Interrogatio.

Vis castitátem, sobrietátem, bumilitátem, et patiéntiam, cum Dei adjutório, in te ipso custodíre, subditósque tuos tália docére?

R. Volo.

Interrogatio.

Vis res Monastérii tibi commissi fidéliter custodire, et in usus Ecclésiæ, fratrum, páuperum, et peregrinórum distribúere?

- Volo.

Interrogatio.

Vis sanctæ matris Ecclésiæ Romanæ, ac Sanctíssimo Dómino nostro N. summo Pontífici, ejúsque successóribus fidem, subjectiónem, obedientiam, et reverentiam devóte et fidéliter per ómnia perpétuo exhibére?

R. Volo.

Si vero benedicendus exemptus non est, neque auctoritate Apostolica, sed ab ordinario suo Pontifice benedicitur, post prædictas omnes interrogationes subjungitur etiam sequens; quæ alias omittitur, quando benedicendus est ab ordinaria jurisdictione exemptus.

Interrogatio.

Vis sanctæ Ecclésia N. nominando Ecclesiam Patriarchalem, Metropolitanam, seu Cathedralem, cujus Prælati jurisdictioni Electus Abbas seu ejus Monasterium subjecti existunt, Mihique ejúsdem Patriarchæ, vel Archiepiscopo, vel Epíscopo, et meis successóribus fidem, subjectiónem, obedientiam, et reverentiam devóte et fidéliter perpétuo exhibere?

R. Volo.

Si autem benedicendus Abbas, non exemptus auctoritate Apostolica, ab alio, quam Ordinario suo, Pontifice benedicitur; Pontifex benedictionem ei impensurus, loco interrogationis proxime posita, et illa omissa, sequentem subjungit, dicens:

Vis sanctæ Ecclésia N. nominando Ecclesiam Patriar

PONTIF. ROM.

7

chalem, Metropolitanam, seu Cathedralem, cujus Pontificis jurisdictioni Electus Abbas seu ejus Monasterium subjecti existunt, illiúsque Patriarchæ, aut Archiepiscopo, vel Episcopo, ac suis successóribus fidem, subjectiónem, obediéntiam, et reverentiam devóte et fidéliter perpétuo exhibére? R. Volo.

Subjungit Pontifex:

Ec ómnia et cætera bona tríbuat tibi Dóminus, et custódiat te, atque corróboret in omni bonitáte. R. Amen.

Tunc Electus ante Pontificem genuflexus osculatur ejus manum. Deinde deposita mitra, surgit Pontifex, et staus versus ad altare facit Confessionem, Electo a sinistris sibi respondente. Qua finita, Pontifex ascendens ad altare, osculatur illud, et Evangelium in Missa dicendum; atque incensat altare more solito: deinde accedit ad sedem suam, et procedit in Missa usque ad Allelúja, sive ultimum versum Tractus, vel Sequentiæ, exclusive. Si vero Missa legitur, osculato altari et Evangelio, omissa incensatione, omnia prædicta leguntur in Altari. Electus vero vadit cum Assistentibus ad capellam suam; ubi deposito pluviali, accipit sandalia, dicens Psalmos consuetos ante Missam. Tum accipit crucem pectoralem, et aptatur ei stola, ut ab humeris dependeat; deinde sumit tunicellam, dalmaticam, planetam, et manipulum: et hoc, si ex privilegio mitra uli possit; qua si uti sibi licet, et prius sit Professus, ac Missa legatur, potest accipere sandalia, et dicere Psalmum, Quam dilécta, etc. ac paramenta omnia Sacerdotalia capere, dempta planeta, cujus loco accipit pluviale, ante inchoationem officii, co tempore, quo Pontifex eum benedicturus Pontificalia paramenta recipit. Si vero non sit de mitra, deposito pluviali, et retenta stola in modum Presbyteri, accipit, planetam tantum. Qua indutus, stans in altari suo medius inter Assistentes, prosequitur Missam usque ad Allelúja, si dicitur, sive ultimum versum Tractus, vel Sequentiæ, exclusive. Et cum dicit, Dóminus vobiscum,

non se debet ad populum vertere. Missa dicitur de die, cum Collecta pro Electo sub uno, Per Dóminum. cum Collecta dici per Pontificem.

Oratio.

Concede, quæsumus, Dómine, huic fámulo tuo, ut

prædicándo, et exercéndo quæ recta sunt, per exémplum bonórum óperum ánimos suórum ínstruat subjectórum; et ætérnæ remuneratiónis mercédem a te piíssimo Pastóre percipiat. Per Dóminum nostrum Jesum Christum Fílium tuum: Qui tecum vivit et regnat in unitáte Spíritus sancti Deus, per ómnia sæcula sæculórum. Amen.

Electus vero dicit Orationem.

