ejusdem adventus vos illustratione sanctificet, et sua benedictione locupletet. Amen.

In præsentis vitæ stadio vos ab omni adversitate defendat, et se vobis in judicio placabilem ostendat. Amen.

Quo a cunctis peccatorum contagiis liberati, in præsentis vitæ curriculo cum sanctis animabus tanto intercessore inveniamini digni, et illius tremendi examinis diem expectetis interriti. Amen.

Ista benedictio sequens dicatur in fine cujuslibet benedictionis per annum.

Quod ipse præstare dignetur, cujus regnum et imperium sine fine permanet in sæcula sæculorum. Amen. Benedictio Dei omnipotentis, Patris, et Filii, et Spiritussancti, descendat super vos, et maneat semper. Amen.

Benedictio in festo sancti Stephani protomartyris. Deus, qui beatum Stephanum protomartyrem et confessione fidei et agone coronavit martyrii, mentes vestras circumdet in præsenti sæculo corona justitiæ, et in futuro perducat ad coronam gloriæ sempiternæ. Amen.

Illius obtentu tribuat vobis Dei et proximi caritate semper fervere, qui hanc studuit etiam inter lapidantium impetus feliciter obtinere. Amen.

Quo ejus et exemplo roborati, et intercessione muniti, ab eo quem ille a dextris Dei vidit stantem mereamini benedici. Amen.

Quod ipse, &c.

In die pascha. Benedictio.

Benedicat vos omnipotens Deus, hodierna interveniente paschali solemnitate: et ab omni miseratus dignetur defendere pravitate. Amen.

Ut qui ad æternam vitam in unigeniti sui resurrectione vos reparat: in ipsius adventu immortalitatis vos gaudiis vestiat. Amen.

Ut qui expletis jejuniorum sive passionis dominicæ diebus paschalis festi gaudia celebratis: ad ea festa quæ non sunt annua sed continua, ipso opitulante exultantibus animis veniatis. Amen. Quod ipse, &c.

In festo sanctæ Trinitatis.

Omnipotens Trinitas, unus et verus Deus, Pater et Filius, et Spiritus sanctus, det vobis eum desiderare feliciter, agnoscere veraciter, diligere sinceriter. Amen.

Æqualitatem atque incommutabilitatem suæ essentiæ ita vestris mentibus infigat, ut ab eo nunquam vos quibuscumque phantasiis aberrare permittat. Amen.

Sicque vos in sua fide et caritate perseverare concedat, ut per ea postmodum ad sui manifestationem visionemque interminabilem introducat. Amen. Quod ipse, &c.

In celebratione nuptiarum.

Summæ providentiæ Dominus qui post lapsum protoplastorum per bona matrimonii usum carnalis desiderii excusabilem existere decrevisti, sanctificare digneris conjugale propositum in quo præsentes conjuges abdicatis tori illiciti maculis nectere voluisti. Amen.

Da eis sub præsentis commercii indulgentia inquinamenta cætera devitare: ut fructum tricenum ex verbi tui semine valeant obtinere. Amen.

Quo sicut conjugium magis magnum existat Christi et ecclesiæ sacramentum, sic unitati corporum præponderet caritas animarum, et magis tolerantes quam amantes carnale commercium ad illud mentaliter suspendantur gaudium, ubi similitudo felicitatis angelicæ excludit omne contagium mortalium nuptiarum. Amen.

Quod ipse, &c.

VIII.

The following prayers are taken from a manuscript missal in my possession, of the thirteenth century; it formerly belonged to some English Benedictine monastery. I do not remember to have seen these prayers in any other missal; they are placed immediately before the prefaces, after the ordinary. Martene, among the numerous orders which he gives in the first volume of his collections, has printed an ancient one preserved in the Colbertine library, in which some similar prayers may be found; De ant. ecc. rit. tom. i. p. 194.

D miscendum. Ex latere Christi sanguis et

A

aqua exisse perhibetur, et ideo pariter commiscemus: ut omnipotens et misericors Deus utrumque ad medelam animarum nostrarum sanctificare dignetur. Qui vivit.

Ad corporale sternendum. In tuo conspectu, Domine, quæsumus hæc nostra munera tibi placita sint, ut nos tibi placere valeamus. Per Dominum.

Ad hostiam. Grata tibi sit, Domine, hæc oblatio, quam tibi offerimus pro nostris delictis, et pro ecclesia tua sancta catholica. Per.

Ad calicem. Offerimus tibi, Domine, hæc munera in memoriam Jesu Christi, Filii tui, humiliter deprecantes clementiam tuam: ut ante conspectum Divinæ majestatis tuæ, cum odore suavitatis ascendant. Per eundem.

Super hostiam impositam. Suscipe, Domine sancte,

T

Pater omnipotens, æterne Deus, hanc hostiam oblationis, quam ego indignus et peccator tibi Deo meo vivo et vero humiliter offero: et mittere dignare Spiritum sanctum tuum de cœlis, qui sua admixtione sanctificet hoc munus tibi oblatum. Per ejus.

IX.

Missa pro rege.

The "missa pro rege" is included among the votive or occasional masses in many editions of the Sarum missal. The office which follows is taken from a remarkable little volume printed on vellum, in the Bodleian library (Gough, 160), of which no other copy is known. Unfortunately the title is wanting and there is no colophon.

The first page contains the collect, secret, and postcommunion for Henry the seventh. The second page has the "Præparatio ad missam," with the form of confession for the priest who is about to celebrate if he wishes to confess at that time. This form is commonly to be found in editions of the Sarum missal.

OLENS confiteri dicat sacerdos: Benedicite,

V pater.

Sacerdos. Dominus sit in corde tuo et in labiis tuis ad confitendum omnia peccata tua. In nomine Patris et Filii, &c.

Tunc dicat peccata sua: quibus dictis dicat sacerdos: Misereatur tui omnipotens Deus, &c.

Indulgentiam et absolutionem, &c.

Meritum passionis Domini nostri Jesu Christi, suffragia sanctæ matris ecclesiæ, bona quæ fecisti et quæ per Dei gratiam facies sint tibi in remissionem peccatorum tuorum: injungat penitentiam dicens, et pro penitentia speciali dices hoc et hoc, vel facies hoc et hoc.