Abbildungen der Seite
PDF
EPUB

APPENDIX.

APPENDIX.

I.

Cranmer's Oaths and Protestation at his Consecration.

contra

p. 1107.

IN DEI NOMINE AMEN. Per præsentis publici instrumenti Processus seriem cunctis appareat evidenter et sit notum, quod anno Do- Cranmemini millesimo quingentesimo tricesimo tertio, indictione sexta, rum in Strype, regni illustrissimi metuendissimi ac invictissimi principis et do- Cranm. mini nostri supremi Henrici octavi, Dei gratia Angliæ et Franciæ Add. Regis, fidei defensoris, et domini Hiberniæ excellentissimi anno vicesimo quarto, mensis vero Martii die tricesimo, in domo Capitulari Collegii Regii sancti Stephani prothomartyris prope palatium Regium Westm' London' diocesis notorie situat', constitutus personaliter reverendissimus in Christo pater dominus Thomas, in Cant' Archiepiscopum (ut dicebat) electus, in mea prothonotarii Regii ac notarii subscripti, ac venerabilium virorum magistri Johannis Tregonwell legum doctoris, et Thomæ Bedyll clerici a consiliis dicti domini nostri Regis, Ricardi Gwent decretorum doctoris Curiæ Cantuar' Officialis principalis, et Johannis Cocks legum doctoris dicti reverendissimi patris audientiæ causarum et negotiorum Auditoris ac Vicarii in spiritualibus Generalis, testium in hac parte specialiter adhibitorum præsentia, protestationes quasdam fecit, legit, et interposuit, ac cætera feçit, prout in quadam papiri schedula, quam tunc ibidem in manibus suis tenuit et perlegit, plenius continebatur. Cujus quidem schedulæ verus tenor (nil addito vel dempto) de verbo ad verbum sequitur, et est talis.

IN DEI NOMINE AMEN. Coram vobis authentica persona et tes- Protestation. tibus fide dignis hic præsentibus, Ego Thomas in Cant' Archiepiscopum electus, dico, allego, et in his scriptis palam, publice, et expresse protestor; quod cum juramentum sive juramenta ab electis in Cant' Archiepiscopos summo Pontifici præstari solita, me ante meam consecrationem aut tempore ejusdem, pro forma potius

quam pro esse aut re obligatoria ad illam obtinend' oporteat, non est nec erit meæ voluntatis aut intentionis, per hujusmodi juramentum vel juramenta, qualitercunque verba in ipsis posita sonare videbuntur, me obligare ad aliquod ratione eorundem posthac dicendum, faciendum, aut attemptandum, quod erit aut esse videbitur contra legem Dei, vel contra illustrissimum Regem nostrum Angliæ, aut rempublicam hujus sui regni Angliæ legesve aut prærogativas ejusdem; et quod non intendo per hujusmodi juramentum aut juramenta, quovismodo me obligare, quo minus libere loqui, consulere, et consentire valeam in omnibus et singulis reformationem religionis Christianæ, gubernationem Ecclesiæ Anglicanæ, aut prærogativam Coronæ ejusdem reipublicæve commoditatem quoquomodo concernen', et ea ubique exequi et reformare quæ mihi in Ecclesia Anglicana reformanda videbuntur. Et secundum hanc interpretationem et intellectum hunc, et non aliter neque alio modo, dicta juramenta me præstiturum protestor et profiteor. Protestorque insuper, quodcunque juramentum sit, quod meus procurator summo Pontifici meo nomine antehac præstitit, quod non erat intentionis aut voluntatis meæ sibi aliquam dare potestatem, cujus vigore aliquod juramentum meo nomine præstare potuerit, contrarium aut repugnans juramento per me præstito aut imposterum præstando præfato illustrissimo Angliæ Regi. Et casu quo aliquod tale contrarium aut repugnans juramentum meo nomine præstitit, protestor quod illud, me inscio, et absque mea auctoritate præstitum, pro nullo et invalido esse volo. Quas protestationes in omnibus clausulis et sententiis dictorum juramentorum repetitas et reiteratas volo; a quibus per aliquod meum factum vel dictum quovismodo recedere non intendo, nec recedam; sed eas mihi semper salvas esse volo.

Super quibus omnibus et singulis præmissis, dictus reverendissimus pater me prothonotarium et notarium prædictum, unum vel plura publicum seu publica instrumentum sive instrumenta exinde conficere, ac testes superius nominatos testimonium perhibere rogavit et requisivit. Et deinde die, mense, et anno prædictis, dictus reverendissimus dominus Thomas electus, in mea et prælibatorum venerabilium virorum præsentia testium ad hoc etiam adhibitorum, dict' domum Capitularem exivit, et ad gradus summi altaris dicti Collegii vestibus sacerdotalibus amictus ad recipiendum munus consecrationis perrexit, ac ibidem coram reverendo in Christo patre domino Johanne, permissione divina

Lincoln' Episcopo, pontificalibus induto super cathedram honorifice ornatam sedente, reverendis patribus Johanne Exon' et Henrico Assaven' Episcopis eidem Lincoln' Episcopo in actu consecrationís dicti reverendissimi electi assistentibus, genibus innixus, quandam pergameni schedulam tenoris sequentis, viz.

IN DEI NOMINE AMEN. Ego Thomas, electus Cantuarien', First oath. ab hac hora inantea, fidelis et obediens ero beato Petro, sanctæque apostolicæ Romanæ Ecclesiæ, ac domino nostro domino Clementi Papæ septimo, suisque successoribus canonice intrantibus. Non ero in consilio aut consensu vel facto, ut vitam perdant aut membrum, seu capiantur, aut in eos manus violenter quomodolibet ingerantur, vel injuriæ aliquæ inferantur quovisquæsito colore. Consilium vero, quod mihi credituri sunt per se aut nuncios seu literas, ad eorum damnum (me sciente) nemini pandam. Papatum Romanum et regalia sancti Petri, adjutor eis ero ad retinendum et defendendum contra omnem hominem. Legatum apostolicæ sedis in eundo et redeundo honorifice tractabo, et in suis necessitatibus adjuvabo. Jura, honores, privilegia, et auctoritatem Romanæ Ecclesiæ, domini nostri Papæ et successorum suorum prædictorum conservare et defendere, augere et promovere curabo. Nec ero in consilio vel tractatu, in quibus contra ipsum dominum nostrum, vel eandem Romanam Ecclesiam, aliqua sinistra vel prejudicialia personarum, juris, honoris, status, et potestatis eorum machinentur, et si talia a quibuscunque procurari novero vel tractari, impediam hoc pro posse, et quantocius potero commode significabo eidem domino nostro, vel alteri per quem ad ipsius notitiam pervenire possit. Regulas sanctorum patrum, decreta, ordinationes, sententias, dispositiones, reservationes, provisiones, et mandata apostolica, totis viribus observabo, et faciam ab aliis observari. Hæreticos, schismatos, et rebelles domino nostro et successoribus prædictis, pro posse persequar et impugnabo. Vocatus ad synodum veniam, nisi præpeditus fuero canonica præpeditione. Apostolorum limina, Romana Curia existente citra, singulis annis, ultra vero montes, singulis bienniis visitabo, aut per me aut per meum nuncium, nisi apostolica absolvar licentia. Possessiones vero ad mensam meam pertinentes non vendam, neque donabo, nec impignorabo, neque de novo infeudabo, vel aliquo modo alienabo, etiam cum consensu capitalis Ecclesiæ meæ, inconsulto Romano pontifice. Sic me Deus adjuvet, et hæc sancta Dei Evangelia,-manibus suis tenens,

« ZurückWeiter »