1. Quando dicenda est Missa pro gratiarum actione, sumitur Missa votiva de SS. Trinitate, vel de Spiritu sancto, vel de B. M. V., et tunc 2. Oratio erit de Officio diei; 3. pro gratiarum actione Deus, cujus misericordiæ, quæ habetur in Missali post Missam votivam SS. Trinitatis. (Rubrica propria de Oratione dicenda sub una conclusione, spectat tantum ad Missam solemnem.)

2. Si petatur Missa votiva in honorem SS. Apostolorum Petri et Pauli, legenda est Missa votiva, quæ in fine Missalis assignatur, observando tempore paschali rubricam in fine ejusdem Missæ positam. Si Missa votiva sit de S. Petro tantum, vel de S. Paulo, tunc eadem Missa votiva in fine Missalis posita legi potest, cum speciali intentione honorandi illum, in cujus honorem Missa petitur, neque tunc alterius commemoratio fieri debet, quia Oratio est communis utrique; in hoc tamen casu potest etiam sumi Missa propria S. Petri, ut in ejus Cathedra, vel etiam 29. Junii cum Orationibus ex festo Commemorationis S. Pauli; et vicissim Missa propria S. Pauli, ut in ejus Commemoratione (30 Junii), vel de ejus Conversione (25. Januar.); sed tunc sub distincta conclusione debet fieri commemoratio alterius Apostoli ante omnes alias commemorationes; 3a Oratio erit diei currentis. (De Herdt part. I. num. 41.)

3. Missa votiva pro sponsis in die nuptiar. dicitur in dupl., etiam majoribus (nunquam vero in dupl. 1. vel 2. clas., nec in Dominica, nec in aliis festis de præcepto); 2. et 3. Oratio ut supra, n. 1, ita ut semper servetur ritus Missæ votivæ. (S. R. C. 28. Febr. 1818.) In diebus exceptis Missa dicitur de festo cum commem. pro sponsis; quæ commem. nunquam est recitanda sub unica conclusione, sed semper post omnes Orationes a rubrica præscriptas. (S. R. C. 20. Dec. 1783, 22. Apr. 1822.)

4. Missa votiva propria pro Fidei Propagatione, ex Decr. 21. Aug. 1841., omnibus Diœcesibus concessa est, ubi nunc adest, vel in posterum aderit Societas Propagationis Fidei, necnon et licet hujus Missæ Orationes addere in Missa Festorum propria ejusdem Societatis (nempe in Inventione S. Crucis, et in festo S. Franc. Xaver.), sub una conclusione, quando fiunt 1. classis.

5. Gloria dicitur in Missis votivis Sanctorum, dum leguntur in die ipsorum obitus; sunt enim tunc quasi festivæ.

6. Prima Oratio Missæ votivæ, secunda vero de Officio diei currentis (etiam de officio votivo recitato ex privilegio), tertia autem, quæ aliunde dicenda foret 2o loco in Missa de officio, nempe vel de octava, vel de feria majore, vel de vigilia, vel de Simplici occurrente, vel A cunctis, vel alia de B. M. pro tempore respective.

7. Prima Oratio Missæ votivæ, secunda Officii currentis, tertia vero de Spiritu sancto.

8. In Missis votivis Apostolorum omnes Orationes dicuntur ut supra 6.; sed pro Apostolis Petro et Paulo, quo tempore dicenda esset Oratio A cunctis, ejus loco dicitur Oratio de B. M. V. Concede nos.

9. In tribus primis Missis, nempe pro Commem. Omnium Fidelium Defunctorum, in die obitus et in anniversario, unica semper dicitur Oratio; in quotidianis autem dicuntur tres Orationes in Missali positæ; non minus quam tres dicuntur, vel etiam plures ad libitum usque ad septem, sed numero impares; et aliquando pro illa Deus, venia impune subrogabitur alia, dummodo ultimo loco dicatur illa Fidelium Deus. (S. R. C. 2. Sept. 1741., 16. Febr. 1781., 27. Aug. 1836., 22. Sept. 1837., 12. Aug. 1854. et 16. Sept. 1865.)