'Oncéde, quæsumus, Dómine, mihi fámulo tuo, ut prædicándo, et exercéndo quæ recta sunt, per exémplum bonórum óperum ánimos meórum ínstruam subjectórum ; et ætérnæ remuneratiónis mercédem a te piíssimo Pastóre percipiam. Per Dóminum nostrum Jesum Christum Fílium tuum: Qui tecum vivit et regnat in unitáte Spíritus sancti Deus, per ómnia sæcula sæculórum.. Amen.

Dieto Graduali, si Allelúja est dicendum, alioquin dieto etiam Tractu, vel Sequentia usque ad ultimum versum exclusive, Pontifex sedet cum mitra in faldistorio suo ante altare. et ante eum reducitur Electus per Assistentes; et facta Pontifici reverentia, ut prius, surgit Pontifex, et genuflexus cum mitra procumbit in faldistorio suo. Assistenles genuflectunt ante scabella. Electus vero ad sinistram Pontificis prosternit se. Tunc cantores incipiunt, choro respondente, vel, si non sint cantores et chorus, dicit Pontifex, cæteris sibi respondentibus, Antiphonam ton. 4.

Ve reminiscáris, Dómine, delícta nostra, vel paréntum nostrórum; neque vindictam sumas de peccátis nostris, Dómine Deus noster.

Psalmas 6,

Omine, ne in furóre tuo árguas me,

neque in ira

tua corrípias me.

Miserére mei, Dómine, quóniam infirmus sum: sana me, Dómine, quóniam conturbáta sunt ossa mea.

It ánima mea turbáta est valde: úsquequo?

sed tu,

Dómine,

Convertére, Dómine, et éripe ánimam meam: salvum me fac propter misericórdiam tuam.

Quóniam non est in morte qui memor sit tui: * in inférno autem quis confitébitur tibi?

Laborávi in gémitu meo, lavábo per síngulas noctes lectum meum: lácrymis meis stratum meum rigábo. Turbátus est a furóre óculus meus, inveterávi inter omnes inimícos meos.

Discédite a me omnes qui operámini iniquitátem : quóniam exaudívit Dóminus vocem fletus mei.

Exaudívit Dóminus deprecatiónem meam: Dóminus oratiónem meam suscépit.

Frubéscant, et conturbéntur veheménter omnes inimíci mei : convertántur et erubéscant valde velóciter. Glória Patri, etc.

Sicut erat, etc.

Psalmus 31.

Eáti, quorum remissæ sunt iniquitátes: et quorum tecta sunt peccáta.

Reátus vir, cui non imputávit Dóminus peccátum, nec est in spíritu ejus dolus.

Quóniam tácui, inveteravérunt ossa mea, dum cla

márem tota die.

Quóniam die ac nocte graváta est super me manus tua: convérsus sum in ærúmna mea, dum configitur spina. Delictum meum cógnitum tibi feci, et injustítiam meam non abscóndi.

Dixi: Confitebor advérsum me injustítiam meam Dómino: et tu remisísti impietátem peccáti mei.

Pro hac orábit ad te omnis sanctus, in témpore opportúno.

Verúmtamen in dilúvio aquárum multárum ad eum non approximábunt.

Tu es refúgium meum a tribulatióne, quæ circúmdedit me: * exultátio mea érue me a circumdántibus me.

Intellectum tibi dabo, et ínstruam te in via hac, qua gradiéris; firmábo super te óculos meos.

Nolíte fieri sicut équus et mulus: * quibus non est intelléctus.

In camo et fræno maxillas eórum constrínge, * qui non appróximant ad te.

Multa flagélla peccatóris, sperántem autem in Dómino misericórdia circúmdabit.

Lætámini in Dómino, et exultáte justi, * et gloriámini omnes recti corde.

Glória Patri, etc.

Sicut erat, etc.

Psalmus 37.

Domine, ne in furore tuo árguas me,

tua corripias me.

neque in ira

Quóniam sagittæ tuæ infixæ sunt mihi, * et confirmásti super me manum tuam.

Non est sánitas in carne mea a fácie iræ tuæ: non est pax óssibus meis a fácie peccatórum meórum.

Quóniam iniquitátes meæ supergréssæ sunt caput meum:* et sicut onus grave gravátæ sunt super me.

Putruérunt, et corrúptæ sunt cicatrices meæ, * a fácie insipiéntiæ meæ.

Miser factus sum, et curvátus sum usque in finem: tota die contristátus ingrediébar.

Quóniam lumbi mei impléti sunt illusiónibus: et non est sánitas in carne mea.

A. fflíctus sum, et humiliátus sum nimis: * rugiébam a gémitu cordis mei.

Dómine, ante te omne desidérium meum: et gemitus meus a te non est abscónditus.