benedictiónem in sæculum.

Psalmus 132.

Cce quam bonum, et quam jucúndum habitáre fratres in unum.

Sicut unguéntum in cápite, quod descéndit in barbam, barbam Aaron.

Quod descendit in oram vestiménti ejus: sicut ros Hermon, qui descéndit in montem Sion.

Quóniam illic mandávit Dóminus benedictiónem, * et vitam usque in sæculum.

lória Patri, etc.

Sicut erat etc.

Deinde repetitur tota Antiphona, Unguéntum etc.

Incepta Antiphona ante Psalmum, imponitur ad collum Electi alia ex longioribus mappulis, de octo supra dietis. Consecrator sedet, accipit mitram, et Electo ante ipsum

genuflexo inungit ambas manus simul junctas cum Chrismate in modum crucis, producendo cum pollice suo dextero intincto duas lineas, videlicet a pollice dexteræ manus usque ad indicem sinistræ, et a pollice sinistræ usque ad indicem dexteræ, et mox inungat totaliter palmas Electi, dicens:

U

Ngántur manus istæ de óleo sanctificato, et Chrísmate sanctificatiónis, sicut unxit Sámuel David Regem, et Prophétam, ita ungántur et consecrentur.

Et producens manu dextera ter signum crucis super manus Electi, dicit:

In nomine Dei Patris, et Filii, et Spíritus sancti, faciéntes imáginem sanctæ Crucis Salvatóris nostri Jesu Christi, qui nos a morte redémit, et ad regna cœlórum perduxit. Exáudi nos, pie Pater omnipotens, ætérne Deus; et præsta, ut quod te rogámus, exorémus. Per eúmdem Christum Dóminum nostrum. . Amen.

Et prosequitur sedens:

Eus, et Pater Dómini nostri Jesu Christi, qui te ad Pontificátus sublimári vóluit dignitátem, ipse te Chrísmate, et mysticæ delibutiónis liquóre perfúndat, et spirituális benedictiónis ubertáte fœcúndet; quidquid bene díxeris, bencdicátur; et quidquid sanctificáveris, sanctificétur; et consecrátæ manus istius, vel póllicis imposítio, cunctis proficiat ad salutem. R. Amen.

Præmissis itaque expeditis, Consecratus jungit ambas manus, et dexteram super sinistram tenet, et eas imponit. mappulæ a collo dependenti. Consecrator vero abstergit paululum cum medulla panis pollicem; et deposita mitra, surgit, et benedicit baculum pastoralem, si non sit benedictus, dicens :

R. Amen.

in móribus hujus fámuli tui, tuæ propitiatiónis cleméntia, operétur. Per Christum Dóminum nostrum.

Deinde illum aspergit aqua benedicta.

Tum sedens, accepta mitra, solus tradit illum Conseerato coram co genuflexo, capienti ipsum inter indices. et medios digitos, manibus non disjunctis, Consecratore dicente:

Ccipe báculum pastorális officii; ut sis in corrigéndis vítiis pie sæviens, judícium sine ira tenens, in fovéndis. virtútibus auditórum animos demúlcens, in tranquillitáte severitátis censúram non déserens. R. Amen.

Quo facto, deposita mitra, surgit Consecrator, et benedicit annulum, si nou sit prius benedictus, dicens: Orémus.

Reátor et conservátor humáni géneris, dator grátiæ spirituális, largitor ætérnæ salútis, tu, Dómine, emitte benedictiónem tuam super hunc ánnulum: ut quicúmque hoc sacrosanctæ fidei signo insignítus incésserit, in virtúte cœléstis defensiónis ad ætérnam vitam sibi proficiat. Per Christum Dóminum nostrum. R. Auren.

Tum aspergit ipsum annulum aqua benedicta; sedet eum mitra, et solus annulum in digitum annularem dexteræ manus Consecrati immittit, dicens:

A

Ccipe ánnulum, fidei scilicet signáculum; quátenus sponsam Dei, sanctam vidélicet Ecclésiam, intemeráta fide ornátus illibáte custódias. R. Amen.

Tum Consecrator accipit librum Evangeliorum de seapulis Consecrati, et adjuvantibus ipsum Episcopis assistentibus, tradit eum clausum Consecrato, tangenti illum sine apertione manuum, dicens:

A

Ccipe Evangélium, et vade, prædica pópulo tibi commísso; potens est enim Deus, ut augeat tibi grátiam suam: Qui vivit, et regnat in sæcula sæculórum.

K. Amen.

Demum Consecrator recipit Consecratum ad osculum pacis: similiter et Assistentes Episcopi singuli, dicentes ipsi Consecrato: Pax tibi.

Et ipse respondet singulis. Et cum spíritu tuo.

Tum Consecratus, medius inter Assistentes Episcopos, redit ad capellam suam, ubi abstergitur, ei sedenti, caput cum medulla panis, et cum panno mundo: deinde cum pectine mundantur et complanantur capilli, postea lavat manus: Consecrator vero in suo faldistorio manus lavat. Deinde procedit in Missa usque ad Offertorium inclusive. Idem facit Consecratus in capella sua.

Dicto Offertorio, Consecrator sedet cum mitra in faldistorio, ante medium altaris. Et Consecratus veniens ex sua capella, inter Assistentes Episcopos medius, coram Consecratore genuflectit; et illi offert duo intortitia accensa, duos panes, et duo barilia vino plena; et Consecratoris prædicta recipientis manum reverenter osculatur.

Deinde Consecrator lavat manus, et accedit ad altare. Consecratus etiam ad posterius cornu Epistolæ altaris ejusdem accedit: et ibi stans medius inter Episcopos Assistentes, ante se habens Missale suum, simul cum Consecratore dicit, et facit omnia, prout in Missali. Et ponatur una hostia consecranda, pro Consecrante et Consecrato, et vinum consecrandum in Calice, sufficiens pro utroque.

Secreta sequens dicitur cum Secreta Missæ diei sub uno, Per Dóminum. per Consecratorem.

Secreta.

Uscipe, Dómine, múnera, quæ tibi offérimus pro hoc

Dóminum nostrum Jesum Christum Fílium tuum: Qui tecum vivit et regnat in unitáte Spíritus sancti Deus, per ómnia sæcula sæculórum.

R Amen.

Consecratus dicit.

Secreta.

Uscipe, Dómine, múnera, quæ tibi offérimus pro me fámulo tuo et propitius in me tua dona custódias. Per Dóminum nostrum Jesum Christum Fílium tuum: Qui tecum vivit et regnal in unitáte Spíritus sancti Deus, per ómnia sæcula sæculórum.

Amen.