Uide, domine, humilitatem meam et laborem. Exaudi me, domine, quoniam benigna est misericordia.

Ne memineris, domine, iniquitatum.
Adiuua, deus, salutaris noster.
Domine, exaudi orationem.

Oremus1.

Adesto, domine, supplicationibus nostris, et me qui etiam misericordia tua primus indigeo, clementer exaudi, et quem non electione meriti, sed dono gratiæ tuæ constituisti operis huius ministrum, da fiduciam tui muneris exsequendi, et ipse in nostro ministerio quod tuę pietatis est operare."

Alia.

Præsta, quesumus, domine, huic famulo (uel populo, lis) tuo (tuis) .ill. dignum pænitentiæ fructum, ut ecclesiæ tuę sanctæ reconciliatus, a cuius integritate deuiarat (rant) peccando, admissorum reddatur innoxius (xii) ueniam consequendo.y

Alia.

Deus, humani generis benignissime conditor, et misericordissime reformator, qui hominem inuidia diaboli ab æternitate deiectum, unici filii tui sanguine redemisti, uiuifica hunc (hos) famulum (uel populum, los) tuum (tuos) .ill. quem (quos) tibi nullatenus mori desideras, et qui non derelinquis deuium (os) assume correptum (tos). Moueant pietatem tuam, domine, quesumus, huius (horum) famuli (uel populi, lorum) tui (orum) lacrimosa suspiria. Tu eius (eorum) medere uulneribus; tu iacenti (bus) manum porrige salutarem, ne ecclesia tua aliqua sui corporis portione uastetur; ne grex tuus detrimentum sustineat ; ne de familiæ tuæ dampno inimicus exultet; ne renatum (os) lauacro salutari mors secunda possideat. Tibi ergo, domine, supplices preces offerimus, tibi fletum cordis effundimus. Tu parce confitenti (bus), ut sic in hac mortalitate peccata sua, te adiuuante, defleat (n); qualiter in tremendi iudicii die sententiam dampnationis euadat (n); et nesciat (n), piissime pater, quod terret in tenebris, quod stridet in flammis,

atque ab erroris sui uia ad iter reuersus (i) iustitiæ, nequaquam ultra uulneribus saucietur (n), sed integrum sit ei (s) atque perpetuum, et quod gratia contulit et quod misericordia reformauit. Per eundem.Y

(Exurge qui dormis, exurge a mortuis, et illuminabit te christus).

Benedictio in cæna domini. Fer. v.

Benedicat uos deus, qui per unigeniti filii sui passionem uetus pascha in nouum uoluit conuerti, concedatque uobis ut, expurgato ueteris fermenti contagio, noua in uobis perseueret consparsio. Amen.

Et qui ad celebrandam redemptoris nostri cænam mente deuota conuenistis, æternarum dapium uobiscum æpulas reportetis. Amen.

Ipsius quoque opitulante clementia mundemini a sordibus peccatorum, qui ad insinuandum humilitatis exemplum, pedes uoluit lauare discipulorum. Amen.

Quod ipse præstare dignetur, cuius regnum et imperium sine fine fine1 permanet in sæcula sæculorum. Amen 2.

Fer. v. statio ad missam3.

Deus, A QUO ET IUDAS REATUS sui pœnam, et confessionis suæ latro premium sumpsit; conce(de) nobis tuæ propitiationis effectum, ut sicut in passione sua ihesus christus dominus noster diuersa utrisque intulit stipendia meritorum, ita nobis ablato uetustatis errore, resurrectionis suæ gratiam largiatur. Qui tecum uiuit.”

Secreta.

Ipse tibi, quesumus, domine sancte, pater omnipotens, æterne deus, sacrificium nostrum reddat acceptum, qui discipulis suis in sui commemoratione hoc fieri hodierna traditione monstrauit, ihesus christus dominus noster. Qui tecum uiuit et regnat.

1 Dotted.

3 A. Nos autem gloriari.
PS. Deus misereatur.
Gloria in excelsis.
R. Christus factus est.

v. Propter quod.
OF. Dextera domini.

2 O. p. 368.

COM. Dominus ihesus postquam.

(EP. Conuenientibus. EV. Ante diem festum paschę).